ညတစ်ည…အဲဒီညတစ်ညမှာ… အတွေးတွေက…တောင်စဉ်ရေမရနဲ့ ပေါ့ ။ ရှေ့မှာက ဘောပင်တစ်ချောင်းနဲ့ စာ ရွက်ဖြူဖြူလေး တစ်ရွက် … ကျွန်တော်…စိတ်ကို လွှတ်ပေး လိုက်တယ်… ကောင်မလေး….. စုန်းပျိုမ….. ကျောင်း တော်ကြီး……. စွယ်တော်ရွက်လေးတွေ….. အုတ်ဂူတစ်စုံ….. အိုး.... ကဗျာရှည်ကြီးတစ်ပုဒ်ရေးမိသွားတယ်…. ။ ကဗျာ လည်း ဆုံးရော ကျွန်တော်လည်း ဆောင်းဥတုချမ်းချမ်းမှာ …..တစ်ကိုယ်လုံး ချွေးတွေ…ရွှဲနစ်လို့……..။ အဲဒီညက အိပ်မပျော်ခဲ့ဘူး……။
အလွမ်းဖွဲ့.....
(၁)
မဟူရာညမှာ.....
လွမ်းချင်းတွေ တေးဖွဲ့ရင်း
ငါလည်း.... ပြတ်ရှခဲ့ဖူးတယ်...
ဖက်ဖူးရောင်သံစဉ်တွေက...
စိမ်းညို့ညို့ကြီးလွမ်းလို့...
ဂစ်တာအိုလည်း ပြုစားခံခဲ့ရတယ်....
အလွမ်းဆိုတာ ခါးတယ်တဲ့....
ငါကလည်း ဒါကို... တရှိုက်မက်မက်....
........................................
ကောင်မလေးရေ....
စကားဝါတွေပွင့်ပြန်ပြီ....
နှင်းဆီတစ်ပွင့်ရဲ့...ဈာပနမှာတော့
လေရူးတွေက ဆိတ်သုန်းနေလေရဲ့....
ကျောင်းတော်ကြီးရဲ့ ....
ခုံတန်းလျား ပြာပြာအချို့
အခုဆို... မှေးမှိန်နွမ်းလျ
ရော်ရွက်ဝါတစ်ပွင့်က....
သူ့.. ရင်ခွင်ထဲ.... ထိုးခွဲဝင်ရောက်သွားတယ်...။
(၂)
ဆောင်းဦးပေါက်ရာသီရဲ့....
မြူနှင်းမှုန်တွေနဲ့... ယက်လုပ်တဲ့ဝတ်ရုံ...
စုန်းပျိုမလေး... သူမ
မနက်ခင်းပေါင်းများစွာလည်း
အပိုင်စီးသွားပြန်တယ်....
သစ္စာတွေ ညွတ်ကိုင်း
အပြိုင်းပြိုင်း ဆွဲတဲ့လွန်ပွဲ...
ဒရမ်သံ တစ်လက်နဲ့...
အနောက်တောင် လေဦးကိုလည်း..
ရူးရူးမူးမူး ကြိုခဲ့ဖူးတယ်....
လွမ်းတယ်... ကောင်မလေးရယ်....
အချိန်မှန်တက်တဲ့ .. သွေးအဆိပ်လို
ငါလည်း အပျက်ပျက်နဲ့....
မနက် တစ်ချက်လည်း ထိုးခဲ့ဖူးပြီ...။
(၃)
ဖြူစင်ဝင်းပတဲ့ သဏ္ဍာန်...
အဲဒီ.. တခဏမှာပဲ...
မိုက်ကနဲ....
အလဲအကွဲစွဲခဲ့တယ်...
စုန်းပျိုမရေ...
မင်းပေးခဲ့တဲ့ ကျိန်စာ...
ဒီကောင်က နောင်ဘ၀ထိတောင်....
ဆက်သယ်ယူဦးမတဲ့....
ယိမ်းနွှဲ့ ကခုန်နေတဲ့....
ဆံနွယ်ရှင်မ....
မဟူရာ.. တေးချိုချို တစ်ပုဒ်
ဆက်လက်တီးခပ်ပါ ....
ပွင့်လန်းလာမယ့် ပန်းတွေက...
ကမ္ဘာမြေအနှံ့... အတိပြီးစေမှာပါ ....။
ခက်တယ်... ကောင်မလေးရယ်...
ငါကလည်း...
သတ်မှတ်ချက်ဘောင်တွေ...
ပြဌာန်းထားတဲ့ ..ချစ်ခြင်းရဲ့ ဥပဒေ
ဒါတွေကို အယုံအကြည် မရှိခဲ့ဘူး....
