MH370 ထူးဆန်းစွာပျောက်ဆုံးမှု အဖြေထွက်ပြီလား ( သို့မဟုတ် ) Diego Garcia လေဆိပ်မှာ ရှိနိုင်တဲ့ MH370

MH370 ထူးဆန်းစွာပျောက်ဆုံးမှု အဖြေထွက်ပြီလား ( သို့မဟုတ် ) Diego Garcia လေဆိပ်မှာ ရှိနိုင်တဲ့ MH370 

မှတ်ချက် ။   ။ ယူကျူ့မှာ video ဖိုင်အနေနဲ့ကြည့်ချင်ရင် http://www.youtube.com/watch?v=Pp8ZiK23nLc မှာကြည့်နိုင်ပါတယ် ။ 

တော်တော်စိတ်ဝင်စားဖို့ကောင်းတဲ့သီအိုရီတစ်ခုပါပဲ ။ တစ်ခုခု တော့ သေသေချာချာဖြစ်ပျက်ခဲ့တာသေချာပါတယ် ။ Diego Garcia လေဆိပ်ဟာ စစ်သားတွေ အဲဒီနေရာကနေထွက်ခွာဖို့ကို Cancel လုပ်ခဲ့တယ် ဒါပေမယ့်လေယာဉ်ကို ရှာမတွေ့သေးဘူး ။ Black box ကနေထွက်ပေါ်လာတဲ့ Ping တွေကို ဘက်ထရီ မကုန်ခင် နှစ်ကြိမ်မျှ မိခဲ့တယ်လို့ဆိုတယ် ။ 

ယုံချင်ယုံမယုံချင်နေ အောက်မှာ ပြထားတဲ့လင့်တွေကတော့ Diego Garcia မှာ MH370 ရှိနိုင်တယ်ဆိုတဲ့သက်သေတွေဖြစ်တယ်လို့ဆိုပါတယ် ။ 

၁ ။ မော်လ်ဒိုက် ကျွန်းမှာနေတဲ့ ပြည်သူတွေက Low flying jet ( ခပ်နိမ့်နိမ့် ပျံသန်းသွားတဲ့ ဂျက်လေယာဉ် ) တစ်စီးကို တွေ့လိုက်ရတယ်ဆိုတဲ့သတင်း 

http://www.haveeru.com.mv/news/54062

၂ ။ ပုံစံတူ တည်ဆောက်ထားသော ဘိုးရင်း ၇၇၇ Storage history

Planespotters - http://www.planespotters.net/Production_List/Boeing/777/28416,N105GT-GA-Telesis-php

Planelogger - http://www.planelogger.com/Aircraft/View?Registration=N105GT&DeliveryDate=04.10.13

၃ ။ Busted !! အစ္စရေးမှ MH370 လေယာဉ်ပုံစံတူ ( Twin Airplane ) အား Tel-Aviv! တွင်ဖမ်းမိခြင်း 

https://www.youtube.com/watch?v=wWYANJzVJvY

၎ ။ Tel Aviv တွင် သိမ်းထားသော 777 အားပြင်သစ်မှလွှဲပြောင်းပေးခြင်း

https://earthlinggb.wordpress.com/2014/03/28/france-transfers-stored-777-to-storage-in-tel-aviv/

၅ ။ Tel Aviav ရှိ MH370 အမွှာလေယာဉ်ထွက်ပေါ်လာမှုအတွက် အစ္စရေးနှင့် ဆော်နိုတို့၏ အခန်းကဏ္ဍ

http://rense.com/general96/role.html

၆ ။ Diego Garcia အကြောင်း မိနစ် ၆၀ စာ report လုပ်ထားတဲ့ CBS

https://www.youtube.com/watch?v=lxVao1HnL1s

၇ ။ အီရန် ၂ ယောက်မှ ခိုးယူထားသော ပါ့စပို့ ကိုင်ဆောင်ပြီးလေယာဉ်ပေါ်လိုက်ပါသွားမှု 

http://nypost.com/2014/03/11/iranian-teen-with-stolen-passport-on-jet-sought-asylum/

၈ ။ သံတမန်ရေးရာရိုက်ခတ်မှုကြောင့်ကမ္ဘာတ၀ှမ်းရှိ သံရုံးများ ပိတ်ထားသော အစ္စရေး 

http://www.reuters.com/article/2014/03/23/us-israel-diplomacy-idUSBREA2M0ER20140323

၉ ။ အစိုးရက သိသာထင်ရှားစွာ ဖုံးကွယ်ထားသော မလေးရှားလေယာဉ် MH370 : သက်သေအားလုံးညွှန်ပြချက်အရ တရားဝင်ပြောကြားချက်များနှင့်ဆန့်ကျင်ဖက်ဖြစ်နေ 

http://www.naturalnews.com/044430_Malaysia_Airlines_official_story_government_cover-up.html

၁၀ ။ အမေရိက စစ်အခြေစိုက်စခန်း - MH370 ပိုင်းလော့၏ အကူလေ့ကျင့်ရေးပျံသန်းစက်မှ ထွက်ပေါ်လာချက် 

http://www.themalaysianinsider.com/malaysia/article/us-military-base-south-asian-airports-in-mh370-pilots-simulator-says-paper

၁၁ ။ မလေးရှားလေယာဉ်မှူး၏ မိသားစု မှ လေယာဉ်မထွက်ခွာခင် အိမ်မှပြောင်းရွှေ့သွားခြင်း 

http://www.dailymail.co.uk/news/article-2582249/Keen-chef-inventor-passionate-toy-remote-controlled-aircraft-inside-home-life-MH370-pilot-Captain-Zaharie.html

၁၂ ။ မော်လ်ဒိုက်နှင့် Diego Garcia အား ဂူဂဲလ်မြေပုံတွင်မြင်တွေ့ရခြင်း 

https://www.google.com/maps/dir/Diego+Garcia/Kudahuvadhoo/@-1.1440507,70.5251265,6254547m/data=!3m1!1e3!4m13!4m12!1m5!1m1!1s0x249273fe6d69b0ad:0x3b3c07570eb0d1c5!2m2!1d72.4228556!2d-7.3195005!1m5!1m1!1s0x3b47b7f463330b43:0x8f2b757b328fb8d7!2m2!1d72.8914233!2d2.6707039

