Sunday, June 3, 2012

ဂုဏ်ယူပါတယ် ----အမေ



ဂုဏ်ယူပါတယ် ----အမေ

၁ ။ နံနက်ခင်းရဲ့သံစဉ်မှာ ---အလင်းတွေပြိုးပြိုးပျက်ပျက်ယိုဖိတ်ပြီးနောက်
အမေ့ရဲ့ချစ်ခြင်းရနံ့တွေ --လွှမ်းခြုံ
ကျွန်တော်တို့ချမ်းတုန်နေလည်း---ရင်မှာအမြဲနွေးနေဆဲ
အမေက---ဝေးနေတဲ့သားသမီးတွေအတွက်တောင် စိုးရိမ်နေရှာခဲ့သူ ။

၂ ။ နှစ် ၂၀ ကျော်ကြာခဲ့ပြီပေါ့အမေ
ရင့်ကျက်တည်ငြိမ်ရဲရင့်မှုနဲ့---အမေဖော်ဆောင်ခဲ့တဲ့ “ ဒီမိုကရေစီ ”
“ လူ့အခွင့်အရေး အပြည့်ရစေရမယ် ” တဲ့
အမေ့ဘ၀တွေခါးလည်း---မျက်ရည်တစ်စက်မကျ
ကျွန်တော်တို့ကို လူလုံးလှစေခဲ့တယ်
အမေရယ်---(ကျွန်တော်လေ---သနားလိုက်တာ ---)
အမေ့ရဲ့ခြေလှမ်းတွေ---အမေ့ရဲ့ မျက်ဝန်းတွေ
(အို)---အမေ့အမည်နာမတစ်ခုနဲ့တင်
အုတ်အော်သောင်းနင်း---မောင်းသတင်းခတ်စရာမလို
လူထုက သည်းသည်းလှုပ်ချစ်ကြတယ်အမေ ။

၃ ။ အမေဘာတွေတွေးနေသလဲ ---
အမေ ဘာတွေရေးနေသလဲ ---
အခြေခံလူတန်းစားတွေရဲ့ အမှောင်ညကောင်းကင်ယံတွေအကြောင်းလား
ခရိုနီဆန်ဆန် လူ့အန္ဓတွေရဲ့ ခေါင်းပုံဖြတ်စီးပွားရေးစနစ်တွေအကြောင်းလား
ကြောက်ရွံ့မှုနဲ့လွပ်လပ်မှု မညီမျှခြင်းတွေအကြောင်းလား
ကျွန်တော်သိချင်လိုက်တာ အမေ ---
(တကယ်ဆို)
အေးချမ်းနေခဲ့သင့်တာပါ ။

၎ ။ အမေပြောခဲ့တယ်
“ အလုပ်အကိုင်အခွင့်အလမ်းပေါင်းများစွာ ဖန်တီးပေးဖို့လိုတယ် ”
မှန်တာပေါ့အမေ
ပညာတတ်ကြီးတွေ---အဲဒီပညာတွေသယ်ပြီး အပြင်ထွက်အလုပ်လုပ်ကြတယ်
(ပညာနဲ့လစာမတန်လို့တဲ့အမေ )
ဘွဲရကြီးတွေ ---အလုပ်လက်မဲ့ဖြစ်နေကြရတယ်
(အလုပ်တွေမရှိလို့တဲ့အမေ )
နိုင်ငံခြားသွားမှ ---ကောင်းစားရမယ့်ဘ၀
ကျွန်တော်ရင်နာလို့မဆုံးခဲ့ဘူး
သူတို့---တိုင်းပြည်ကိုမချစ်လို့မဟုတ်ဘူး
သူတို့---တိုင်းပြည်ကို မတွယ်တာလို့မဟုတ်ဘူး
သူတို့---တိုင်းပြည်ကို မမြတ်နိုးလို့မဟုတ်ဘူး
“ အရာရာမှာ အမှောင်ချခံထားတဲ့ ဘ၀တွေမို့--
တစ်ခါလောက်တော့ “လင်း” ချင်သေးသတဲ့အမေ ”
ဒီလိုနဲ့ပေါ့---
ကျွန်တော်တို့တိုင်းပြည်ထဲ--အလင်းပွင့်ကလေးတွေ လျော့နည်းလာကုန်တယ် ။

