Tuesday, September 30, 2014

လောကကြီးမှာ လူကဲ့ရဲ့တာမခံချင်ရင် လုပ်စရာ ၃ မျိုးပဲရှိတယ်



လောကကြီးမှာ လူကဲ့ရဲ့တာမခံချင်ရင် လုပ်စရာ ၃ မျိုးပဲရှိတယ်

၁ ။ အလကားနေရင်း ကြွားဝါခြင်းတွေသိပ်မလုပ်နဲ့

၂ ။ နေရင်းထိုင်းရင်း ဘေးနားကလူတွေကို မစော်ကားနဲ့

၃ ။ ပါးစပ်ကနေ ပေါပေါပဲပဲ စကားလုံးတွေ သိပ်မထွက်စေနဲ့ ။

" ဘ၀ပေးကုသိုလ်ကံကောင်းလို့ဖြစ်စေ
ကိုယ်ကြိုးစားလို့ဖြစ်စေ အမြင့်တစ်နေရာကိုရောက်သွားခဲ့ရင်
ဘေးနားကလူတွေ အောက်ခြေကလူတွေကို
လူ လို့ မသတ်မှတ်တော့တဲ့ လူ့အခွံ့ဖြစ်သွားခြင်းကိုရှောင်ကြဉ်ပါ မိတ်ဆွေ "

သက်တန့်ချို

Friday, September 26, 2014

စိတ်နှလုံးသားတံခါး အဖွင့်မမှားမိစေနဲ့





ကိုယ်ပျော်ရွှင်တာ
ကိုယ်ဝမ်းနည်းတာ
ကိုယ်စိတ်ညစ်တာ
ကိုယ်ငိုရတာ သေချာတွေးကြည့်ရင်
ဘယ်သူ့ကြောင့်မှမဟုတ်ပါဘူး

အားလုံးဟာကိုယ့်ကြောင့်ဖြစ်ရတာတွေချည်းပါပဲ

သင့်စိတ်တံခါးမှာ အရာရာကို ရွေးပြီးဖွင့်ပေးနိုင်တဲ့
နှလုံးသား ခလုတ်လေးတွေရှိတယ်

ပျော်ရွှင်ခြင်းကို သာလိုချင်ရင် ပျော်ရွှင်ခြင်းတံခါးကို ဖွင့်ပါ
ဒီလိုမှမဟုတ်ပဲ တခြားသူတွေဆီက တဆင့်ကူးစက်တတ်တဲ့
ဝမ်းနည်းပူဆွေး စိတ်ညစ်စရာနဲ့ ပူလောင်မှု မျက်ရည်တွေကို သင်ခွင့်ပြုမိရင်
သင့်မှာပါ ၀မ်းနည်းစိတ်ညစ်စရာတွေဖြစ်လာမှာပေါ့

တကယ်တော့လောကကြီးမှာ ကိုယ်ကိုယ်တိုင်ကလွဲပြီး
ကိုယ့်ကို ၀မ်းနည်းအောင်ပျော်ရွှင်အောင်လုပ်နိုင်တဲ့သူ မရှိပါဘူး

မပူုလောင်ချင်းဘူးဆိုရင် အပူမီးတွေကိုဝင်စေနိုင်တဲ့နှလုံးသားတံခါးပေါက်ကို
တစ်သက်လုံး ပိတ်ထားလိုက်ပါ ။

သက်တန့်ချို 
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Thursday, September 25, 2014

ကိုယ့်တန်ဖိုးကိုယ်မြှင့်တင်ပါ





မြင့်မြတ်တဲ့ အမျိုးသမီးက ခွင့်လွှတ်ခြင်းကို လက်ကိုင်ထားတယ်
အာဃာတ နဲ့ ရမ္မက်ကိုဦးစားမပေးဘူး

မြင့်မြတ်တဲ့ အမျိုးသားက ကိုယ့်တာဝန်ကိုယ်ယူတတ်တယ်
ဆန္ဒနဲ့ အတ္တကို ဦးစားမပေးဘူး

သိက္ခာရှိတဲ့အမျိုးသမီးက ကိုယ့်တန်ဖိုးကိုယ် မြှင့်တင်တယ်
သိက္ခာရှိတဲ့ အမျိုးသားက ကိုယ့် ဆန္ဒကို ကိုယ့်တန်ဖိုးနဲ့ချိုးနှိမ်တယ်

လေးစားဖွယ်ကောင်းတဲ့လူတွေက သူတစ်ပါးကိုလည်း လေးစားတတ်သလို
သူတို့အကျိုးထက် သူတစ်ပါးအကျိုးကိုဖြည့်ဆည်းရင်းပျော်နေတတ်ကြပါတယ်

သေချာပါတယ်
ကိုယ့်ကိုယ်ကို လေးစားတတ်ဖို့ ဆိုတာကိုယ့်တန်ဖိုးကိုယ်မြှင့်တင်မှဖြစ်နိုင်မယ် ။

သက်တန့်ချို
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Wednesday, September 24, 2014

ဘယ်တော့မှ လက်မလွှတ်သင့်တဲ့လူ

ဘယ်တော့မှ လက်မလွှတ်သင့်တဲ့လူ

- ဘယ်သူမှ အနားမှာမရှိတော့တဲ့အချိန်မှာတောင် ကိုယ့်အနားမှာ ရှိနေပေးတဲ့သူ

- ကိုယ်ဒုက္ခရောက်နေချိန်မှာတောင် မျက်နှာလွှဲခဲပစ်မလုပ်ပဲ ကူညီစောင့်ရှောက်ပေးတဲ့သူ

- ခွင့်မလွှတ်နိုင်တဲ့အမှား ကျူးလွန်မိတာတောင် နောက်ဆုံးအကြိမ်အဖြစ် ခွင့်လွှတ်ပေးနိုင်တဲ့သူ

- ကိုယ့်အခက်အခဲတွေကို သူဖြေရှင်းရမယ့် အခက်အခဲလို့မှတ်ယူတဲ့သူ

- ကိုယ်ဘယ်လောက်လွှတ်ချလွှတ်ချ သူ့ဖက်က လုံးဝ လက်မလွှတ်ချတဲ့သူ

သက်တန့်ချို 
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Tuesday, September 23, 2014