===================

ဒါကတော့ People Insider ကနေတင်ဆက်ထားတဲ့သတင်းဖြစ်ပါတယ် ။နောက်ဆုံး Official သတင်းတွေကတော့ Ping ၂ ခု ဆက်တိုက် ဖမ်းယူရခဲ့တယ် ။ ဖြစ်နိုင်ခြေရှိတာကတော့ Black box ရယ် Voice recorder ရယ် ၂ ခုကနေဖြစ်နိုင်တယ် ။ ဒါပေမယ့် ကြိမ်နှုန်း Frequency က 33.331 kHz ဖြစ်နေတဲ့အတွက် ဘယ် Ping က ဘယ်ကနေလာသလဲဆိုတာ ခွဲရခက်နေတယ်ဆိုတဲ့အချက်ဖြစ်ပါတယ် ။ 

အခုထိတော့ Black box ဖြစ်စေ Voice recorder ဖြစ်စေ Debris ဖြစ်စေ ဘာမှရှာမတွေ့သေးပါဘူး ။ ဘက်ထရီသက်တမ်းတွေ့လည်းကုန်သွားပြီဖြစ်တဲ့အတွက် Signal တွေကလည်မှေးမှိန်နေပါပြီ မကြာခင်ပျောက်ကွယ်သွားတော့မှာဖြစ်ပါတယ် ။ 

နောက်ဆုံးဘာမှ တိတိကျကျ ရှာမတွေ့လေလေ အထက်မှာဖော်ပြထားတဲ့အချက်တွေကိုကိုးကားပြီး လေယာဉ်ကို တစ်နေရာမှာ ဖွက်ထားခြင်းဆိုတဲ့ သီအိုရီဖက်ကို အားလုံး ဦးတည်လာနေကြပြီဖြစ်ပါတယ် ။ 

သက်တန့်ချို 

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Facebook Page မှာမဟုတ်ပဲ Profile မှာ Comment to Comment reply ပေါ်အောင်လုပ်နည်း

Facebook Page မှာမဟုတ်ပဲ Profile မှာ Comment to Comment reply ပေါ်အောင်လုပ်နည်း 

 

ပေ့ခ်ျတွေမှာပဲ ရတယ်လို့ထင်ရတဲ့ Comment to comment reply feature ဟာ တကယ်တော့ Profile တွေမှာလည်းရပါတယ် ။ ဒါပေမယ့် Public တင်တဲ့ပို့စ်တွေမှာသာ ရနိုင်တာပါ ။ Friend only တင်တဲ့ပို့စ်တွေ ရမရတော့မသိပါဘူး ။ မရလောက်ဘူးထင်ပါတယ် ။ ကဲ Public Post တင်တဲ့ပိုင်ရှင်တွေ ၀ါသနာပါသူများအောက်ပါ အတိုင်းစမ်းကြည့်ရအောင် ။ 

ကွန်ပြူတာပေါ်မှာ ကိုယ်သုံးနေတာ Chrome latest version ဖြစ်ရပါမယ် ။ Mozilla အတွက်လည်းရပေမယ့် အခု Chrome အတွက်ရှင်းပြပေးမှာပါ ။ 

အဆင့် ၁ ။   ။ အောက်မှာပေးထားတဲ့ လင့် ၂ ခုစလုံးကို ဒေါင်းလုပ်ဆွဲရပါမယ် ။ 

- Manual Geolocation Download link - https://chrome.google.com/webstore/detail/manual-geolocation/mfodligkojepnddfhkbkodbamcagfhlo

- Ultimate User Agent Switcher Download Link -https://chrome.google.com/webstore/detail/ultimate-user-agent-switc/ljfpjnehmoiabkefmnjegmpdddgcdnpo

အဆင့် ၂ ။   ။ ၂ ခုစလုံးကို Add လုပ်ပြီး Install လုပ်ပြီးတဲ့အခါ ပုံမှာမြင်ရတဲ့အတိုင်း Chrome Menu နားက Manual Geolocation Extension Icon ကို ကလစ်နှိပ်ပါ ။ 

 

ပြီးရင် Enable လင့်ကိုနှိပ်ရပါမယ် ။ အကယ်၍ ကိုယ့်ဆီမှာ Disable လို့ပေါ်နေပြီးသားဆိုရင် လုပ်စရာမလိုပါဘူး Enable ဖြစ်ပြီးသားပါ ။ New Zealand ဆိုပြီး ရိုက် Search နဲ့ရှာလိုက်ပါ ။ မိုးရေစက်ပုံ အနီလေးထဲမှာ အမဲစက်လေးနဲ့ New Zealand ကိုထောက်ပြထားပြီးတွေ့ပြီဆိုရင်ရပြီ ။ 

အဆင့် ၃ ။   ။ Manual Geolocation Extension ကို Enable လုပ်ပြီးပြီဆိုရင်တော့ နောက်ထပ် Ultimate User Agent Switcher ကို Activate လုပ်ဖို့လိုပါတယ် ။ ပုံမှာပြထားတဲ့အတိုင်း မျှားအနီဝိုင်းလေးကို ကလစ်နှိပ်ပါ ။ ပြီးရင် ပုံမှာပြထားတဲ့အတိုင်း Activate Now!! ဆိုတာကို အမှန် Tick လုပ်ပေးပါ ။ 

အဆင့် ၄ ။ ပြီးရင်တော့ new tab ကိုဖွင့်ပြီး အောက်ပါလင့်ကိုသွားလိုက်ပါ ။ 

http://touch.facebook.com 

အဆင့် ၅ ။   ။ Tablet တွေမှာတွေ့ရတဲ့ Interface မျက်နှာပြင်လိုမျိုးတွေ့ရပါလိမ့်မယ် ။ Check in ကိုနှိပ်ပါ ။ New Zealand နားတ၀ှိုက်ကို အော်တိုရှာပေးပါလိမ့်မယ် ။ တစ်ခုခုကိုရွေးလိုက်ပါ  ။ ဥပမာ Coastlands Mall ပေါ့ ပြီးရင် Only me နဲ့ Status တစ်ခုတင်လိုက်ပါ ။ 

