Friday, April 1, 2022

" မင်း အားမငယ်နဲ့ မင်းနဲ့အတူငါရှိတယ် "


အနောက်က ဆင်ထိန်းက တကယ်တော့ ဆင်ကြီးကို တွန်းတင်နိုင်တဲ့ခွန်အားလည်းမရှိသလို တွန်းတင်ပေးနေတာလည်းမဟုတ်ဘူး

နောက်မှာ သူ့လက်တင်ပြီး " မင်းအနောက်မှာ ငါရှိတယ် အားငယ်စရာမလိုဘူးဆက်ကြိုးစားပါ " ဆိုတဲ့ အဓိပ္ပါယ်နဲ့အားပေးနေခဲ့တာ

ကိုယ်တို့ဘ၀တွေဖြတ်သန်းတဲ့အခါ .. လောကဓံဆိုတာ ကြမ်းတမ်းလွန်းပါတယ်

တခါတလေကိုယ့်အနောက်မှာ " မင်း အားမငယ်နဲ့ မင်းနဲ့အတူငါရှိတယ် " ဆိုတဲ့ခံစားချက်မျိုး ပေးတတ်တဲ့ မိတ်ဆွေမျိုးရှိရင်လုံလောက်ပြီမဟုတ်လား။ 

သက်တန့်ချို
၀၁ ဧပရယ် ၂၀၂၂

Tuesday, March 29, 2022

ဒီကမ္ဘာရယ် .. သံသရာ အဆက်ဆက်ရယ်


လက်ပြခဲ့ကြတာမှမဟုတ်ပဲ
တော်ယုံဆို ပန်းတွေပွင့်နေရောပေါ့
ဒီကမ္ဘာရယ် ..
သံသရာ အဆက်ဆက်ရယ် ။

အရာရာဟာ
ကိုယ်နိုင်တဲ့ဇတ်မှာ "က" ခဲ့ကြယုံ
ဒါဟာ ပုံပြင် တဲ့လား ။

ကိုယ့်လမ်းကိုယ်လျှောက်ကြတုန်းပေါ့
ခလုတ်မထိ ဆူးမညိစေဖို့ ဆုတောင်းကြယုံ
မြေပုံအညွှန်းတိုင်းဟာ တိတ်ဆိတ်လွန်းခဲ့ ။

မခမ်းနားခဲ့ဘူးဆိုတောင်
တောက်ပခဲ့ကြဖူးတာပဲမဟုတ်လား
အဆင်ပြေပါစေ ဆုတောင်းယုံနဲ့
နံနက်ခင်းတိုင်း... အေးချမ်းစေ ။

သက်တန့်ချို
၂၉ မတ်လ ၂၀၂၂

Monday, March 28, 2022

အားမကျနဲ့


 

 

 

 

 

 

 

တချို့ပြည့်စုံမှုတွေကို အားမကျနဲ့
ပြည့်စုံခြင်းတွေရဲ့နောက်ကွယ်မှာ
လစ်ဟာပေးဆပ်ခြင်းတွေကို သင်မမြင်နိုင်ဘူး ။

တချို့ကံကောင်းမှုတွေကို အားမကျနဲ့
ကံကောင်းမှုတွေအတွက်
အရင်းအနှီးပေါင်းများစွာ ပေးဆပ်နေရတာ သင်မမြင်နိုင်ဘူး ။

တချို့ အောင်မြင်မှုတွေကို အားမကျနဲ့
အောင်မြင်ခြင်းတွေရဲ့နောက်ကွယ်မှာ
ချနင်းခဲ့ရတဲ့ သိက္ခာတရားနဲ့ရိုးသားမှုတွေကို သင်မမြင်နိုင်ဘူး ။

သက်တန့်ချို
၂၈ မတ်လ ၂၀၂၂

Thursday, April 1, 2021

အလကား လူ



ဘယ်လောက်ပဲ တရားထိုင်ထိုင်
ဘယ်လောက်ပဲ အလှူတွေလုပ်လုပ်
ဘယ်လို ဘွဲ့ထူးတွေပဲရရ
လူလူချင်း .. ကိုယ်ချင်းစာတရားမရှိရင်
သင်ဟာ
" အလကားလူ " ပါပဲ ။

သက်တန့်ချို
1.4.2021

Monday, March 29, 2021

အလင်းနှစ်


အလင်းနှစ်

သံသရာဟာရှည်လျား
ခရီးသွားသူတစ်ယောက်ရယ်ပါ
ရယ်လိုက် ငိုလိုက်
ချစ်လိုက် မုန်းလိုက် နဲ့ပေါ့ ။

ဒီနှစ်ကောင်းကင်မှာ
အလင်းတွေပွင့်ခဲ့သလို
ဒီနွေရဲ့ရိုးပြတ်တွေမှာ
ကဗျာတွေ တိတ်ဆိတ်ငြိမ်သက်လို့ ။

အာရုဏ်မတက်မချင်း
အမှောင်ကိုသည်းခံမယ်
အိပ်မက်တွေ အရောင်ခြယ်တဲ့အခါ
ကျေးဇူးပြု၍ ငါ့ကိုလည်းခေါ်ပါ ။

ဒီတစ်ရက် ဒီတစ်နှစ်မက
နောင် အနာဂါတ်တိုင်းမှာ
ပွင့်လင်းဝေသီ
တေးတွေသီပါစေ .. ။

သက်တန့်ချို
29.3.2021