သူတစ်ပါးစိတ်ချမ်းသာရင် ကုသိုလ်ပိုရပါတယ်


မှတ်သားဖွယ် စကားတစ်ခွန်းကြားဖူးတယ်

" ဘယ်အရာကိုမှ မလိုချင်ရင် သင့်မှာ အရာအားလုံးပြည့်စုံနေလိမ့်မယ်
တစ်ခုခုကို လိုချင်နေပြီဆိုရင်တော့ လိုချင်နေသမျှ စိတ်ဆန္ဒနဲ့ထပ်တူ သင့်မှာ ကွက်လပ်တွေဖြစ်ပေါ်လာလိမ့်မယ် " တဲ့

တကယ်တော့ ကျွန်တော်တို့ ပိုင်ဆိုင်သမျှ အရာအားလုံးဟာ
( ရွှေ ၊ ငွေ ၊ ရာထူး ၊ ဂုဏ် တွေက အစ )
တကယ့် ပိုင်ဆိုင်မှု အစစ်တွေမဟုတ်ကြဘူး

တကယ့်ပိုင်ဆိုင်မှုအစစ်ဖြစ်တဲ့
မေတ္တာတရား ဆိုတဲ့ သူတစ်ပါးကို အေးချမ်းစေလိုတဲ့စိတ်
စေတနာတရား ဆိုတဲ့သူတစ်ပါးကို ကောင်းစားစေလိုတဲ့စိတ်
မုဒိတာတရား ဆိုတဲ့သူတစ်ပါးကောင်းစားရင်ကိုယ်ပါ ၀မ်းသာကြည်နူးတတ်တဲစိတ်

အဲ့ဒီစိတ် ၃ ခုကိုသာ တစ်နေ့ထက်တစ်နေ့ တိုးပွားအောင်ကြိုးစားကြရမှာပါ

သူတစ်ပါးစိတ်ချမ်းသာရင် ကုသိုလ်ပိုရပါတယ် ။

သက်တန့်ချို


စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Saturday, September 20, 2014

အမုန်းမီးတောက်တွေနဲ့ပူလောင်နေသလား


လောကမှာ အခက်အခဲအားလုံး နဲ့ အပူသောက
အမုန်းမီးတောက်တွေအားလုံးကို အနိုင်ယူနိုင်တဲ့
အစွမ်းအထက်ဆုံး လက်နက် သင့်ဆီမှာရှိပါတယ် ။

အဲ့ဒါကတော့ မေတ္တာတရား ပါပဲ

ခွင့်လွှတ်ပြီး မစွန့်လွှတ်နိုင်ရင် မအေးချမ်းသလို
စွန့်လွှတ်ပြီး မခွင့်လွှတ်နိုင်ရင်လည်းမအေးချမ်းပါဘူး

တကယ်အေးချမ်းချင်ရင် တပြိုင်တည်း ခွင့်လွှတ်လိုက်သလို တပြိုင်တည်းစွန့်လွှတ်ရလိမ့်မယ်

သင်မယုံဘူးဆိုရင် သိပ် ဒေါသထွက်ပြီး သိပ်မုန်းတီးနေတဲ့ လူကို ခွင့်လွှတ်ခြင်း စွန့်လွှတ်ခြင်းနဲ့အတူ
အေးချမ်းတဲ့မေတ္တာ ထားကြည့်လိုက်

ကိုယ်ပါ အလိုလို အေးချမ်းသွားတာ တွေ့လိမ့်မယ်

သက်တန့်ချို 


စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Friday, September 19, 2014

အမျိုးသမီးကင်ဆာကာကွယ်ရေးအထိမ်းအမှတ် အခမ်းအနားပြုလုပ်မည်

အမျိုးသမီးကင်ဆာကာကွယ်ရေးအထိမ်းအမှတ် အခမ်းအနားပြုလုပ်မည်

၂၀၁၄ ခုနှစ် ၊ စက်တင်ဘာ ၂၈ ရက်နေ့ မနက် ၈ နာရီကနေစပြီး၁၂ နာရီအချိန်အထိ ရန်ကုန်မြို့ ဗိုလ်ချုပ်အောင်ဆန်းလမ်းမပေါ်ရှိ သူနာပြုတက္ကသိုလ် တွင်ကျင်းပမည်ဖြစ်ပါသည် ။

စိတ်ပါဝင်စားသူမည်သူမဆို အခမဲ့တက်ရောက်နိုင်ပါသည် ။ တက်ရောက်လာသူများကို အထိမ်းအမှတ် တီရှပ်လက်ဆောင်ပေးအပ်မည်ဖြစ်ပြီး စိတ်ဝင်စားဖွယ်ရာ အစီအစဉ်များအဖြစ်

- ဥာဏ်စမ်းမေးခွန်းများဖြေဆိုခြင်း
- အဖြေမှန်သူများအား ဆုလက်ဆောင်များပေးအပ်ခြင်း
- Photo Gallary ကြည့်ရှုခြင်းအပြင်အမှတ်တရ ဓါတ်ပုံများရိုက်နိုင်ခြင်း
- အမျိုးသမီး ကင်ဆာနှင့်ပတ်သတ်သည့် အသိပညာပေးအစီအစဉ်များ နားထောင်ကြည့်ရှုခွင့်ရခြင်း
- လက်ဆောင်ပစ္စည်းများ ရရှိခြင်း တို့စသည်တို့ပါဝင်ပါသည် ။

ဆက်သွယ်စုံစမ်းစာရင်းပေးရန် - မအိအိခိုင် ( ၀၉၄၃၁၅၈၂၀၈ ) ကိုကျော်သက်နောင် ( ၀၉၂၅၆၁၄၄၈၄၃ ) 

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Thursday, September 18, 2014

ဘာကိုမှ စိတ်ဓါတ်မကျပါနဲ့

ဘာကိုမှ စိတ်ဓါတ်မကျပါနဲ့

လူအမျိုးမျိုး စိတ်အထွေထွေမို့
အတွေးအမြင်တွေလည်း ကွာခြားနိုင်ပါတယ်

အတွေးအမြင်တွေကွာခြားနိုင်သလို
ထင်မြင်ယူဆချက်နဲ့ ကောက်ချက်ချမှုတွေလည်း ကွာခြားနိုင်ပါတယ်

ခဏခဏ ရေးခဲ့ဖူးသလို ကိုယ့်လိပ်ပြာကိုယ်လုံရင်ပဲ ကျေနပ်စရာမို့

လာထား ....
မိုးကောင်းကင်လောက်ပဲကျယ်ပြန့်မလား
ပင်လယ်ကြီးလောက်ပဲနက်မလား
တောင်တန်းတွေလောက်ပဲမြင့်မလား
အခက်အခဲ ဆိုရင် ရင်ကော့ကြိုလို့ ရင်ဆိုင်ပစ်လိုက်စမ်း