ဒါဏ်ခတ်ခံရတယ် ထင်ပါရဲ့....
လွမ်းဆွတ်ခြင်းတွေ တငွေ့ငွေ့...
သတိရခြင်းတွေ တရိပ်ရိပ် တက်လို့.....
ဘ၀ကလည်း ' ခါး ' ခဲ့ဖူးပြီ...
ဘာရယ်မဟုတ်ပါဘူး.....
မင်းအကြောင်းတွေးတဲ့.....
ည တစ်ည နဲ့တင်....
ငါ သေ တတ်ခဲ့ပြီ.....။
(၄)
နှင်းဆီဖူးတွေ....
ထွန်ကြူးတဲ့ရာသီ...
စိုက်ပျိုးခဲ့တဲ့... ပန်းတစ်ခင်းက.....
ချစ်ခြင်းရဲ့ ရနံ့တွေ... သင်းရီဝေလို့....
ဘ၀ဦးမှာ....
နှစ်ခါပြန် မရူးရပါစေနဲ့...
ဒီအမာရွတ်တစ်ခုကိုပဲ....
တစ်သံသရာလုံး...
သိမ်းထားခွင့်ပြုပါ...ကောင်..မ..လေး...ရေ.....
တစ်ချိန်တုန်းကပေါ့...
မင်း...မေးခဲ့ဖူးတယ်...
' အချစ် ' ဆိုတာဘာလဲတဲ့...
မေးခွန်းတစ်ခုထဲနဲ့တင်....
စာမေးပွဲက...ကျဆုံးသွားတယ်...
အဖြေလွှာမှာ ရေးခဲ့တာက
ဗလာ....
ဖြူလွှလွှ....စာမျက်နှာမှာ...
မင်တစ်စက်တောင် မစွန်းထင်းစေခဲ့ဘူး...
ငါ... အဖြေမပါသွားလည်း
နေပါစေ....
( အချစ်ဆိုတာကိုက....
အဖြေမရှိတဲ့ ပုစ္ဆာတစ်ပုဒ်ပဲလေ...)
ကောင်မလေးရေ...
ဝေရီအုံ့ဆိုင်းတဲ့...
မနက်ခင်းတိုင်းမှာလည်း....
ကော်ဖီတစ်ခွက်ထက်...
မင်းရဲ့ အကြည့်နက်နက်တွေပဲ....
စွဲနေခဲ့တာ....
အေးချမ်းပါစေကွယ်...
ရေပြင်ပေါ်ကျတဲ့..မိုးမှုန်မိုးစက်တွေလို....
ငါ့သစ္စာက...ကျယ်ဝန်းနက်ရှိင်းပါတယ် ....။
(၅)
ကျောင်းတော်ကအပြန်...
ခြေလှမ်းတွေလည်း...
တခွေယိုင်ယိုင်...
ငါ...နစ်မြုပ်ခဲ့တယ်...
စံပါယ်ရယ်.....
မွှေးပျံ့နေလိုက်တာ....
နင့်ရဲ့....အနားမှာ....
သင်းပျံ့ ထုံရီနေခွင့်....
ငါ... မတောင်းဆိုခဲ့ပါဘူး.....
မင်းယုံပါ...ကောင်မလေးရေ...
ငါဆိုတဲ့ကောင်က...
တစ်စက္ကန့်စာ ...မြင်ခွင့်ရယုံနဲ့တင်...
ကျေနပ် နေတတ်ခဲ့သူပါ ...
ရာဇ၀င်တွေ ယိုင်နဲ့....
ခပ်အက်အက် လှောင်ရယ်သံတွေ...
ဥပက္ခာ တစ်စက်မှာ...
အလွမ်းမိုရေစက်တွေ...မခါးခဲ့ဘူး....
ဒီလူကိုက....
သမိုင်းရဲ့ ထောင့်တစ်နေရာမှာ...
ခပ်ကွေးကွေးလေး နေချင်သူပဲလေ....။
(၆)
ထူးထူးခြားခြားပဲ...
ရင်ထဲမှာ အေးချမ်းနေတယ်...
ရောက်လေရာမှာ...
မင်းပျော်နေမှာပါ...
အချိန်ဆိုတာကိုက...
အကောင်းဆုံး ဖြေဆေးတစ်ခွက်တဲ့ ...
ငါ့မှာတော့...
အချိန်မြင့်လေ...
အဆိပ်တက်လေ....
ပြာနှမ်းရူးသွပ် သွားစေဦးတော့...
ငါလွမ်းနေဦးမယ်....