အဆင့် ၆ ။ ပြီးရင် New Tab ဖွင့်ပြီး ပုံမှန် ဖေ့ဘုတ်စာမျက်နှာကိုသွားပါ ( www.facebook.com ) ပြီးတဲ့အခါ သင်တင်ချင်တဲ့စာကို Public Post နဲ့တင်လိုက်ပါ ။ 

 

Amazing !! You are now successfully installed Comment To Comment Reply :D

မူရင်း Trick မှာပြောထားတာကတော့ နေ့စဉ်ကိုယ့် Ultimate User Agent Switcher ထဲကနေပြီး Activate လေးနှိပ်ဖို့လိုပါတယ် Activate မဟုတ်ရင် Comment to Comment Reply ရမှာမဟုတ်ပါဘူး ။ ပြီးရင် touch.facebook.com ကို ၀င်ပြီးတစ်နေ့တစ်ခါလောက်တော့ Only me လေးနဲ့ Check in ၀င်ပေးဖို့လိုပါသတဲ့ ။ ( ဒါက နောက်တစ်နေ့ရောက်တဲ့အခါ Comment to comment reply ပျောက်သွားရင်လုပ်ရမှာကိုပြောတာပါ .. တစ်ခါလုပ်ပြီးမပျောက်သွားဘူးဆိုရင်တော့အိုကေတာပေါ့ ) 

Credit: Arjun, Cryptlife and 99tricks

သက်တန့်ချို ဝေမျှသည် ။ 

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

တိုင်းပြည်မှာ ဦးဆောင်နိုင်တဲ့လူက သိပ်အများကြီးရှိတာမဟုတ်ဘူး

တိုင်းပြည်မှာ ဦးဆောင်နိုင်တဲ့လူက သိပ်အများကြီးရှိတာမဟုတ်ဘူး 

ဒီနေ့တော့ စိတ်ထဲရှိတာလေး ချရေးဖို့ဖြစ်လာပါပြီ .. ကျုပ်တို့ တိုင်းပြည်ရဲ့လက်ရှိ...အခြေအနေအရ 

ဆုပ်လည်းစူး ..စားလည်းရူးလိုဖြစ်နေပါရော့လား ..လက်ရှိတိုင်းပြည်ကို ဦးဆောင်နိုင်တဲ့လူက 

လက်ချိုးရေတွက်လိုက်ရင် တကယ့်ကို နည်းနည်းလေး ...

အဲဒီနည်းနည်းလေးထဲကမှ .. အရည်အချင်းရှိတဲ့သူ .. တိုင်းပြည်ကို ကယ်တင်ပေးနိုင်မယ့်သူဆိုတာ ..

တကယ့်ကို မှုန်ပြပြ လေး ...

ကဲ ..ကျုပ်တို့တစ်ခုစဉ်းစားကြည့်ရအောင်လား ...

နောင်ဆယ်စုနှစ်အလွန်မှာ ဦးသိန်းစိန်ရော ..ဒေါ်အောင်ဆန်းစုကြည်ရော .. မရှိတော့ဘူး

အကြောင်းကြောင်းကြောင့် နိုင်ငံရေးနိုင်ပယ်ထဲ မ၀င်နိုင်ကြတော့ဘူးဆိုပါတော့ ...

ကျုပ်တို့အာလုံးမှာ သူတို့ကိုဆက်ခံဖို့ ခြေရာတိုင်းနိုင်ဖို့ ... ဘယ်လိုမျိုးဆက်သစ်တွေရှိကြသလဲ ..

ဘယ်သူတွေကို ရည်မှန်းထားပါသလဲ ....

တကယ့်ကို အမှောင်တွင်းနက်ကြီးပါ ... မျှော်လင့်ချက်ထားနေတဲ့ သူတို့ ၂ ယောက်တောင် ..

အခုဆိုရင် ... လမ်းပျောက်သလိုလို .. 

တိုင်းပြည်ကအကြွေးတွေနဲ့ ...

စစ်သား ရဲ မော်တော်ပီကယ် ဆရာဝန် ရှေ့နေ အင်ဂျင်နီယာ အိုးအစုံပဲ ..

ကိုယ့်အလုပ်ကိုယ်မလုပ်ကြပဲ ဟို လူက ဒီလူကိုပုတ်ခတ်လိုက် မင်းတို့အသုံးမကျတာပြောလိုက် ..

ဒီလူက ဟိုလူကိုပုတ်ခတ်လိုက် ..ဒါ မင်းတို့အသုံးမျကတာပြောလိုက် ..

အသုံးမကျတာတွေ လိုက်တူးဖော်နေရရင် ခေတ်အဆက်ဆက်ပြေလို့တောင်ကုန်နိုင်မယ်မထင်ဘူး ..

နိုင်ငံတကာကို လှည့်ပတ်ပြီးအကြွေးတွေ လျှော်ပေးအောင်ပြောရတဲ့ကိစ္စ ရထားခေါင်းတွဲကြီးလိုပဲ ..

ရှေ့ကခေါင်းတွဲ ဖြောင့်ဖြောင့်မသွားလို့ကတော့ ..နောက်ကတွဲတွေ ကပေါက်တိကပေါက်ချာသာဖြစ်ပြီမှတ် .. 

ဆင်းရဲမွဲတေမှု လျော့ချရေးဆိုတာကလည်း ...

အစိုးရချည်းပဲအားကိုးနေလို့ရတာမဟုတ် 

ဦးသိန်းစိန်ပဲအားကိုးလို့ရတာမဟုတ်

ဒေါ်အောင်ဆန်းစုကြည်ကိုပဲအားကိုးလို့ရတာမဟုတ် ...

ခင်ဗျားတို့ ကျုပ်တို့အားလုံးအပျင်းမကြီးပဲ ကိုယ့်အလုပ်ကိုယ်လုပ်ကြဖို့လည်းလိုတယ်မဟုတ်လား 

ကီးဘုတ်ပေါ် စာလုံးတွေ တဖျောင်းဖျောင်းရိုက်ချနေယုံနဲ့ တိုင်းပြည်ကြီးမတိုးတက်လာနိုင်သေးဘူး 

ဒီမိုကရေစီတွေ ဘာကရေစီ ညာကရေစီတွေ စကားလုံးကြီးကြီးကျယ်ကျယ်တွေမသုံးပါနဲ့ဦး

ကိုယ်ကိုယ်တိုင်ကွမ်းစားတတ်တဲ့လူဆိုရင် လမ်းပေါ်မထွေးပဲ ကိုယ့်အိတ်နဲ့ကိုယ်ကိုယ့်တာဝန်ကိုယ်ယူတတ်ပြီလား ..