ရှောင်ပုန်းတယ်ဆိုတာ အားနည်းခြင်းတစ်မျိုးပဲ
ကိုယ့်အားနည်းချက်ကို ထုတ်ဖော်မပြသနဲ့
တုန်းတိုက်တိုက် ကျားကိုက်ကိုက် အရာရာကို ရင်ဆိုင်ရဲတဲ့ခွန်အားဆိုတာ
ကိုယ့်မှာ ရှိရမယ် ။

သက်တန့်ချို 
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Saturday, September 13, 2014

တန်ဖိုး


ပြောပြီးသား စကားကို ပြန်မနှုတ်ပါနဲ့
ပေးပြီးသား ကတိကို ပြန်မဖျက်ပါနဲ့

လျှောက်ပြီးသားလမ်းကို ပြန်မကွေ့ပါနဲ့
ထွေးပြီးသား တံတွေးကို ပြန်မကြည့်ပါနဲ့

စွန့်ပစ်ပြီးသား ပစ္စည်းကို ပြန်ကောက်မယူပါနဲ့

ဘယ်အရာပဲဖြစ်ဖြစ်
ခပ်လွယ်လွယ်ပြော
ခပ်လွယ်လွယ်လုပ် တဲ့လူဟာ
တန်ဖိုးမဲ့နေတတ်တယ် ။ 

သက်တန့်ချို
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

အနေမတတ်ရင် အသေခက်တတ်တယ်

ကိုယ်ရွေးထားတဲ့ လမ်း
ကိုယ်လျှောက်နေတဲ့လမ်း
မှားမှားမှန်မှန် ကိုယ့်မှာ ပဲ တာဝန်ရှိတယ်

ဘ၀ဆိုတာ တိုတိုလေးမို့
နေတတ်အောင်နေပါ
အနေမတတ်ရင်
အသေခက်တယ်ဆိုတဲ့စကားတောင်ရှိသေးတယ်မဟုတ်လား

သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Friday, September 12, 2014

စိတ်ချမ်းသာမှုကို ဘယ်အရာနဲ့မှ မလဲမိစေနဲ့





 မိမိတွင် မရှိအပ်သော အရာများ

- မောက်မာလွန်းသော မာနတရား
- ဆင်ခြင်နိုင်စွမ်းကင်းမဲ့သော လုပ်ရပ်
- နေရင်းထိုင်ရင်း ဘ၀င်မြင့်မှု
- လူလူခြင်း လူလို့မထင်ပဲ သနားစရာ သတ္တ၀ါလို ကြည့်တတ်သော မျက်လုံး
- ကိုယ်ဟာ အရာအားလုံးအတွက်အရေးပါတယ် ကိုယ်မရှိရင်မဖြစ်ဘူးဟု ထင်နေတတ်ခြင်း

မိမိတွင် ရှိသင့်သော အရာများ

- အရာရာကို သတိနှင့် ထိမ်းချုပ်စဉ်းစားနိုင်စွမ်း
- မာန်မာနကို လိုအပ်သော အခါမှသာ ထုတ်သုံးတတ်ခြင်း
- အမြင့်ဘယ်လောက်ရောက်ရောက် ကိုယ်တက်ခဲ့တဲ့အောက်ခြေဘ၀ကို မမေ့မလျော့ခြင်း
- ရယူခြင်းထက် ပေးဆပ်ခြင်းကိုသာ ဦးစားပေးတတ်ခြင်း
- လူကို လူလို့မြင်တတ်ခြင်း နှင့်ကိုယ်ချင်းစာ တရားပြည့်စုံခြင်း

စည်းစိမ်ဥစ္စာ ချမ်းသာမှုက မျက်မှောက်ကာလမှာ အရေးကြီးကောင်းကြီးပါလိမ့်မယ်
ဒါပေမယ့် သင့် စိတ်ချမ်းသာမှုနဲ့တော့ မလဲမိစေနဲ့

တစ်ခါတစ်လေ ကိုယ်စိတ်ချမ်းသာမယ်ထင်လို့ ရွေးလိုက်မိတဲ့ အပေါ်ယံချမ်းသာမှုတွေက
ကြာလာလေလေ စိတ်ဆင်းရဲမှုတွေဖြစ်လာလေ
ကိုယ်လဲလိုက်တဲ့ စိတ်ချမ်းသာမှုနဲ့ ယှဉ်ကြည့်ရင် မတန်ဘူးဆိုပြီးနောင်တရလာလေလေ ဖြစ်တတ်တယ် ။

သက်တန့်ချို
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Thursday, September 11, 2014

တစ်ခါတစ်လေ ကိုယ့်ကိုယ်ကိုပြန်လေးစားနိုင်ဖို့





လူတချို့က ကိုယ် အနိုင်ရဖို့အတွက် ကိုယ့်သိက္ခာကိုရောင်းစားတတ်တယ်
လူတချို့က ကိုယ် ပျော်ရွှင်အဆင်ပြေဖို့အတွက် ကိုယ့်သိက္ခာကိုရောင်းစားတတ်တယ်

လူတချို့က ကိုယ် အသာစီးရဖို့အတွက် သူတစ်ပါးအားနည်းချက်ကိုဖော်ထုတ်တတ်တယ်
လူတချို့က ကိုယ် အာသီသပြေဖို့အတွက် သူတစ်ပါးမကောင်းကြောင်း ပြောတတ်ကြတယ်

အားသာချက်အားနည်းချက်ကိုယ်စီရှိနေကြတဲ့ လူ့ဘ၀မှာ
ဘယ်သူကမှ ထူးပြီးမြင့်မြတ်မနေသလို
ဘယ်သူကမှ ထူးပြီး နိမ့်ကျမနေပါဘူး

ကိုယ်သွားရာလမ်းတလျှောက်ထင်ကျန်ခဲ့တဲ့ခြေရာတွေကို
ကိုယ်ပြန်လှည့်ကြည့်ရဲတဲ့ သတ္တိ သင့်မှာရှိပါစေ

ကိုယ်တက်ခဲ့တဲ့လှေကားတစ်လျှောက် ကိုယ်နင်းခဲ့တဲ့ လှေကားထစ်တွေကို
ပြန်လည်ငုံ့ကြည့်ရဲတဲ့ သတ္တိသင့်မှာရှိပါစေ

ကိုယ်လုပ်ခဲ့သမျှ ကိုယ်ပြန်မကြည့်ရဲ ကိုယ်ပြန်မတွေးရဲ ကိုယ်ပြန်တာဝန်မယူရဲဘူးဆိုရင်
သင်ဟာ တရားမျှတမှုမရှိ တဲ့ လူ့အမှိုက်ပင်ပါပဲ ။