( လူဆိုတာကိုက...လွမ်းဆွတ်တတ်သော
သတ္တ၀ါပဲလေ....)
နှင်းငွေ့လွင်ပြင်မှာ...
ဝိုးတ၀ါးဝါး ပုံရိပ်...
ဒါပေမယ့်...
တိကျပြတ်သားတယ်...
ကောင်မလေးရေ.....
ကဝေအတတ်နဲ့...
စုန်းပူးခံလိုက်ရတယ်...
ကျိန်စာဖြစ်ခဲ့မယ်ဆိုရင်လည်း...
မပြယ်ချင်တော့ပါဘူးကွယ်......။
(၇)
လေးညှို့သံကြားတိုင်း...
တုန်လှုပ်တတ်တဲ့ နှလုံးသားတစ်စုံ...
ကြောက်လန့်ခြင်းထက်....
တွယ်တာခြင်းက... ပိုနေပြန်တော့....
အခက်သားပဲ...
ဆောင်းဥတုရဲ့.....
ဖြူဖြူ နုနု... မနက်တစ်ခုကနေ....
အစပြု...ငါတို့.....
ရူးသွပ်.....အိုး......
ကွဲပျက်....ကြေအက်ခဲ့တဲ့ သံစဉ်တွေ....
ကိုယ့်ယုံကြည်ချက် ကိုယ်ရိုက်ချိုး....
အရိုးထိအောင်....ရူးသွပ်သူ....
ကောင်မလေးရေ....
ဝဲဂယက်တွေ တလှပ်လှပ်ထလို့.....
အသွေးအသားတွေလည်း ခမ်းခြောက်...
ငါက... မြေကမ္ဘာပျောက်တောင်.....
တဖျောက်ဖျောက်...ကြွေဆဲ.....
ခုံတန်းလျားပြာလေး...
တို့အတူနင်းခဲ့တဲ့...စွယ်တော်ရွက်တွေ...
လေတစ်ချက်ဝှေ့တိုင်း....
ယိမ်းနွဲ့အိစင်းတဲ့ ဆံနွယ်နက်နက်တွေ....
ငါတွေကိုက...
ငါ့ ' ကဗျာ ' ပဲပေါ့.....
ကောင်မလေးရေ....
နင်ကတစ်နေရာ....
ငါက တစ်ကမ္ဘာ....
အနေမတူ...အခြေမတူပဲ....
ဒီကိန်းညွှန်းတစ်စုံက...
ရလဒ် ' သုံည ' ကိုပဲ... ညွှန်ပြနေတယ်...။
(၈)
တို့တွေ....အထိတ်ထိတ်...
တိတ်ဆိတ်ခဲ့ရတဲ့ အချိန်တွေ...
နှုတ်ဖျားတစ်စုံက....
ကြွေလင့်လာမယ့် စကားသံ...
လူတစ်ယောက်ကို....
ဝုန်းကနဲ ပစ်လဲစေနိုင်တယ်...
သေစမ်း....
သေစမ်း...
သေစမ်း...ကွယ်.....
နတ်ဖန်ဆင်းတဲ့ ပန်းတစ်ပွင့်ကိုမှ...
' တရှိုက်မက်မက် ဖြစ်ခဲ့တာကို ' တဲ့...
ဒါပေမယ့်ကွယ်....
နင်က....ကောင်းကင်တစ်စုံ...
ငါက မြေသားအတိ....
တို့တွေ...မိုးကုတ်စက်ဝိုင်းအစွန်မှာ....
ပြန်ဆုံကြရအောင်နော်....
ဝမ်းနည်းစရာက...
ဝန်ရိုးစွန်းတစ်ဖက်ဟာ....
ဆုံမှတ်တစ်ခု မဟုတ်ခဲ့တာပါပဲ....
ဒီလိုနဲ့ပဲ...
ဝေး....
ဝေး....
အဆွေး ကဗျာ တွေလည်း....
ရေးတတ်ခဲ့ပြီ..............။
(၉)
လွမ်းလိုက်တာ....
ခရမ်းပြာရယ်.....
ငါတို့ရဲ့...
ရင်ကွဲပြတ်ရှ.....
အတိတ်နေ့ရက်စူးစူးတွေ.....
အဲဒီခရောင်းတောထဲမှာ....
ပြန်မတူးဖော်ချင်တဲ့....
အုတ်ဂူဆွေးဆွေးနဲ့...
နှလုံးသားတစ်စုံ...
တို့နှစ်ယောက်ရဲ့...
စွယ်တော်လမ်းကလေး....
ပန်းတွေအဖွေးသားနဲ့.....
