ဗီလိန်
ဘာကြောင့်များလဲ ???
အကောင်းဆုံးသရုပ်ဆောင်ခဲ့ပါလျှက်
အမုန်းမျက်ဝန်းနဲ့အကြည့်တွေ
စက်စုပ်ရွံရှာတဲ့ စကားလုံးတွေ
လှိုင်းထန်တဲ့ ထိုးနှက်ချက်တွေ
ခင်ဗျားတို့က
ဘာကြောင့်များ ၀ါဒ နဲ့ သရုပ်ကို မခွဲခြားခဲ့တာလဲ ?
ဗီလိန်...ဗီလိန်...ဗီလိန်
ဒီဘ၀နဲ့ အကောင်းဆုံးပေးဆပ်ခဲ့ပါလျှက်နဲ့
ငါ့အနုပညာ..ငါ့ဝမ်းစာ
အား.........အရိုးထိတောင်နာတယ်
ဘီလူးခေါင်းဆောင်းတဲ့မင်းသားကိုမှ
ခင်ဗျားတို့လိုချင်တော့လည်း
ကျွန်တော်မတတ်နိုင်ဘူးလေ...
သရုပ်ဆောင်လည်းဗီလိန်
ဘ၀မှာလည်းဗီလိန်
အချစ်မှာလည်းဗီလိန်
နောက်ဆုံး...သေတဲ့အထိဗီလိန်ပဲ
" အနုပညာကိုတော့ ဘယ်တော့မှ ရောင်းမစားဘူးမှတ် "
(တချို့ ဗွီဒီယိုကားတွေကြည့်ပြီး လူတိုင်းက မင်းသားမင်းသမီးနေရာကနေပဲ ၀င်ခံစားကြတာများပါတယ် ။ ကျွန်တော်ကတော့ ဗီလိန်နေရာကနေ ၀င်ခံစားကြည့်လိုက်တယ် ဒီကဗျာလေးတစ်ပုဒ်ထွက်ကျလာတယ် )
သက်တန့်ချို
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................
No comments:
Post a Comment