တစ်ခါတစ်လေ ကိုယ့်ကိုယ်ကိုပြန်လေးစားနိုင်ဖို့
ကိုယ့်သိက္ခာကိုယ်ပြန်ဦးညွှတ်နိုင်ဖို့
ကိုယ့်ဆန္ဒတွေကို ချိုးနှိမ်ပါ
ကိုယ့်လုပ်ရပ်တွေကို ဖြူစင်ပါစေ ။

သက်တန့်ချို 
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Wednesday, September 10, 2014

ကိုယ့်တာဝန်ကိုယ်ယူကြပါစို့


ကိုယ့်အသုံးမကျမှုကြောင့် တစ်ပါးသူဒုက္ခမရောက်ပါစေနဲ့

ကိုယ့်အားနည်းချက်ကြောင့် တစ်ပါးသူ မထိခိုက်ပါစေနဲ့

ကိုယ့်အပြစ်တွေကို တစ်ပါးသူကို မဆပ်ခိုင်းမိစေနဲ့

လူရယ်လို့ဖြစ်လာရင် ကိုယ့်တာဝန်ကိုယ်ယူ
ကိုယ့်လမ်းကိုယ်လျှောက်
ကိုယ်လုပ်သမျှ ကိုယ်ရှင်း
ကိုယ့်လုပ်ရပ်တွေကောင်းရင် စံ မကောင်းရင် ခံ

လူတိုင်းကိုယ်စီ အသိစိတ်နဲ့
ကိုယ့်ကြောင့်ဖြစ်လာရတဲ့အရာအားလုံး
ကိုယ့်ဘာသာပဲ တာဝန်ယူကြပါစို့ ။

သက်တန့်ချို



စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Saturday, September 6, 2014

ပြုံးပြီးသာနေလိုက်ပါလေ မိတ်ဆွေ


ပြုံးပြီးသာနေလိုက်ပါလေ မိတ်ဆွေ

--------------------------------------------------------------

တချို့လူတွေအကြောင်း ပိုသိလာတဲ့အခါ မအံ့သြပါနဲ့

တချို့လူတွေက သင့်အားနည်းချက်တွေကို တိုက်ခိုက်လာတဲ့အခါ မအံ့သြပါနဲ့

တချို့လူတွေက သင့်အားသာချက်တွေကို မနာလိုမရှုစိမ့်ဖြစ်နေတဲ့အခါ မအံ့သြပါနဲ့

အရင်ကမပြောင်းလဲ အခုမှ ပြောင်းလဲတတ်တဲ့လူတွေနဲ့တွေ့ရင်မအံ့သြပါနဲ့

" မထင်ရဘူးနော် .... တော်တော်အံ့သြဖို့ကောင်းတာပဲ " ဆိုတဲ့စကားကို သိပ်မသုံးပါနဲ့
ဒီထက်အံ့သြစရာကောင်းတဲ့ ပြောင်းလဲခြင်းတွေ အများကြီးရှိပါသေးတယ်

ဒါကြောင့်ရှေးလူကြီးတွေကပြောခဲ့ကြတယ်
ဘယ်သူတရားပျက်ပျက် မပျက်ပျက်
ကိုယ်မပျက်ပါစေနဲ့ တဲ့ ။

ဘယ်သူတွေ ဘယ်လိုပဲ စိတ်ထားတွေ စိတ်ဓါတ်တွေ
ပြောင်းပြောင်းမပြောင်းပြောင်း
ကိုယ့်စိတ်ထဲက စစ်မှန်ခြင်းနဲ့ယုံကြည်ချက်ကို မပျက်စီးစေပဲ
မပြောင်းလဲအောင်နေပါ မိတ်ဆွေ ။

သက်တန့်ချို 



စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Thursday, September 4, 2014

လွှင့်ပစ်လိုက်ပါ






အမုန်းနဲ့နာကျင်မှုကို ကိုယ့်စိတ်တံခါးထဲမှာ သော့ခတ်သိမ်းထားမိလား
လွှင့်ပစ်လိုက်ပါ

အမုန်းနဲ့နာကျင်မှုက အမှိုက်နဲ့ဆင်တူတယ်
သယ်ဆောင်မထားပါနဲ့

ချစ်ခြင်းမေတ္တာနဲ့ ဂရုဏာတရားက ရွှေနဲ့ဆင်တူတယ်
များများစုဆောင်းပါ

ကိုယ့် နှလုံးသား အိမ်ခန်းမှာ အမှိုက်တွေနဲ့မပြည့်စေပါနဲ့
ရွှေနဲ့တူတဲ့ မေတ္တာတရားတွေသာ ပြည့်နေပါစေ

တစ်ခါတစ်လေ လွှင့်ပစ်သင့်တဲ့အရာတွေကို
လွှင့်မပစ်ရက်လို့ဖြစ်စေ
လွှင့်မပစ် နိုင်လို့ဖြစ်စေ
ကိုယ့်ကို ပိုပို ပူလောင် ညစ်နွမ်းစေတာကလွဲလို့ ဘာမှ ဖြစ်မလာနိုင်ဘူး

အမုန်း ၊ နာကျင်မှု ၊ သ၀န်တိုမှု ၊ မနာလိုမှု ၊ မကောင်းကြံစည်မှု ၊ မုဒိတာမပွားနိုင်ခြင်း စတဲ့
အမှိုက်နဲ့တူတဲ့ ညံ့သော စိတ်တွေကို သယ်ဆောင်ထားမိတယ်ဆိုရင်
အခုပဲ လွှတ်ချလိုက်ကြပါစို့ ။ 

သက်တန့်ချို
4 Sept 2014

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Wednesday, September 3, 2014

တစ်နေ့တစ်နေ့ပိုဆိုးလာတဲ့ ယာဉ်ကြောပိတ်ဆို့မှုပြဿနာကို အစိုးရမင်းတွေ ဒီအတိုင်းကြည့်နေကြတော့မှာလား

တစ်နေ့တစ်နေ့ပိုဆိုးလာတဲ့ ယာဉ်ကြောပိတ်ဆို့မှုပြဿနာကို အစိုးရမင်းတွေ ဒီအတိုင်းကြည့်နေကြတော့မှာလား 