ကိုယ်ကိုယ်တိုင် ဆေးလိပ်သောက်တတ်တဲ့လူဆိုရင် .. Public area တွေမှာ မသောက်ပဲနေနိုင်ပြီလား ... 

ကိုယ်ကိုယ်တိုင်လမ်းမပေါ် အမှိုက်တစ်စမပစ်ချပဲနေနိုင်ပြီလား .....

“ ဒီမိုကရေစီစစ်စစ်ဆိုတာ ... ဒီမိုကရေစီနဲ့ထိုက်တန်တဲ့ပြည်သူလူထုရှိမှာ အကောင်အထည်ပေါ်လာမယ် ” လို့ အရင်ကစာတွေမှာလည်း ..

ကျုပ်ရေးခဲ့ဖူးပါတယ် ... လက်သည်ကြီးပဲအားကိုးလို့မရဘူး ကိုယ့်လူတို့ ..ကျုပ်တို့လည်းညှစ်အားလိုသေးတယ် ...ကြိုးစားအားထုတ်ဖို့လိုသေးတယ် ..

ဒီနေရာမှာ ကြုံတုန်းတစ်ခု ရေးချင်သေးတယ် ...နိုင်ငံခြားကို အစိုးရလွှတ်လို့ပဲဖြစ်စေ ... ကိုယ့်ဘာသာပဲဖြစ်စေ ..ပညာတော်သင်သွားတဲ့လူတွေ ..

ဟိုမှာ အပြီးမနေကြပါနဲ့ အခြေအနေတစ်ခု...ရောက်ပြီဆိုရင် ..ကိုယ့်တိုင်းပြည်ထဲကို ပြန်ဝင်လာကြပါ ...

စစ်သားထဲမှာလည်းကောင်းတဲ့ဆိုးတဲ့လူတွေရှိသလို ဆရာဝန်တွေ ရဲတွေ မော်တော်ပီကယ်တွေ ပြည်သူတွေ အားလုံးမှာ ကောင်းတဲ့လူဆိုးတဲ့လူဆိုတာရှိပါတယ် .

နိုင်ငံခြားကိုထွက်သွားနိုင်ဖို့အခွင့်အရေးရှိရက်နဲ့ ဒီကအခြေအနေတွေကိုစွန့်ခွာမသွားချင်လို့မထွက်သွားတဲ့လူတွေ ...တပုံတပင်ကြီးပါ ..

နိုင်ငံခြားမှာ နေပြီးအသံကောင်းဟစ်မနေစေချင်ဘူး ..ပြည်တွင်းကိုပြန်ဝင်ပြီး ကျုပ်တို့နဲ့အတူ ကိုယ့်အလုပ်ကိုယ်လုပ်ကြည့်စမ်းပါ .. 

ခင်ဗျားတို့လို ပညာတတ်တွေ သူများတိုင်းပြည်မှာ သူများတိုင်းပြည်အတွက်တာဝန်ထမ်းဆောင်ပေးနေရတာ ကျုပ်တို့တိုင်းပြည်နစ်နာတယ်ထင်တာပဲ ..း

နောက်ဆုံးပြောချင်တာက ဦးသိန်းစိန်နဲ့ဒေါ်အောင်ဆန်းစုကြည်ကို ဟိုဟာလုပ်ရင်လုပ်ပြန်ပြီ ..

ဒီဟာလုပ်ရင်လုပ်ပြန်ပြီ .. ၂ ယောက်စလုံးကလည်းအသက်ကြီးနေတဲ့အဖိုးအဖွားအရွယ်တွေ ..

သူတို့မရှိရင်ခင်ဗျားတို့ကျုပ်တို့ဘာလုပ်ကြမလဲ ... ဦးသိန်းစိန်လည်းတတ်နိုင်သမျှ စာဖတ်သူကြီးရဲ့ .. ဆိုးမွေတွေကို ယူပြီး 

ရသလောက်လေးပြောင်းနေတာ ကျုပ်တို့အမြင်ပဲ .. သူ့မှာလည်း သူ့အားနည်းချက်နဲ့သူ သူ့စိတ်နဲ့သူလုပ်လို့မရတာတွေရှိနေမှာပဲ ..

ဒေါ်အောင်ဆန်းစုကြည်လည်း သူလုပ်နိုင်သလောက်တော့...သူ့ဘ၀တလျှောက်လုံးလုပ်နေကြတာပဲ ..

နေရာတကာ အပြစ်လိုက်ပြောတာပဲဖြစ်စေ ..

နေရာတကာ ဆတ်ဆတ်ထိမခံဖြစ်နေတာပဲဖြစ်စေ ...

သူတို့ကိုချစ်ရာမရောက်ဘူး ...တိုင်းပြည်ကိုချစ်ရာမရောက်ဘူး ..နှစ်ရာရောက်တယ် ... 

အခုတော့ ... ပန်းတိုင်က မရောက်သေးဘူး ...တက်က ကျိုးချင်နေပြီ 

ကြည့်လုပ်ကြပါဦးကိုယ့်လူတို့ .. အဖိုးအရွယ်အဖွားအရွယ် ၂ ယောက်ဘယ်လောက်ပင်ပန်းနေလဲမစဉ်းစားဘူး 

ခင်ဗျားတို့ကျုပ်တို့အားလုံးက အော်ကောင်းနေကြတုန်း ...

တိုင်းပြည်ကြီးဘာဖြစ်နေပြီ ..

အကြွေးတွေထူနေပြီ .ဆင်းရဲတွင်းနက်နေပြီ ... ဦးမဆောင်နိုင်ဘူးလား ဘာညာနဲ့

ဒီမိုကရေစီရအရေး ဒို့အရေးအော်နေကြသေးတယ် ... 

မှန်တာကိုချီးကျူးပါ 

မှားတာကိုထောက်ပြပါ 

တိုင်းပြည်ကို ချစ်တဲ့အခါမှာ ပုဂ္ဂိုလ်မမင်ကြရင်အကောင်းဆုံးပါပဲ ... 