ငြိမ်သက်နေလေရဲ့.....
ပြာရီဝေလဲ့နေတဲ့...
ကောင်းကင်မှာ....
မိုးရေစက်တွေလား....
မျက်ရည်စက်တွေလား....
မပီဝိုးတ၀ါးနဲ့.....
နှလုံးသားလည်း....
စွတ်စိုဖျားနာနေရပြီ....
ဘယ်အငြိုးနဲ့များ...
အသေ သတ် ရက်ခဲ့တာလဲ....
အနက်ရှိုင်းဆုံးဆီက....
တထိတ်ထိတ် ကုန်ခဲ့ရတဲ့....
ရင်ခုန်သံတစ်ချက်ကို.....။
(၁၀)
" ဒေါင်....ဒေါင်....."
ကောင်မလေးရေ.....
နင်ကြားရဲ့လား....
ငါတို့ ကျောင်းတော်ကြီးဆီက....
ကျောင်းတက်ခေါင်းလောင်းသံပေါ့....
ဝမ်းနည်းစရာက.....
တို့နှစ်ဦးစလုံး.....
ပြန်မဆုံ နိုင်တော့တဲ့....
လမ်းတစ်ဖက်ဆီမှာ....
ကိုယ်စီငေးရင်း.....
ဆွေးနေကြယုံပေါ့.....
ဘာပဲဖြစ်ဖြစ်ကွယ်....
ငါ့မေတ္တာတွေက....
နင့်ကို...လွှမ်းခြုံစေမှာပါ....
သစ္စာရေတွေလည်း....
မသောက်ပြချင်တော့ဘူး....
ကိုယ့်အလွမ်း ဒါဏ်ရာကို....
ကိုယ်သာအသိဆုံးလေ.......
အေးမြနေပါစေ...
ကောင်မလေးရေ....
ချိုအီသင်းရှတဲ့...
အိပ်မက်လှလှတွေ...
ဖန်ဆင်းပေးတတ်ခဲ့သူ....
နင်...မမေ့ပါနဲ့ကွယ်.....
စကြ၀ဋ္ဌာရဲ့....
ထောင့်တစ်နေရာမှာ.....
အကျဉ်းချ...သေဆုံးခဲ့ရတဲ့....
နှလုံးသားတစ်စုံ....ရှိခဲ့တယ်ဆိုတာ.............။
သက်တန့်ချို
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................
Nice Poem ..!
ReplyDeleteခံစားပြီး ဖတ်သွားတယ် ..
ကောင်မလေး လည်း
လွမ်းနေမှာပါ ..
ကဗျာလေးကောင်းလိုက်တာကွယ်။ ဖတ်ပြီးရင်း ဖတ်ချင်နေအောင်၊ ဖတ်နေသူ ကဗျာထဲ မျောပါခံစားတတ်အောင် ရေးထားတာလေး။ ကောင်မလေးလည်း လွမ်းနေမှာပါပဲနော်။
ReplyDeleteကဗျာရှည်လေး ကောင်းမှကောင်း....
ReplyDeleteခံစားပြီး ဖတ်သွားပါတယ် ကိုသက်တန့်ရေ.....ကဗျာလေးက အရမ်းကို ကောင်းပါတယ်...အစဉ်အားပေးလျှက်ပါ....
ReplyDeleteကဗျာရှည်ထဲ နစ်မျော
ReplyDeleteနောက်ဆုံးတော့ ပင့်သက်ရှည်ကြီးပစ်ချပီး
ခနတော့ အသံတိတ်သွားမိတယ်
သူငယ်ချင်းရေ ကဗျာရှည်ထဲ အလွမ်းတွေမျောနေပေမဲ့
အေးမြတဲ့ချစ်ခြင်းတွေအတွက် ကောင်မလေးကတော့ အမြဲသတိတရရှိနေမယ်ထင်ပါရဲ့
သက်တန့်ရေ
ReplyDeleteကဗျာလေးကို အတော်ဘဲသဘောကျမိတယ်..
တော်တော်လေးကို အချိန်ပေးထားရမယ်ထင်တယ်နော်
ရင်ဘတ်ကြီးတစ်ခုလုံးနဲ့ ချရေးထားတယထင်ပ
ခံစားချက်တွေအကုန်ဖွင့်ချထားပါလား
နှင်းဆီရေ စပယ်ရော ရှိသမျှပန်းအကုန်
သက်တန့်ရင်ထဲမှာ
မွှေးပါစေလို့ ဆုတောင်းပေးသွားတယ်နော်...
ကဗျာရှည်ကြီး ဖတ်လို့ကောင်းတယ်...