( စက်တင်ဘာလ ၃ ရက် မနက် ၈း၂၀ ခန့် ကမ္ဘာအေးလမ်းပေါ်ရှိ ဆီဒိုးနားဟိုတယ်ရှေ့တွင် ယာဉ်ပိတ်ဆို့မှုဖြစ်ပေါ်နေစဉ် )

အချိန်ကိုကြည့်လိုက်တော့မနက် ၇ နာရီခွဲ ကျွန်တော်နေထိုင်ရာ မြောက်ဥက္ကလာပ မြို့လေးမှာ စထွက်ကတည်းက ကြုံတွေ့ရသည်က အ၀ိုင်းကြီးဆိုသော နေရာမှာ အဆမတန် ယာဉ်ပိတ်ဆို့နေခြင်းဖြစ်သည် ။ ကားသမားအားလုံးကိုကြည့်လိုက်တေတာ့ မျက်နှာများက သုန်သုန်မှုန်မှုန် ။ သူလို ကိုယ်လို အလုပ်ကို အချိန်မမှီမှာစိုးတာနဲ့ အရေးကြီးကိစ္စများ နောက်ကျမှာ စိုးသည်နှင့် ပူလောင်သောကရောက်နေသော မျက်နှာများနှင့်ပင်ဖြစ်သည် ။ မြို့ထဲကို ရောက်ဖို့ လမ်း ၃ လမ်းသာရှိသည် ။ လမ်းဝအောက်ကနေ သွား၍ ဝေဇယန္တာလမ်းအတိုင်းသွား ဒါမှမဟုတ် ကမ္ဘာအေးလမ်းကြောအတိုင်းသွား ဒါမျမဟုတ် ပြည်လမ်းကနေသွား ဒါပဲဖြစ်သည် ။ ၃ လမ်းစလုံးသည် နေ့စဉ် ရုံးတက်ရုံးဆင်းချိန်သာမက အချိန်တိုင်းလိုလို ယာဉ်ကြောပိတ်ဆို့နေလေ့ရှိပါသည် ။  ကျွန်တော့်စိတ်ထဲ မေးခွန်းတွေ မေးချင်လာသည် ။

၁ ။ နေ့စဉ်ပိုဆိုးလာနေသော ယာဉ်ကြောပိတ်ဆို့မှုပြဿနာကို ဖြေရှင်းရန်မည်သူ့တွင် တာဝန်ရှိသနည်း
၂ ။ တာဝန်ရှိသူများသည် ဘာကြောင့် မသိကျိုးနွံနေ့စဉ်ပြုနေရသနည်း
၃ ။ ဘာကြောင့် ယာဉ်ကြောပိတ်ဆို့ရသနည်း
၎ ။ ယာဉ်ကြောပိတ်ဆို့မှု ပြဿနာကိုဖြေရှင်းရန်နည်းလမ်းတကယ်မရှိတာလား ရှိရဲ့သားနဲ့ မလုပ်ပေးကြတာလား
၅ ။ ယာဉ်ကြောပိတ်ဆို့မှုကြောင့် ဘာတွေ နစ်နာသွားသလဲ

အမ်အာတီတွေ ဘာအာတီတွေ ညာအာတီတွေ ခဏထားပါ လောလောဆယ် ရန်ကုန်မှာ နေ့စဉ်သွားလာနေရတဲ့ပြည်သူတွေအဖို့ ကြုံတွေ့နေရတဲ့အခက်အခဲတွေကို မှန်အနက်ကြီးတွေတပ်ပြီး အဲကွန်းဖွင့်ထားတဲ့ ဇိမ်ခံကားစီးနေသော လူကြီးမင်းများ သိဖို့ကောင်းလှပါတယ် ။ VIP ဆိုသော လူတန်းစားတစ်ရပ် နှင့် လမ်းကြောင်းဆိုသော အရာ ၊ မော်တော်ပီကယ်တွေမှ မှုတ်သော ၀ီစီတံ တညံညံနှင့်သွားလာနေကြ အစိုးရလူကြီးမင်းတို့ ထိုအချက်အလက် ကို ကြုံတွေ့ဖူးကြမည်မထင် ။ တစ်ခါလောက် တာဝန်ရှိသူ အာဏာပိုင်အစိုးရမင်းတို့အနေနနှင့် လိုင်းကားတိုးမစီးတာတောင် မော်တော်ပီကယ် လမ်းကြောင်းရှင်းမပါပဲ ယာဉ်ကြောပိတ်ဆို့မှုပြဿနာကို စနည်းနာကြည့်စေချင်ပါသည် ။ နံပါတ် ၁ တွင် မေးထားသော မေးခွန်းအတိုင်း ယာဉ်ကြောပိတ်ဆို့မှုသည် မည်သူ့တွင်တာဝန်ရှိသနည်း ။ အစိုးရအာဏာပိုင်လူကြီးမင်းတွေလား ၊ နေ့စဉ် သွားလာနေသော ပြည်သူတွေလား ၊ ဘတ်စ်ကားသမားတွေလား ၊ ကိုယ်ပိုင်ယာဉ်မောင်းသူတွေလား ၊ တက်စီအမောင်းသမားတွေလား ၊ မထသ လား ပို့ဆောင်ရေးဝန်ကြီးဌာနလား စည်ပင်သာယာလား ကျွန်တော် တကယ်ကိုသိချင်မိသည် ။ နိုင်ငံတစ်နိုင်ငံကို အာဏာရ အစိုးရဖြစ်စေ လူထု တင်မြှောက်ထားသော အစိုးရဖြစ်စေ အစိုးရမင်းသာ အုပ်ချုပ်ပါသည် ။ ထို အစိုးရမင်းတွင် နိုင်ငံသားတိုင်း လိုလို ကြုံတွေ့နေရသော ပြဿနာကို ဖြေရှင်းရန် တာဝန်ရှိသည်ဟု ယူဆပါသည် ။ တာဝန်မရှိဟုဆိုလျှင် အစိုးမင်းများမှာ ဘာတွေ တာဝန်ရှိသနည်း ။ သေချာပါသည် ။ ယာဉ်ကြောပိတ်ဆို့မှုပြဿနာကို မြန်မြန်ဖြေရှင်းရန်လိုအပ်လာနေသော First Priority (ပထမဦးစားပေး ) အဆင့်ဖြစ်သည် ဟု ကျွန်တော်ယူဆပါသည် ။