၅ ။ ကမ္ဘာ့စီးပွားရေး ဖိုရမ်ကြီးမှာ အမေ့အတွက်လက်ခုပ်သံတွေ
ကျွန်တော်တို့ကြားရတယ် အမေ---
ဂုဏ်ယူလို့မဆုံး---၀မ်းသာလို့မဆုံး---ကြည်နူးလို့မဆုံး
ပျော်တပြုံးပြုံးပေါ့အမေရယ်---
ရဲရင့်ပြတ်သားတဲ့ အမေ့စကားသံအောက်
ကမ္ဘာ့အလယ်မှာ “ မြန်မာ” ကို ၀င့်ထည်စေခဲ့တယ်
တည်ငြိမ်ရင့်ကျက်တဲ့ဖြေကြားမှုတွေအောက်
နားထောင်သူတွေရဲ့ ပါးစပ်တွေကို ဆွံ့အစေလို့
အမေတစ်ခွန်းပြောတိုင်း--ပေါက်ကွဲမတတ်အားပေးသံတွေနဲ့
အမေဟာ ခေါင်းဆောင်ကောင်းတစ်ယောက်ဖြစ်ကြောင်းပြသခဲ့ ။

၆ ။ အမေထပ်ပြောခဲ့တယ်
“ နှစ် ၃၀ အတွင်း ဘန်ကောက်-ရန်ကုန် ကွာခြားမှုက စဉ်းစားစရာဖြစ်လာခဲ့ပြီ ” တဲ့
သွေးထွက်အောင်မှန်တယ်အမေ ---
အရင်က ကျွန်တော်တို့ မော်ခဲ့သလောက် အခုထိ ငုံ့နေရဆဲ
အရင်က ကျွန်တော်တို့ ကျော်ခဲ့သလောက် အခုထိ ငုပ်နေရဆဲ
“Suppose to be democratic ---” လို့ သုံးစွဲခဲ့တာလေး
ကျွန်တော်ခပ်ရေးရေးတွေးနေမိတယ်
ဆန္ဒတွေ ---ဘ၀တွေ---
တစ်နေ့တော့ပြည့်လာကြမှာပါအမေရယ် ---။

၇ ။ “ လူဆိုတာ မျှော်လင့်ချက်နဲ့အသက်ရှင်ရမယ် ”
အမေ့မျှော်လင့်ချက်ဟာ ကျွန်တော်တို့အတွက်
တိုင်းပြည်အတွက်---အနာဂါတ်အတွက်
အသီးအပွင့်တွေစုံလို့ပါလားအမေ
ဒါပေမယ့်အမေရယ်
လူလူခြင်းသွေးစုပ်---အမြတ်ထုတ်တဲ့စီးပွားရေး
အရှေ့ကပူ--အနောက်ကဆူ လူလူသူသူမနေရတဲ့ဘ၀တွေ
ဟိုပြေးဒီပြေး--အနေဝေးခဲ့ကြတဲ့ မောင်နှမသားချင်းတွေ
သေနတ်ကျည်ဆံတွေအောက်---အမှန်တရားတွေပျောက်
ညာလက်က ---ဘယ်လက်ကို ဓါးနဲ့ ထိုး
ကျွန်တော်တို့ ဆိုးခဲ့ကြတယ်အမေ
ကလေးတွေ---ကလေးတွေ----အမိုးမဲ့ကောင်းကင်ကြီးအောက်
အမိမဲ့ ရေနည်းငါး ဘ၀တွေနဲ့
သူတို့ရဲ့ အနာဂါတ်အာမချံက်တွေက
မတွေးရဲအောင်---ဝေးဝေးနေဆဲပါလားအမေရယ် --- ။

၈ ။ အမေလျှောက်ခဲ့တဲ့လမ်း---အမေဖောက်ခဲ့တဲ့လမ်း
အမေစိုက်ခဲ့တဲ့ပန်း---ဘယ်တော့မှ မနွမ်းစေရပါဘူး
အသက်အရွယ် ခန္ဓာဗေဒအရ အမေ အိုပေမယ့်
လိုနေသေးတဲ့ “ စိတ်မချခြင်း ” တွေအတွက်
အမေ့စိတ်ဟာ အမြဲနုပျိုနေဆဲ
သစ်လွင်နေဆဲ ----တောက်ပနေဆဲပါ ။