စပါးလုံးတစ်ထောက်စာပဲမကြည့်ပါနဲ့... 

ဟိုးအဝေးက မှောင်အတိကျနေတဲ့အနာဂါတ်ကိုလည်း တစ်ချက်လောက်ကြည့်ကြပါဦး ...ကိုယ့်လူတို့ရယ် 

သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

ဒီတိုင်းပြည်မှာ နွားဘယ်နှစ်ကောင်ရှိသလဲ

ဒီတိုင်းပြည်မှာ နွားဘယ်နှစ်ကောင်ရှိသလဲ

ဘုရင်ကြီး အက်ခ်ဘာ ဟာ သူ့တိုင်းပြည်မှာ ပဟေဌိ ဥာဏ်စမ်းတွေကို မေးရတာ အလွန်ဝါသနာထုံသူဖြစ်ပါတယ် ။ သူဟာ တခါတရံမှာ အရမ်းထိုထူးဆန်းပြီး ပျော်ရွှင်ဖွယ်ကောင်းတဲ့မေးခွန်းတွေကိုမေးလေ့ရှိတယ် ။ သူ့မေးခွန်းရဲ့အဖြေကို ဖြေဆိုနိုင်ဖို့ရာအလွန်ကို ဥာဏ်ကောင်းမှဖြစ်နိုင်ပါတယ် ။ 

တစ်ခါတော့ ဘုရင်ကြီးကအလွန်ထူးဆန်းတဲ့မေးခွန်းတစ်ခုကိုမေးလိုက်တယ် ။ တိုင်းသူပြည်သားတွေက ဘုရင်ကြီးမေးခွန်းကြောင့် လက်မှိုင်ချသွားကြတယ် ။ ဘုရင်ကြီးအက်ခ်ဘာဟာ သူ့တိုင်းသူပြည်သားတွေကို လိုက်ကြည့်တယ် ။ သူကြည့်လိုက်တဲ့နေရာတိုင်းမှာ တိုင်းသူပြည်သားတွေက အဖြေကိုစဉ်းစားတဲ့ပုံစံနဲ့ခေါင်းတွေကို အောက်ငုံ့ထားတာကိုတွေ့လိုက်ရတယ် ။ အဲဒီအချိန်မှာပဲ ဘာဘယ်လ် လို့ခေါ်တဲ့ လူတစ်ယောက်က ဘုရင်ကြီးရှေ့ကို တိုးထွက်လာခဲ့တယ် ။ ဘာဘယ်လ်ဟာ ဘုရင်ကြီးရဲ့ ထူးဆန်းတဲ့မေးခွန်းကို ဖြေဆိုနိုင်တယ်လို့ယုံကြည်ပြီးဘုရင်ကြီးကိုထပ်မေးလိုက်တယ် ။ 

“ အရှင်မင်းကြီးရဲ့မေးခွန်းကိုပြန်ပြောပေးပါ ကျွန်တော်ဖြေဆိုပါရစေ ” 

အက်ခ်ဘာကပြောတယ် “ ဒီတိုင်းပြည်မှာ နွားဘယ်နှစ်ကောင်ရှိပါသလဲ ” 

တစ်စက္ကန့်တောင် နှောင့်နှေးခြင်းမရှိပဲ ဘာဘယ်လ်က ဖြေလိုက်တယ် “ မှန်လှပါ နွားစုစုပေါင်း ငါးထောင့်ငါးရာ ရှစ်ဆယ့်ကိုးကောင်ရှိပါတယ် အရှင်မင်းကြီး ” 

အက်ခ်ဘာကပြန်မေးတယ် “ သင်က ဘယ်လိုသိတာလဲ သေချာရဲ့လား ” 

ဘာဘယ်လ်ကဖြေတယ် “ အရှင်မင်းကြီးရဲ့အမှုထမ်းတွေကိုရေတွက်ခိုင်းလိုက်ပါ အကယ်၍ နွားအရေအတွက် ဒီထက်ပိုများရင်ပိုတဲ့နွားတွေက ဒီနေရာမှာ သူတို့အမျိုးတွေရှိလို့ လာရောက်လည်ပတ်နေကြတာပါ အကယ်၍ လျော့နည်းပြီး ရှိနေခဲ့ရင်တော့လျော့နည်းနေတဲ့အရေအတွက်ဟာ တခြားတိုင်းပြည်မှာရှိတဲ့သူတို့အမျိုးတွေဆီသွားလည်ပတ်နေကြတာပါ အရှင်မင်းကြီး ” 

ဘုရင်ကြီးအက်ခ်ဘာဟာ ဥာဏ်ပညာပြည့်စုံတဲ့ဘာဘယ်လ်ကို ၀မ်းသာအားရ ချီးကျူးခဲ့ပါတယ် ။ 

=============================

ဥာဏ်ပညာရှိခြင်းနဲ့စဉ်းစားတွေးခေါ်တတ်ခြင်းက အရာအားလုံကို ဖြေရှင်းနိုင်စွမ်းရှိပါတယ် ။ 

သက်တန့်ချို

Ref : A Wise Counting / http://www.english-for-students.com/

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

ဗွက်တောလမ်းနှင့် ပီတိတရား

ဗွက်တောလမ်းနှင့် ပီတိတရား


မနက် ၂ နာရီအချိန်မို့ ပတ်ဝန်းကျင်တစ်ခုလုံးက အပ်ကျသံမျှပင်ကြားရလောက်အောင် တိတ်ဆိတ်နေသည် ။ တခါတရံ ကြောင်တွေအိမ်ခေါင်မိုးအပေါ် ဆော့ကစားသံကလွဲလို့ဘာသံဆို ဘာမှမကြားရ ။ “ ဆရာ ..ဆရာ ” “ ဒုန်း ..ဒုန်း ..ဒုန်း ” ခြံတံခါးကို ဖွင့်သံတွေကြားနေရည် ။ အိပ်မက်လာ ဘာလားမသိတော့ ဆက်ပြီးမှိန်းနေလိုက်သည် ။ သို့သော်မရ အိမ်ရှေ့မှ ခေါ်သံတွေက ပိုပို ကျယ်လောင်လာသည် ။