မီဒီယာများမှဖြစ်စေ Social Network များ မှဖြစ်စေ နေ့စဉ်ယာဉ်ကြောပိတ်ဆို့နေခြင်းကို အမြဲတင်ပြနေခဲ့ပါသည် ။ သို့သော်ဘယ်လောက်ပဲ ရေးသည်ဖြစ်စေ တင်ပြသည်ဖြစ်စေ တာဝန်ရှိသူများသည် မသိကျိုးနွံပြုနေကြဆဲပင်ဖြစ်သည် ။ ကိုယ့်ကိုယ်ကို တာဝန်မရှိဟု ယူဆနေကြခြင်းလော သို့တည်းမဟုတ် ကြည့်ကောင်းကောင်းနှင့် ကြည့်နေကြခြင်းပေလော တာဝန်ရှိသူများမှပင်သိပေလိမ့်မည် ။ အဓိကကတော့ လူတွေ မှာ ကိုယ်ချင်းစာတရား ပျောက်ဆုံးနေခြင်းသာဖြစ်ပေလိမ့်မယ် ။ သူများ ဘယ်လောက်အခက်အခဲ ဖြစ်ဖြစ် ကိုယ့်အခက်အခဲမဖြစ်သရွေ့ ကိုယ်နဲ့မဆိုင် ကိုယ့်တွင်တာဝန်မရှိဟူသော တာဝန်မဲ့စိတ်ဓါတ်များ ကိန်းအောင်းနေသရွေ့ ကျွန်တော်တို့ ရန်ကုန်မြို့သည် စင်ကာပူကိုမှီဖို့မဆိုထားနှင့် ဒုံရင်းကဒုံရင်း လူနေထူထပ်သည်းသည်းကားကြပ်စိတ်ရှုပ်စရာမြို့ကြီးသာ ဖြစ်လာလိမ့်မည် ။


ဘာကြောင့် ယာဉ်ကြောပိတ်ဆို့ရသနည်း ဆိုသော မေးခွန်းကို ဖြေချင်နေတာကြပါပြီ ။ မိုးရွာလည်းလမ်းပိတ်သည် မီးပွိုင့်စနစ်တွေ Timing မကိုက်၍ လမ်းပိတ်သည် ဘတ်စ်ကားတွေ မှတ်တိုင်မှာ ပိတ်ရပ်၍ လူစောင့်တင်နေ၍လမ်းပိတ်သည် အိမ်ကားတွေများလာ၍ လမ်းပိတ်သည် ။ လမ်းတွေကျဉ်း၍ လမ်းပိတ်သည် ။ လမ်းပေါ် ဈေးသည်တွေ တက်ရောင်း၍ လမ်းပိတ်သည် ဘုရားဘုရား ကျွန်တော် တွေးကြည့်တာတင်အတော်များသည် ။

ထိုသို့ဆိုလျှင် နေ့စဉ် ယာဉ်ကြောပိတ်ဆို့မှုပြဿနာကို ဖြေရှင်းရန်နည်းလမ်းမရှိကြတော့ဘူးလား ။ အမြန်လမ်းတွေ ပြေးဖို့တွေ ဘီအာတီတွေ အမ်အာတီတွေ ခဏထားကြပါ မိုးပျံရထားတွေကောင်းကင်ရထားတွေ မြေအောက်ရထားတွေ ခဏထားကြပါဦး အပေါ်မှာ ဖော်ပြထားတဲ့ အရာတွေကို ဖြေရှင်းရန် နည်းလမ်းတကယ်မရှိကြတာလား ။ ရှိပါသည် ။ နည်းလမ်းများစွာရှိပါသည် ။ ရှိလျှင် ဘာကြောင့် မဖြေရှင်းပေးကြသနည်း ဟုတ်ကဲ့ တာဝန်မဲ့သော စိတ်ဓါတ်တွေကိန်းအောင်းနေခြင်းကြောင့်သာဖြစ်ပါသည် ။ တစ်ချက်ချင်းကို ပြန်လည်တင်ပြပါမည် ။


၁ ။ မိုးရွာလို့လမ်းပိတ်သည် အမှန်တော့ ဆင်ခြေဆင်လက်သာဖြစ်သည်။ မိုးရွာတိုင်းလမ်းပိတ်စရာမရှိပါသည် ။ အန္တရာယ်ဖြစ်မှာစိုး၍ ကားအရှိန်ကို လျော့ချလိုက်၍ ကားသွားနှေးသွားခြင်းသာဖြစ်နိုင်သည် ကားတွေ ဘီးလှိမ့်လို့မရလောက်အောင် ပိတ်ဆို့စရာအကြောင်းမရှိပါ ။ ဟော .... အဖြေတွေ့ပါပြီ မိုးနည်းနည်းရွာလိုက်တိုင်း လမ်းပေါ် ရေတင်သော စနစ်ဆိုးကြီးကြောင့်ဖြစ်သည် ။ ဘာကြောင့် စနစ်ဟူသော စကားကို ထည့်ပြောရသနည်း ။ မိုးရွာလျှင် ရေတင်သည် ကို ဖြေရှင်းရန် ရေနှုတ်မြောင်းများ ရေစီးရေလာကောင်းစေရန် လုပ်ဆောင်ရမည့်အစား အဘယ် ဥာဏ်ကြီးရှင်က ချော်တောငေါ့၍ လမ်းသားတွေမြှင့်ရမည်ဟု ရွှေဥာဏ်တော်စူးရောက်သွားသည်မသိ ကွန်ကရစ်ထုထည်အမြင့်ကြီးနှင့် လမ်းတွေ ခင်းလိုက်ကြသည် ။ သူတို့စိတ်ထဲ လမ်းမြင့်ရင် ရေမတင်ဟု တွေးနေပုံရသည် ။ မိုးက နာရီဝက်လောက်ရွာသည် ရေတွေပြန်တင်သည် ကားတွေပိတ်သည် ဒုံရင်းကဒုံရင်းသာဖြစ်နေလေတော့သည် ။