၉ ။ ကျွန်တော်တို့ပြန်လာစေချင်ကြသလို
သူတို့လည်းပြန်လာချင်ကြပါတယ်အမေ
ဒါပေမယ့်အမေရယ်---
ကွာခြားလွန်းတဲ့မညီမျှခြင်းတွေအကြား
စတေရမယ့်အစိတ်အပိုင်းတချို့ကြောင့်---
“ဆုံးဖြတ်ချက်ချဖို့ မရဲသေးတဲ့အကြောင်း ”
သူတို့စာလုံးပေါင်းတွေ မြင်နေရတယ်အမေ
နားလည်ပါတယ်အမေရယ်---အဲဒီလိုနဲ့
ရက်တွေပြီးလာလေလေ --- ခရီးတွေ နီးလာလေလေပါပဲ ။

၁၀ ။ “ အမေ--ကျန်းမာရေးကို ဂရုစိုက်ပါ ”
အမေကျန်းမာမှ -- ကျွန်တော်တို့ဘ၀တွေ လန်းဖြာကြမယ်
ခါးသီးတဲ့လောကဓံတွေကြား
အမေကျော်ဖြတ်ခဲ့တဲ့ ည ဆိုးတွေအကြောင်း
သောာင်းသောင်းဖြဖြ ပြည်သူ့လက်ခုပ်သံတွေနဲ့
ဖုံးအုပ်ပစ်လှဲ့ပါအမေ --
အမေ---ဘေးရန်ကင်းပါစေ
အမေ---စိတ်ဆင်းရဲ့ကင်းပါစေ
အမေ---ကိုယ်ဆင်းရဲကင်းပါစေ
အမေ---ချမ်းသာကိုယ်စိတ်မြဲပါစေ
ကျွန်တော်တို့အားလုံးတောင်းဆုတွေခြွေ ----။
(ကမ္ဘာမကြေ---မြန်မာပြည်---ဒါတို့မြေ--ဒါတို့ပြည်
တို့ပိုင်တဲ့မြေ ----။)

သက်တန့်ချို
3 June 2012
(ကမ္ဘာ့စီးပွားရေးဖိုရမ်မှာ အမေစု မိန့်ခွန်းပြောဆွေးနွေးတာကို ယူကျု့မှာ ကြည့်ပြီးနောက် ဒီကဗျာလေးကို ချရေးခဲ့ ပါတယ် )

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

9 comments:

  1. ကိုသက်တန့်ရေ...
    ဒီကဗျာလေးကို ဖတ်ပြီး ကြက်သီး ဖြန်းဖြန်း ထခဲ့တယ်။ ကျင်ခနဲ့ ခံစားလိုက်မိတယ်။ အားလုံးအတွက် ကျေးဇူးတင်ပါတယ်။

    ကိုဟိန်းတင့်ဇော်

    ReplyDelete
  2. အမေ့အတွက် ဂုဏ်ပြုကဗျာလေးကို နှစ်သက်စွာဖတ်သွားပါတယ် ဆရာရေ..။

    ReplyDelete
  3. Good တယ် ဗျို့ ... ။ ကို သက်တန့် ...

    ReplyDelete
  4. "အမေ့မျှော်လင့်ချက်ဟာ ကျွန်တော်တို့အတွက်
    တိုင်းပြည်အတွက်---အနာဂါတ်အတွက်".... သိပ်ကိုမှန်တာပေါ့ သက်တန့် ။ အမေ့စုကဗျာလေးအားပေးသွားပါတယ်...

    ReplyDelete
  5. "အမေ့မျှော်လင့်ချက်ဟာ ကျွန်တော်တို့အတွက်
    တိုင်းပြည်အတွက်---အနာဂါတ်အတွက်"......သိပ်မှန်တာပေါ့။ အမေစုကဗျာလေးအားပေးသွားပါတယ်။

    ReplyDelete
  6. ကိုသက်တန့်
    ဖတ်သွားပါတယ်
    ရိုးရိုးရှင်းရှင်းနဲ့ အရမ်းကို ဖတ်လို့ကောင်းပါတယ်။
    www.nla2012.blogsot.com

    ReplyDelete
  7. ဖတ်ပြီးမျက်ရည်ဝဲမိတယ် ဆရာရေ.....

    ReplyDelete
  8. အမေ့ကိုချစ်သော သားတစ်ယောက်ရဲ့ အနုပညာကန်တော့ပန်းတစ်ခုအဖြစ် ထပ်တူခံစားရပါတယ် ကိုသက်တန့်။

    ReplyDelete
  9. ချစ်ကိုကိုJune 9, 2012 at 4:25 PM

    သိပ်ကောင်းပဲဗျို့

    ReplyDelete