အနောက်က ဆင်ထိန်းက တကယ်တော့ ဆင်ကြီးကို တွန်းတင်နိုင်တဲ့ခွန်အားလည်းမရှိသလို တွန်းတင်ပေးနေတာလည်းမဟုတ်ဘူး
နောက်မှာ သူ့လက်တင်ပြီး " မင်းအနောက်မှာ ငါရှိတယ် အားငယ်စရာမလိုဘူးဆက်ကြိုးစားပါ " ဆိုတဲ့ အဓိပ္ပါယ်နဲ့အားပေးနေခဲ့တာ
ကိုယ်တို့ဘ၀တွေဖြတ်သန်းတဲ့အခါ .. လောကဓံဆိုတာ ကြမ်းတမ်းလွန်းပါတယ်
တခါတလေကိုယ့်အနောက်မှာ " မင်း အားမငယ်နဲ့ မင်းနဲ့အတူငါရှိတယ် " ဆိုတဲ့ခံစားချက်မျိုး ပေးတတ်တဲ့ မိတ်ဆွေမျိုးရှိရင်လုံလောက်ပြီမဟုတ်လား။
သက်တန့်ချို
၀၁ ဧပရယ် ၂၀၂၂
လက်ပြခဲ့ကြတာမှမဟုတ်ပဲ
တော်ယုံဆို ပန်းတွေပွင့်နေရောပေါ့
ဒီကမ္ဘာရယ် ..
သံသရာ အဆက်ဆက်ရယ် ။
အရာရာဟာ
ကိုယ်နိုင်တဲ့ဇတ်မှာ "က" ခဲ့ကြယုံ
ဒါဟာ ပုံပြင် တဲ့လား ။
ကိုယ့်လမ်းကိုယ်လျှောက်ကြတုန်းပေါ့
ခလုတ်မထိ ဆူးမညိစေဖို့ ဆုတောင်းကြယုံ
မြေပုံအညွှန်းတိုင်းဟာ တိတ်ဆိတ်လွန်းခဲ့ ။
မခမ်းနားခဲ့ဘူးဆိုတောင်
တောက်ပခဲ့ကြဖူးတာပဲမဟုတ်လား
အဆင်ပြေပါစေ ဆုတောင်းယုံနဲ့
နံနက်ခင်းတိုင်း... အေးချမ်းစေ ။
သက်တန့်ချို
၂၉ မတ်လ ၂၀၂၂
တချို့ပြည့်စုံမှုတွေကို အားမကျနဲ့
ပြည့်စုံခြင်းတွေရဲ့နောက်ကွယ်မှာ
လစ်ဟာပေးဆပ်ခြင်းတွေကို သင်မမြင်နိုင်ဘူး ။
တချို့ကံကောင်းမှုတွေကို အားမကျနဲ့
ကံကောင်းမှုတွေအတွက်
အရင်းအနှီးပေါင်းများစွာ ပေးဆပ်နေရတာ သင်မမြင်နိုင်ဘူး ။
တချို့ အောင်မြင်မှုတွေကို အားမကျနဲ့
အောင်မြင်ခြင်းတွေရဲ့နောက်ကွယ်မှာ
ချနင်းခဲ့ရတဲ့ သိက္ခာတရားနဲ့ရိုးသားမှုတွေကို သင်မမြင်နိုင်ဘူး ။
သက်တန့်ချို
၂၈ မတ်လ ၂၀၂၂