၂ ။ မီးပွိုင့်စနစ်တွေ ဒါတော့ကျွန်တော်သိပ်နားမလည်ချင် ရန်ကုန်မှ မီးပွိုင့်များသည် မော်တော်ပီကယ်လက်ထဲတွင် နီချင်သလို စိမ်းချင်သလို လုပ်လို့ရသည် ။ ခင်ဗျားတို့ တွေ့ဖူးကြသလတော့မသိပါဘူး တစ်ခါကဆိုလျှင် မီးပွိုင့် နှစ်ဖက်စလုံးမှာ အနီအ၀ါအစိမ်း ၃ ခုစလုံး လင်းနေတာတွေ့ရသည် ။ ကားတွေက မထွက်ရဲကြ ။ ဘယ်ထွက်ရဲမလဲ မတော် ရွှီ ဆိုပြီး အသံထွက်လာမှဖြင့် လိုင်စင်အသိမ်းခံရရင် သိမ်းခံရ ဒါမှမဟုတ် အိတ်ကပ်ထဲကပို်က်ဆံတချို့တော့ပါသွားမည်ဖြစ်သည် ။ ကမ္ဘာ့ အံ့သြစရာအကောင်းဆုံးမီးပွိုင့်စနစ် ရန်ကုန်မြို့တွင်ရှိပါသည် ။ စီမ်းနေရင်းတန်းလန်းက ကိုယ့်အလှည့်မှ တစ်ခါတည်း တန်းနီချင်နီသွားသည် အ၀ါကို ဘယ်လို ကျော်သွားမှန်းမသိ ကိုယ်က အ၀ါဆိုပြီး ကွေ့ကြောဖြတ်မည်ကြံတော့ ခဏလေးနဲ့နီသွားလို့ Back ပြန်ဆုတ်ရတာတွေရှိသည် တော်တော် အံ့သြစရာ မီးပွိုင့်စနစ် ဥာဏ်ကြီးရှင်များ ထွင်ထားသော မီးပွိုင့်စနစ်ဟု နေ့စဉ်တွေးနေမိတော့သည် ။

၃ ။ ဘတ်စ်ကားတွေ မှတ်တိုင်မှာ အကြာကြီးရပ်၍ လူစောင့်တင်လို့လမ်းပိတ်သည် ။ အမှန်တော့ ဘတ်စ်ကားတွေကို သိပ်မပြောချင်ပါ ဘာကြောင့်လည်းဆိုတော့ လူပေါင်းများစွာ ကို နေ့စဉ်တင်ဆောင်နေရသော ယာဉ်လိုင်းတွေ မရှိလျှင် ကျွန်တော်တို့အခြေခံလူတန်းစားတွေအဖို့ ခြေကျင်လျှောက်မှသာ မြို့ထဲရောက်နိုင်မည်ဖြစ်သည် ။ လိုင်းကားတစ်စီးတွင် လူငါးဆယ်တင်နိုင်သည်ဆိုပါစို့ အိမ်စီးကား တစ်စီးတွင် လူ ၂ ယောက်စီးလျှင် လိုင်းကားတစ်စီးက အိမ်စီးကား ၂၅ စီးစာနှင့်ညီမျှပါသည် ။ ဒါကြောင့် လိုင်းကားတွေ လမ်းကိုပိတ်ပြီး လူရပ်တင်တာမျိုးမဖြစ်ရလေအောင် Bus stop တွေကို ယာဉ် ၃ စီးစာ အနည်းဆုံး လမ်းဘေးမှ ချဲ့၍ လုပ်ပေးစေချင်ပါသည် ။ မှတ်တိုင်တိုင်းလိုလို လုပ်ရမည်ဟု ကျွန်တော်ယူဆပါသည် ။ လမ်းပိတ်လေ့ရှိသော မှတ်တိုင်များတွင် ပို၍ လုပ်ရမည်ဖြစ်သည် ။ လယ်တွေ မြေတွေသိမ်းနေမည့်အစား ထိုသို့အမှန်တကယ်လိုအပ်သော နေရာများတွင် လမ်းများ ချဲ့ထွင်စေချင်သည် ။ အိမ်ကားတွေများလာတာကတော့ ဘယ်လို မှမတတ်နိုင် ကျွန်တော်တို့မြန်မာနိုင်ငံမှာကလည်း ငွေလေးနည်းနည်းစုမိပြီဆိုလျှင် နေစရာမရှိရင်မရှိပလေ့စေ ကားဝယ်စီးမည်ဆိုသည့်လူအများကြီးပင်ဖြစ်သည် ။ ဘာကြောင့်မှန်းမသိပါ ကားမောင်းဝါသနာပါကြ၍ပင်ဖြစ်မည်ထင်သည် ။


၎ ။ လမ်းတွေကျဉ်းသည် မကျဉ်းအောင်ချဲ့မည် ချဲ့မည်ဆိုလျှင်ချဲ့လို့ရပါသည် ။ လူတွေ ကားလမ်းပေါ်တက်လမ်းမလျှောက်ရအောင် လူသွားလမ်းလုပ်စေချင်သည် ။ လူသွားလမ်းပေါ်တွင်လည်းလူများသာသွားစေချင်သည် ။ ဈေးသည်တွေ က တခမ်းတနား ဆိုင်ခန်းတွေ ဘာတွေဘာတွေဖွင့်၍မ ရောင်းစေချင် ။ ထိုသို့ပြောလျှင် ဈေးသည်တွေစီးပွားရေးတုတ်နှင့်ထိုးရာရောက်ဦးမည် ။ အဓိကကတော့ လိုင်းကြေးစနစ်ဆိုလား ဈေးကောက်ဆိုလား တရားမ၀င် ဈေးသည်တွေ ပလက်ဖောင်းပေါ်လမ်းပေါ် တက်ရောင်းနေသည်ကို ခွင့်ပြုထားသည့် ဆိုးရွားလွန်းသော လုပ်ရပ်ကြောင့်ဖြစ်သည် ။ စစ်ဆေးရေးလာမည်ဆိုလျှင် ကြိုတင်အကြောင်းကြားပြီး ဈေးသည် တစ်သည်နှစ်သည်လောက်ကို ဟန်ပြဖမ်း ပြီးလျှင် တစ်ပတ်လောက်တော့ရှင်းသွားသည် ။ တစ်ပတ်ကျော်လျှင်ဒုံရင်းကဒုံရင်း ဈေးသည်တွေပြန်ရောက်မြဲ ဈေးကောက်တွေကောက်၍ ခွင့်ပြုမြဲ လမ်းတွေကပိတ်မြဲပိတ်မြဲပင်ဖြစ်ပေတော့သည် ။

