အမုန်းစာရင်း

အမုန်းစာရင်း

၁ ။ သူငယ်ချင်း သူငယ်ချင်းဆိုပြီး နောက်ကျောဓါးနဲ့ထိုးတတ်တဲ့ ရေပေါ်ဆီတွေကိုလည်းမုန်းတယ် ။

၂ ။ ရွှေတစ်ဆယ်သားဘယ်လောက်စိန်လော်ကတ်သီးကြီးဘယ်လောက်ဆိုပြီး ကန်စွန်းရွက်တွေ အများကြီး ၀ယ် ၀ယ်သွားတဲ့ ရပ်ကွက်ထဲက ဒေါ်ငွေရှင်ကိုလည်းမုန်းတယ် ။

၃ ။ တခါတခါ မျက်နှာသာပေးမလိုနဲ့ တခါတခါ ချောက်ထဲတွန်းချတတ်တဲ့ ကံကြမ္မာကိုလည်း မုန်းတယ် ။

၎ ။ ပေါ်မလိုလို ပေါ်မလိုလိုနဲ့ Page Loading Error ပြတတ်တဲ့ ကွန်နက်ရှင်ကိုလည်းမုန်းတယ် ။

၅ ။ အချစ်ဆိုပြီးတော့ လူတွေညည်းညည်းနေကြတဲ့ အကောင်အထည်မပြနိုင်တဲ့ စိတ်ခံစားမှုကိုလည်းမုန်းတယ် ။

၆ ။ သိက္ခာဆည်တရားတွေ ပြပြနေပြီး ညနေအချိန်မှန် ခွက်ပုန်းချတတ်တဲ့ ဂေါပကလူကြီးကိုလည်းမုန်းတယ် ။

၇ ။ ကိုယ့်ရာသီနဲ့ကိုယ် မစစ်မှန်နိုင်တော့တဲ့ ဒီဇင်ဘာရဲ့ လျော့ပါးလာတဲ့ ချမ်းအေးမှုကိုလည်းမုန်းတယ် ။

၈ ။ ကဗျာရေးမရနိုင်တဲ့ ရှပ်ထွေးပွေလီတဲ့ မပီမသ ညတွေကိုလည်းမုန်းတယ် ။

၉ ။ အသည်းကွဲသမားယောင်ဆောင်ပြီး အွန်လိုင်းမှာ ကြူတတ်တဲ့ သကောင့်သမီး ၊ သကောင့်သား တွေကို လည်း မုန်းတယ် ။

၁၀ ။ နောက်ဆုံး.. ကိုယ့်ကိုယ်ကိုယ်လည်းမုန်းတယ် ။

Posted @ www.thettantvillage.com
သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................