“ ဆရာ ..ဆရာ လူနာပင့်ချင်လို့ ဆရာ ” အင်း မဖြစ်ချေတော့ဘူး မိုးကလည်းအေးစိမ့်စိမ့်မို့ အိပ်ယာကနေ တကယ်ပင်မထချင် ။ သို့သော် ထမှဖြစ်တော့မည်ဟူသော အသိကြောင့် အိပ်ယာထဲကလူးလဲထပြီး အိမ်ရှေ့ထွက်ကြည့်မိသည် ။

“ ဟုတ် .. ဆိုပါဦးခင်ဗျ ”
“ လူနာ ပင့်ချင်လို့ဆရာ တစ်ခါက ဆရာရောက်ဖူးပါတယ် ကန်ဇွန်းကွင်းထဲမှာလေ အဲဒီဦးလေး အခု အရမ်းမောပြီးရင်ဘတ်တွေအောင့်နေလို့ ”
“ ဟုတ်ကဲ့ ဆေးခန်းမှာ ဆေးသတ္တာယူရအောင်လိုက်ခဲ့ကြပါ ”
“ ဟုတ်ကဲ့ဆရာ ”

လူနာလာပင့်လာခေါ်တာက လူသုံးယောက် အမျိုးသား နှစ်ယောက်နှင့်အမျိုးသမီး ၁ ယောက် ။ သုံးယောက်စလုံးဖိနပ်မစီးထားကြတာ မြင်တော့ အရေးပေါ်ပဲ ဘာများဖြစ်နေပြီလဲဟူသော စိုး၇ိမ်စိတ်က၀င်လာသည် ။ ခြေလှမ်းတို့ကိုမြှင့်ပြီး နားကြပ် သွေးပေါင်ချိန်တိုင်းကိရိယာနှင့် ဆေးသေတ္တာတို့ကိုယူပြီး လိုက်လာခဲ့လိုက်သည် ။ ဒီလိုနှင့် အမြန်လျှောက်လာကြရင်း ၂ လမ်းကျော်လောက်ရောက်တော့ လမ်းချိုးတစ်ခုထဲဝင်ရသည် ။အိမ် နှစ်အိမ်ကြားက လမ်းကြားလေးဟု ခေါ်လျှင်ပိုမှန်မည် ။ ထို လမ်းကြားလေးဆုံးလျှင် ကန်ဇွန်းရွက်တွေ စိုက်ထားသော လယ်ကွင်းပြင်ကြီးရှိသည်ဟု ကျွန်တော်သိထားသည် ။

“ ဆရာ ပုဆိုးတိုတို ၀တ်လိုက်ပါလား ”
“ ဟင် ဘာဖြစ်လို့လဲ ”
“ ဟို ..လေ အားတော့နာပါတယ်ဆရာရယ် ဖိနပ်လေးပါချွတ်လိုက်ပါ ”
“ ဗျာ .. ဘာ ..ဘာဖြစ်လို့လဲဟင် ”
“ ဗွက်ပေမှာစိုးလို့ပါဆရာ ဖိနပ်နဲ့သွားလို့မရပါဘူး ”

မတတ်သာတော့ဘူး ဒီနေရာရောက်မှ ကျွန်တော်မလိုက်တော့ဘူးဟု၍ ပြောလို့လည်းမရတော့ ရှေ့မှာ လူနာကအရေးကြီးနေပြီ ပေါက်တဲ့နှဖူးမထူးတော့ပြီ မို့ ဆေးကျောင်းတုန်းက ဆရာကြီးများသင်ပေးထားသော “ ၀က်ဖြစ်မှတော့မစင်မကြောက်နှင့် ” ဟူသော စကားပုံကို ရင်ဝယ်ပိုက်ပြီး ပုဆိုးကို ဒူးအထက်နားအထိပြင်ဝတ်လိုက်သည် ။ဖိနပ်ကိုချွတ်ပြီး မြေသားမာမာပေါ်တင်ထားခဲ့သည် ။ ဒီအချိန်ကြီးပျောက်တော့မပျောက်လောက်ပါဘူး ။ သို့နှင့် ကျွန်တော်၏ ဗွက်တောခရီးကားစတင်ခဲ့ပေသည် ။ လူနာလာပင့်သော လူများက ကျွန်တော့်အားတွဲရှာသည် ။ ကျွန်တော်လည်းမလျှောက်တတ် ။ တစ်လှမ်းလှမ်းလိုက်တိုင်း ခြေမျက်စိအထက်နားအထိ ဗွက်များက နစ်ဝင်သွားသည် ။ ၅ မိနစ်ခဲ့လျှောက်ပြီးတော့ ၀ါးလုံး လေးလုံးလောက်စီထားသော ၀ါးတံတားလေးတစ်ခုကိုတွေ့ရသည် ။

ခနော်နီခနော်နဲ့တံတားလေးမို့ ကျွန်တော်ဖြစ်ပါ့မလားတွေးမိသေးသည် ။ မထူးတော့ပြီမို့ ၀ါးတံတားအပေါ် ခြေတစ်ဖက်လှမ်းတင်လိုက်သည် ။ ဟန်ချက်ပျက်ကာ ချော်ထွက်သွားသော်လည်း ဘေးမှ လူက အချိန်မှီလက်လှမ်းကိုင်လိုက်သောကြောင့် လဲတော့မကျသွား ။ ညကလည်းတိတ်ဆ်ိတ်စွာ မှောင်ရီလျှက်ရှိသည် ။ လယ်ကန်သင်းရိုးတလျှောက်ဖြတ်သန်းတိုက်ခတ်လာသော လေပြေများအား ခံစားမကြည်နူးနိုင်အား ။ ခြေတစ်လှမ်းပျက်လျှင် ဗွမ်းကနဲ မြောင်းထဲကျမည့်ကိန်းမို့ ဘုရားတကာ လျှောက်လှမ်းနေရသည် ။ ကျွန်တော်ကအလယ်မှာ ရှေ့မှာ လူတစ်ဦး နောက်မှာ လူနှစ်ဦးကျွန်တော့်ကို ညှပ်ကာ ဖြည်းဖြည်းချင်းလာခဲ့ကြသည် ။ တစ်ချက်တစ်ချက် မလှမ်းရဲလောက်အောင်ဖြစ်နေတာကလွဲလို့ ချော်ချော်ထွက်သွားတာကလွဲလို့ အဆင်ပြေစွာပင်တစ်ဖက်တံတားထိပ်သို့ရောက်လာခဲ့သည် ။ လူနာအိမ်ကိုတော့လှမ်းမြင်နေရပြီ သို့သော် ဖြတ်သွား၇မည့် ဗွက်တောကြီးကား တမျှော်တခေါ်ပင် ။