နည်းလမ်းများစွာ ရှိပါသည် ။ တမင်မဖြေရှင်းကြပေးခြင်းသာဖြစ်သည် ။ ဘာကြောင့်မရှင်းတာလဲဆိုလျှင် ကိုယ်ကိုယ်တိုင်ထိုဒုက္ခမျာားကို မကြုံတွေ့ဖူး၍သော်လည်းကောင်း ကြုံတွေ့ဖူးလျှင်လည်းအရေးမကြီးဟုထင်နေသလား ဆိုသည်ကတစ်ကြောင်း ကျွန်တော်လည်းသိပ်မတွေးတတ်တော့ပါ ။ တာဝန်မဲ့လွန်းသည်ဟူသော စကားတစ်ခွန်းသာပြောချင်ပါသည် ။ အဆုံးသတ်အနေနှင့်ယာဉ်ကြောပိတ်ဆို့မှုကြောင့် နစ်နာရသောအရာများကိုတင်ပြလိုသည် ။ တခါတလေ VIP လမ်းကြောင်းကြောင့် မော်တော်ပီကယ်က လမ်းပိတ်ထားပြီး တစ်ဖက်မှာ ဆေးရုံတင်ကားထဲကလူနာက ဖုတ်လှိုက်ဖုတ်လှိုက်ဖြစ်နေရသော အခြေအနေများ မမြင်မတွေ့ချင်မှအဆုံး ။ ထို ဆေးရုံ့တင်ကားကို ရုပ်ရှင်တွေထဲက စူပါမန်းလို မ ပြီး VIP လမ်းကြောင်းပေါ်ချထားပေးလိုက်ချင်သည် ။ လူလူချင်း သူတို့ဘာကြောင့် ကျွန်တော်တို့ထက် အရေးကြီးလူသားများဖြစ်နေရသနည်း ။ တကယ်တွေးကြည့်လျှင် ကျွန်တော်တို့က ပြည်သူတွေဖြစ်သည် ။ ပြည်သူတွေ တင်မြှောက်ထားသော အစိုးရသည် ပြည်သူတွေလို ဒုက္ခတွေခံစားရမည် ပြည်သူတွေစားသည့်ဆန်ပဲစားရမည် ပြည်သူတွေနဲ့တစ်သားတည်းဖြစ်နေရမည်မဟုတ်ပါလား ။

ပိတ်ဆို့နေသော ယာဉ်ကြောထဲတွင် အဖေအသက်မမှီမှာစိုး၍ မရှိမဲ့ရှိမဲ့ ပိုက်ဆံလေးနှင့်ဆေးရုံးကိုတက်စီငှား၍ ထွက်လာရသော ဆင်းရဲသားတစ်ယောက်ပါကောင်းပါမည် ။ အရေးကြီးအစည်းအဝေးရှိ၍ မျက်နှာမှာ ချွေးပျံနေသော ၀န်ထမ်းတစ်ယောက်ပါကောင်းပါမည် ။ လူနာက သွေးပေါင်ချိန်တက်နေ၍ လေဖြတ်မှာစိုး၍ လူနာပင့်ခံထားရသော ရေးကြီးသုတ်ပျာ ဆရာဝန်တစ်ယောက်ပါကောင်းပါမည် ။ ဆေးရုံခွဲမှ မနိုင်တော့၍ ရန်ကုန်ဆေးရုံကြီးသို့အရေးပေါ်လွှဲလိုက်သော တက်စီပေါ်မှ အောက်ဆီဂျင်ဘူးနှင့်လူနာတစ်ယောက်ပါကောင်းပါမည် ။ ရုံးချိန်မမှီမှာစိုး၍ သောကရောက်နေသော ဘတ်စ်ကားပေါ်မှ လူအုပ်ကြီးပါကောင်းပါမည် ။ အများကြီးပင်ဖြစ်နိုင်ပါသည် ။ ငွေကြေးအရ တွက်ချက်မည်ဆိုလျှင်လည်း Time waste အရ Man power တွေလည်းဆုံးရှုံး ငွေကြေးများလည်း အချိန်နှင့်အမျှ ဆုံးရှံးနေရသည် ။

တွေးမိကြရဲ့လား အစိုးရမင်းများခင်ဗျာ တစ်နေ့တစ်နေ့ပိုဆိုးလာတဲ့ ယာဉ်ကြောပိတ်ဆို့မှုပြဿနာကို အစိုးရမင်းတွေ ဒီအတိုင်းကြည့်နေကြတော့မှာလား ဟု မေးချင်ပါသည် ။

သက်တန့်ချို
3rd Sept 2014
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Tuesday, September 2, 2014

ကိုယ့်ကိုယ်ကိုတော့အနည်းဆုံးရိုးသားစမ်းပါ


ကိုယ့်ကိုယ်ကိုတော့အနည်းဆုံးရိုးသားစမ်းပါ

ကိုယ်လုပ်နေတဲ့အလုပ်အပေါ်ကို ရိုးသားမှုရှိပါ
ရိုးသားမှုမရှိရင် တစ်သက်လုံးအလုပ်သမားဘ၀မှာပဲနေရလိမ့်မယ်

ကိုယ်ရနေတဲ့လစာငွေ အပေါ်ကို ရိုးသားမှုရှိပါ
ရိုးသားမှုမရှိရင် ကိုယ်ရတဲ့လစာငွေဟာ ဘယ်တော့မှ ဖြူစင်မှာမဟုတ်ဘူး

ကိုယ့်ဘေးနားက အပေါင်းအသင်း သူငယ်ချင်း တွေအပေါ်ရိုးသားမှုရှိပါ
ရိုးသားမှုမရှိရင် ကိုယ့်မှာ အတိုက်အခံရန်သူတွေ များလာလိမ့်မယ်

ကိုယ် ကျင်လည်ဖြတ်သန်းနေတဲ့ဘ၀မှာ ရိုးသားမှုရှိပါ
ရိုးသားမှုမရှိရင်ကိုယ့်ဘ၀ဟာ ကောင်းစားလည်းအချိန်ပိုင်းပဲ ပြန်လည်နိမ့်ကျလာလိမ့်မယ်

တစ်ခါတစ်လေ ဘယ်သူမှ မသိပါဘူးလေဆိုပြီး ကိုယ်လုပ်လိုက်တဲ့မရိုးသားမှုတွေက
အနည်းဆုံးကိုယ်ကိုယ်တိုင်တော့ သိနေသေးတာပဲမဟုတ်လား

ဘယ်သူ့ကိုမှ သင်မရိုးသားခဲ့ဘူးဆိုရင်တောင်
သင့်ကိုယ်သင်တော့ ရိုးသားမှုရှိစမ်းပါ

ထိမ်းသိမ်းရခက်ခဲတဲ့အရာ
ရှားပါးလို့ မမြင်မတွေ့နိုင်တဲ့အရာ
လွယ်လွယ်နဲ့ ၀ယ်ယူလို့မရတဲ့အရာ မှန်သမျှ
တန်ဖိုး မြင့်မားလွန်းပါတယ် ။

သက်တန့်ချို 


စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

ဒါလေးတွေရောဖတ်ပြီးပြီလား

Related Posts with Thumbnails