Saturday, May 26, 2012

မြေခွေးနှင့်ငှက်ကျား

မြေခွေးနှင့်ငှက်ကျား



မနာလိုဝန်တိုစိတ် များပြီး တစ်ကိုယ်ကောင်းဆန်တတ်တဲ့ မြေခွေးတစ်ကောင်က ငှက်ကျားတစ်ကောင်ကို ဖိတ်ပြီး သူ့ သစ်ခေါင်းပေါက်ထဲမှာ ညနေစာ လာစားဖို့ဖိတ်ခေါ်လိုက်တယ် ။ အဲဒီညနေမှာ ငှက်ကျား က မြေခွေး အိမ်ကို ပျံသန်းပြီးရောက်လာခဲ့တယ် ။ ပြီးတော့ သူ့ရဲ့ ရှည်လျှားတဲ့ နှုတ် သီးနဲ့မြေခွေး ရဲ့အိမ်တံ ခါး ကိုခေါက်လိုက်တယ် ။

မြေခွေးက တံခါးကို လာဖွင့်ပေးပြီးပြောလိုက်တယ် ။ “ လာပါ အထဲကို ၀င်ပါ ကျွန်တော်နဲ့အတူ ညနေစာ လာစားပါ ” ငှက်ကျားကို စားပွဲခုံမှာ ထိုင်ဖို့ပြောတယ် ။ ငှက်ကျားက အရမ်းကို ဗိုက်ဆာလောင်နေပြီး ဟင်းရနံ့တွေ က လည်း အရသာ ရှိမယ့်ပုံပဲလို့တွေးလိုက်တယ် ။

မြေခွေးဟာ ပန်းကန်ပြားနဲ့ စွပ်ပြုတ်ရည်ထည့်ယူလာပြီးချပေးတယ် ။ သူကတော့ ပန်းကန်ပြားကို လျှင်မြန် စွာ မော့ပြီး စွပ်ပြုတ်တွေကို သောက်လိုက်တယ် ။ ဒါပေမယ့် ငှက်ကျားအတွက်ကတော့ သူ့ရှည်လျှားတဲ့နှုတ်သီးနဲ့ ဒီပန်း ကန်ပြားထဲက စွပ်ပြုတ်ကို သောက်ဖို့ မဖြစ်နိုင်ခဲ့ဘူး ။ ဒါကြောင့်ဗိုက်ဆာဆာနဲ့ပဲ ငှက်ကျားဟာ ယဉ်ကျေး စွာ ပြုံးပြီး ထိုင်နေလိုက်တယ် ။ မနာလို ၀န်တိုစိတ်များတဲ့မြေခွေးက မေးတယ် ။

“ အလို ငှက်ကျား မင်း စွပ်ပြုတ်ကို မသောက်ဘူးလား မကြိုက်ဘူးလား ဟင် ” ငှက်ကျားက ပြန်ဖြေတယ် ။ “ အခု လို ညနေစာအတွက် ကျွန်တော့်ကို ဖိတ်ခေါ်တဲ့အတွက် အထူးပဲကျေးဇူးတင်ပါတယ် ။ မနက်ဖြန်ညနေမှာလည်း ကျွန်တော့်အိမ်ကို ညနေစာလာစားဖို့ ဖိတ်ခေါ်ပါတယ် ”

နောက်တစ်နေ့မှာတော့ မြေခွေးဟာ ငှက်ကျားရဲ့အိမ်ကို ရောက်သွားခဲ့တယ် ။ ညနေစာအတွက် စွပ်ပြုတ်တွေ ပြင်ဆင်ထားတာကိုသူတွေ့လိုက်ရတယ် ။ ငှက်ကျားက စွပ်ပြုတ်ကို ရှည်လျှားတဲ့ ဖန်တကောင်းတွေ နဲ့ပြင်ဆင်ထားတာကိုတွေ့လိုက်ရတယ် ။ သူတို့စားပွဲခုံမှာ ထိုင်ပြီးတဲ့အခါ ငှက်ကျားက စွပ်ပြုတ်ကို သူ့ရဲ့ရှည်လျားတဲ့နှုတ်သီးနဲ့ စုပ်ယူပြီးလွယ်ကူစွာ သောက်သုံးလိုက်တယ် ။ ဒါပေမယ့် မြေခွေးရဲ့ တိုတဲ့နှုတ်သီး ကတော့ ဖန်တကောင်းအတွင်းမရောက်ရှိနိုင်ခဲ့ဘူး ။ ဒီတစ်ခါတော့ မြေခွေးအတွက် ဗိုက်ဆာလောင်ခံရတဲ့ အလှည့်ဖြစ်ခဲ့တယ် ။

@@@@@@@@@@@@@@@@@@@

“ မနာလို ၀န်တိုမှု ၊ သူတပါးကို မကောင်းကြံစည်မှု နဲ့ ကုန်းချော မှုတို့ဟာ နောက်ဆုံး ကိုယ့်ဆီကို ပဲ ပြန်လာတတ်တယ် ကိုယ်ပဲ အဲဒီအရ သာတွေကို တဖန်ပြန်လည်ခံစားရတတ်တယ် ဒါကြောင့် လောကကြီးမှာ တူသော အကျိုးပေးတယ်ဆိုတာ ဘယ်တော့မှ မမေ့ပါနဲ့ ”

သက်တန့်ချို
A selfish fox အား ဘာသာပြန်ခံစားသည် ။

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

No comments:

Post a Comment