ReplyDeleteးဝ)
ကဗျာကြီးဖတ်သွားတယ် ................. ခံစားသွားပါတယ် ။
ReplyDeleteကဗျာကိုဖတ်ပြီး ခံစားသွားပါတယ်..။ ခံစားချက်တွေများတော့ ကဗျာလေးလည်း ရှည်ပေါ့။
ReplyDeleteခင်တဲ့
သဒ္ဓါ
အေးမြနေပါစေ...
ReplyDeleteကောင်မလေးရေ....
ချိုအီသင်းရှတဲ့...
အိပ်မက်လှလှတွေ...
ဖန်ဆင်းပေးတတ်ခဲ့သူ....
နင်...မမေ့ပါနဲ့ကွယ်.....
စကြ၀ဋ္ဌာရဲ့....
ထောင့်တစ်နေရာမှာ.....
အကျဉ်းချ...သေဆုံးခဲ့ရတဲ့....
နှလုံးသားတစ်စုံ....ရှိခဲ့တယ်ဆိုတာ.............။
ဟုတ်တယ် ကောင်မလေးရေ..မမေ့နဲ့နော်..။
ကဗျာလေးကအပျံစားပဲ သက်တန့်..
ခင်မင်စွာဖြင့်
မိုးငွေ့
ကိုသက်တန့်ကြီးက ...
ReplyDeleteလွမ်းမယ့် လွမ်းတော့လည်း တော်တော်
ရှည်ရှည်လျားလျားကို လွမ်းလိုက်တော့တာပဲကိုး
... :D
ကိုသက်တန့်ကြီးက ...
ReplyDeleteလွမ်းမယ့် လွမ်းတော့လည်း တော်တော်
ရှည်ရှည်လျားလျားကို လွမ်းလိုက်တော့တာပဲကိုး
... :D
ဝါးးးးးးးးးးးးးးးးး
ReplyDeleteတို့ကိုသက်တန့်ကြီးက အမှန်ကိုလွမ်းတာပဲ..
မိုက်တယ်အကိုရာ..
တနင့်တနဲကြီးကိုကူလွမ်းပလိုက်တယ်ဗျာ။။။။။။။။။
ဘာပဲဖြစ်ဖြစ်ကွယ်....
ReplyDeleteငါ့မေတ္တာတွေက....
နင့်ကို...လွှမ်းခြုံစေမှာပါ....
သစ္စာရေတွေလည်း....
မသောက်ပြချင်တော့ဘူး....
ကိုယ့်အလွမ်း ဒါဏ်ရာကို....
ကိုယ်သာအသိဆုံးလေ.......
သက်တန့်လဲ နွေးထွေးတဲ့မေတ္တာတွေ ပြန်ရမှာပါနော်.
ခံစားမှုများဖြင့်....:)
ဟီး ဟီး မောမောကိုဖက်တွားတာပဲ အကိုရေ ကောင်းယယ် အားပေးနေမယ် နော် နောက်များယဲ ....
ReplyDeleteမောမောကိုဖက်တွားတာပဲ ကောင်းယယ် အကိုရေ အားပေးနေမယ်နော်
ReplyDeleteသစ္စာရေတွေ သောက်မပြချင်တော့ပေမယ့် ဒီကဗျာရှည်ကြီးထဲမှာ သစ္စာတွေကိုတွေ့လိုက်ရပါတယ်။ ကိုသက်တန့်ရဲ့ ကောင်မလေးလဲ လွမ်းနေလောက်မှာပါ၊
ReplyDeleteအလွမ်းတွေတပွေ့တပိုက်နဲ့
ReplyDeleteလာငေးသွားတယ်
လွမ်းသူ့ရင်ထဲက အလွမ်းတွေကို လွမ်းရတဲ့ချစ်သူတစ်ယောက်သိနိုင်ပါစေ။
ReplyDeleteရေးထားတာ အရမ်းမိုက်တယ်
ReplyDeleteအချစ်ဆို တာကို က အဖြေမရှိတဲ့ ပုစ္ဆာတစ်ပုဒ် လား..။ ကောင်မလေး ကို ပြောပြ လိုက်ပါ့မယ်..စကြ၀ဋ္ဌာရဲ့....
ReplyDeleteထောင့်တစ်နေရာမှာ.....
အကျဉ်းချ...သေဆုံးခဲ့ရတဲ့....
နှလုံးသားတစ်စုံ....ရှိခဲ့တယ်ဆိုတာ..ပေါ့..။
good တယ် တကယ်မိုက်တယ် ဗျာ ခံစားပြီးဖက်သွားပါတယ်
ReplyDelete