ကျွန်တော်အခုချိန်တွေးနေတာတစ်ခုပဲရှိသည် ။ လူနာဆီအမြန်ရောက်ဖို့အမြန်သွားရမည် ။ ဗွက်များထဲတွင်ပုလင်းကွဲများ ဖန်ကွဲစများရှိနိုင်သည် ။ ခြေထောက်လည်း အခန့်မသင့်လျှင်ဟက်တက်ကွဲသွားနိုင်သည် ။ မတော်တဆ ဘေးနားလယ်ကန်သင်းရိုးများမှ မြွေများလည်း ကျွန်တော့်ခြေထောက်ကို ကိုက်နိုင်သည် ။ မျှော့များလည်းရှိနိုင်သည် ။ကျွန်တော်အလွန်ကြောက်တတ်ပါသည် ။ သို့သော် ကျွန်တော့်မှာ ထိုအရာများအတွက် ကြောက်လန့်နေချိန်မပေးနိုင်ပါ ။ နှလုံးအောင့်သော လူနာဖြစ်ပါက အချိန်မရွေး အသက်ဆုံးနိုင်သောကြောင့် အမြန်ဆုံးရောက်ဖို့သာလိုသည် ။ ကျွန်တော့်ရှေ့တွင်ပင် နှလုံးနှင့်ပတ်သတ်သော လူနားများ ဆုံးပါးသွားကြတာမြင်ဖူးသည် ။ နှလုံးသွေားကြောပိတ်ရာမှာ နှလုံးပုပ်သော အဆင့်ထိရောက်သွားလျှင် လူနာအတွက်အခြေအနေမကောင်းနိုင်ပါ ။ ကြိုးစားပမ်းစား လျှောက်သွားလိုက်တာ မိနစ် ၂၀ လောက်ကြာတော့ လယ်ကန်သင်းအလယ်က တဲအိမ်ကလေးသို့ရောက်လာသည် ။ အရှေ့တွင်စည်ပိုင်းကြီးချထားပေးတာမြင်ရသည် ။

အိမ်ရှင်မိန်းကလေးများ ဦးကြီးများက ခြေထောက်ကို အတင်းဆေးပေးနေသောကြောင့်အမြန်တားမြစ်ရသည် ကိုယ့်ဘာသာရေတွေဆေးရင်း ပြောင်အောင်တော့မဆေးနိုင်ပါ ရွံ့ဗွက်အနံ့များကလှိုင်လှိုင်ထနေပါသည် ။ တဲ ပေါ်အမြန် တက်မိတော့ ဒုန်း ..ဆို နှဖူးနှင့်တဲ အမိုးတိုက်မိကာ အီစလံဝေသွားသည် ။ ကြယ်တွေလတွေမြင်သွားသလားမပြောတတ် ။

“ ဟာ ဆရာရယ် အားနာလိုက်တာ ဗျာ ကျွန်တော်တို့တဲက အရမ်းနိမ့်တယ် ဆရာ့ကိုသတိပေးဖို့မေ့သွားတာ ” တဲ့ အင်း မတတ်နိုင်ပါလေ လူနာကို ကြည့်တော့ထိုင်နေသည် ။ အောက်ဆီဂျင်ပြတ်လတ်သော လက္ခဏာရှိသည် ။ နှုတ်ခမ်းများက ပြာနှမ်းနှမ်း ။ အသက်ရှူနှုန်းက နည်းနည်းမြန်နေသည် ။ သွေးပေါင်ချိန်ကတော့ပုံမှန်ပင် ။ ပြီးခဲ့သော အပတ်ကစစ်ထားသော အဖြေများရှိသည်ဟုပြောသည် ။ ကျွန်တော်လူနာကိုစမ်းသပ်ရင်းယူကြည့်လိုက်တော့ ECG အဖြေက ပုံမှန်ဖြစ်သည် ။ ဓါတ်မှန်မှာတော့ နှလုံးကြီးပြီး လေပြွန်ယောင်သည်ဟုရေးထားသည် ။

“ လူနာကို အောက်ဆီဂျင်ပေးဖို့လိုတယ် လိုအပ်တဲ့ဆေးထိုးဆေးသောက်တွေ ကျွန်တော်လုပ်ပေးခဲ့မယ် ဆေးရုံတင်နိုင်ပါသလား ”

“ မတင်နိုင်ပါဘူး ဆေးရံတက်ဖို့ အဆင်မပြေပါဘူး ဆရာ ဆရာကြည့်ပြီးတော့ကောင်းသလိုသာစီမံပေးပါ ဒီနေရာကို ဘယ်လိုဆရာဝန်မျိုးကိုမှ ပင့်လို့မရပါဘူး ဆရာကိုလည်းအရမ်းအားနာလှပါတယ် ဆရာခိုင်းသမျှ ကျွန်တော်တို့လုပ်ပါ့မယ် ”
“ အောက်ဆီဂျင်အရင်ပေးဖို့လိုပါတယ် ရင်ဘတ်က အရင်ကတည်းကအောင့်နေကြလား အခုမှ အောင့်တာလား ဘယ်ကစပြီးအောင့်တာလဲ ”
“ အရင်ကတော့သိပ်အောင့်လေ့မရှိဘူးဆရာ ၄ ရက်လောက်ရှိပြီချေင်းအရမ်းဆိုးပြီး အခု ဒီညနေလေးမှ ချောင်းဆိုးလိုက်တာ ရင်ဘတ်ကအောင့်သွားတာပါ ”
“ တစ်ယောက်က အောက်ဆီဂျင်သွားငှားပါ ဆေးရုံမျက်စောင်းထိုးလေးက ဆိုင်မှာ အောက်ဆီဂျင်ဘူးငှားတယ် မှတ်ပုတင်ယူသွား မယူသွား၇င် စပေါ်ငွေ တစ်သောင်းပေးခဲံရမယ် ဘူးကြီးသားငှားလာခဲ့ပါ ”
“ ဟုတ်ကဲ့ဆရာ ”
“ ရပ်ကွက်ထဲမှာအသိရှိလား လူနာကို ရပ်ကွက်ထဲကအိမ်တစ်အိမ်မှာထားပါလား အရေးအကြောင်းဆို လွယ်အောင်လို့ ”
“ ရှိပါတယ်ဆရာ အခု လူနာက ဘယ်လိုမှမထနိုင်လို့ပါ သူသက်သာလာတာနဲ့ကျွန်တော်တို့ရွေ့ပါ့မယ် ”
“ ဒီနေရာက လေသိပ်တိုက်တယ် နွေးနွေးထွေးထွေးထားပါ ကျွန်တော်ဆေးထိုးပေးပြီးသောက်ဆေးတွေလည်းပေးခဲ့မယ် လိုအပ်တဲ့ကုသမှုတွေလုပ်ပေးခဲ့မယ် ကျွန်တော့်ဖုန်းနံပါတ်လည်းပေးခဲ့မယ် အရေးအကြောင်းဆို ဖုန်းဆက်ပါ အောက်ဆီဂျင်ပေးမယ့်ဝန်ထမ်းတစ်ဦးအိမ်ကိုလိုက်လုပ်ပေးပါတယ် တစ်ခါတည်းခေါ်ခဲ့ပါ အဆင်မပြေရင် ကျွန်တော့်ဖုန်းကိုဆက်ပါ ကျွန်တော်ပြောပေးပါ့မယ် ”

ဒီလိုနဲ့လူနာကို လိုအပ်သော ကုသမှုများပေးခဲ့သည် ။ “ ကျေးဇူးတင်ပါတယ် ဆရာ ရယ် ” အထပ်ထပ်ပြောနေသည် ။ သောက်ဆေးများလည်းပေးပြီးနောက် အပြန်ခရီးကိုကျွန်တော်တွေးကြည့်မိသည် ။ အော် .. အလာတုန်းက ဗွက်တောကြီးကိုပြန်ဖြတ်ရဦးမှာပါလား ။ ကမ္ဘာသူကမ္ဘာသားများကတော့အေးချမ်းစွာအိပ်ပျော်နေပြီထင်သည် ။ မအိပ်ပျော်နိုင်သော လူတစ်စုထဲမှာ ကျွန်တော်ရယ်လူနာရှင်နဲ့လူနာရယ် အပြန်ခရီးအတွက် စတင်ခဲ့ကြသည် ။ အပြန်ခရီကတော့ သိပ်လောစရာမရှိတော့ မြွေမကိုက်ပါစေနဲ့မျော့မတွယ်ပါစေနဲ့ ပုလင်းကွဲမရှပါစေနဲ့လူနာ သက်သာပါစေ ဟူသော ဆုကြီးလေးခုကို တတွတ်တွတ်ရွတ်ပြီးသကာလ ဗွက်ခရီးလမ်းကိုစတင်ခဲ့ပါတော့သည် ။ သတိထားနေ၍လားမသိ ဒူးလည်းလည်းလဲကျသည် ။ ဘိုင်းကနဲလည်းချောကြသည် ။ တစ်ကိုယ်လုံးလည်းဗွက်တွေနဲ့မြင်မကောင်း ။ ကံကောင်း၍သာ ၀ါးလုံးတန်း တံတားပေါ်မှ ပြုတ်မကျခြင်းပင်ပြုတ်ကျရင်တော့ရေလည်းမကူးတတ် ။ ကိုယ့်ကိုယ်ကိုပြန်ကြည့်လိုက်တော့ဗွက်အလိမ်းလိမ်း ဗွက်တွေက တစ်ကိုယ်လုံးပင် ။

အိမ်ပြန်ရောက်တဲ့အထိ “ အားနာပါတယ်ဆရာရယ် ဟုသာ အထပ်ထပ်ပြောနေသော လူနာရှင်များအား ” “ ရပါတယ်ခင်ဗျ အားနာစရာမလိုပါဘူး ” ဟုသာ ပြောပြီး အိမ်ရှေ့အုတ်ကန်တွင်ရေဆေးသည် ။ တစ်ခါတည်းရေချိုးမှဖြစ်မည်ဟုတွေးပြီးမနက် ၂ နာရီခွဲ နဲ့ ၃ နာရီကြား ခန့်မှန်းခြေ ၃ နာရီလောက်ရှိပြီထင်သည် ရေချိုးလိုက်သည် ။ဗွက်နံ့များကမပျောက်ချင် လူနာသက်သာပါစေဟုသာဆုတောင်းနေမိသည် ။

မနေ့က တော်တော်နှင့်အိပ်မပျော် ခြေထောက်တွေက အားစိုက်ရ၍လားမသိ ကျင်သလိုလို ထုံသလိုလိုနှင့်ပူရှိန်းရှိန်းဖြစ်နေသည်။

===================================

ဒီနေ့ မနက် တော့ ကျွန်တော့်ဆီ ဖုန်းဝင်လာပါသည် ။

“ ဆရာ ..ညက လူနာလာပင့်တဲ့ကန်ဇွန်းခင်းက အိမ်ကပါ ညက ဆရာကုပေးတဲ့လူနာ ကောင်းသွားပြီဆရာ အခုသက်သာနေပြီ ရပ်ကွက်ထဲလည်း ချီမပြီးရွေ့ထားလိုက်ပါပြီ ကျေးဇူးတင်ပါတယ်ဆရာ ဒီညနေဆရာဆေးခန်းပြန်ခေါ်လာခဲ့ပါ့မယ် ကျေးဇူးအရမ်းတင်ပါတယ်ဆရာ ” တဲ့ ။ ဖုန်းနံပါတ်ကတော့ PCO ဖုန်းဖြစ်သည် ။

ဟုတ်ကဲ့ ကျွန်တော် ဗွက်တောဖြတ်ရကျိုးနပ်ခဲ့ပါသည် ။ ကြည်နူးမိသော ပီတိနှင့်ဒီစာကိုရေးလိုက်ပါသည် ။ ဘ၀တူများကိုလည်းမှာချင်ပါသည် ။

“ ၀က်ဖြစ်မှတော့မစင်မကြောက်ကြပါနဲ့စားသာစားလိုက်ပါလေ ”

သက်တန့်ချို
24.9.2013

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................