ပြည်မြို့ ရွှေဘုံသာမုနိ နှင့်ရွှေဆံတော် ဘုရားသို့

ပြည်မြို့ ရွှေဘုံသာမုနိ နှင့်ရွှေဆံတော် ဘုရားသို့

(Facebook မှာဖတ်ချင်ရင် တော့ ဒီနေရာလေးကို နှိပ်ပြီး ဖတ်နိုင်ပါတယ် ။

ရာသီဥတုကတော့ ရန်ကုန်နဲ့မခြား နေ့လည်ဖက်မှာ ပူလှပေမယ့် ညနေခင်းအချိန်မှာတော့ ဧရာဝတီဖက်က တိုက်ခတ်လာတဲ့ မိုးနံ့သင်းတဲ့ လေနုအေးတွေကြောင့် နေလို့ ကောင်းလှပါတယ် ။ အလုပ်ကိစ္စတစ်ခုနဲ့ ကိုသက်တန့်တစ်ယောက် ပြည်မြို့ကို တခဏတာ ရောက်ရှိခဲ့တယ် ။ နေ့လည် ၂ နာရီလောက်ရောက်ပြီး Lucky Dragon Hotel မှာပဲ တည်းခိုခဲ့တယ် ။ ရှေ့မှာ ဧရာဝတီ မြစ်ကြီးရှိတာကြောင့် အရမ်းကို သာယာလှပတဲ့ ပြည်မြို့လေးပါပဲ ။

ခဏတဖြုတ်နားပြီး လမ်းရှည်လမ်းနဲ့ တရုတ်တန်းထောင့်က နာမည်ကြီးတယ်ဆိုတဲ့ ဆန်လှော်မုန့်ဟင်းခါး သွားစား ခဲ့တယ် ။ အရသာက ရန်ကုန်နဲ့သိပ်မတူပဲ စားလို့ကောင်းမွန်ပြီး ငှက်ပျောအူဖတ်တွေများများ ထည့်ပေးတာတွေ့ရတယ် ။



မုန့်ဟင်းခါးစားပြီးတာနဲ့ ရုံးကလူတွေက ဟိုတယ်ပြန်မပို့သေးပဲ သုံးရာသီ ဆိုင်မှာ ရေခဲသုပ် လိုက်ကျွေး ပါသေးတယ် ။ အီဆိမ့်နေပြီး အုန်းသီးဖတ်တွေနဲ့မို့ အလွန်ကို အရသာ ရှိလှပါတယ် ။

ပြီးတာနဲ့ ဟိုတယ်ပြန် ရေမိုးချိုးပြီး ညနေစောင်း ၅ နာရီခွဲလောက် မှာ ပြည်မြို့ တစ်ဖက်ကမ်း က ရွှေဘုံသာမုနိဘုရားကြီးကို သွားရောက်ဖို့ပြင်ဆင်ပါတော့တယ် ။ ဧရာဝတီမြစ်ကိုဖြတ်ထားတဲ့ န၀ဒေးတံ တားဂိတ်ရောက်တော့ ဘုရားဖူးသွားမယ့်ဆိုင်ကယ်တွေကို တံတားဖြတ်ခ မကောက်ပဲ ဖြတ်သန်း ခွင့်ပေး တာတွေ့ရပါတယ် ။



တံတားပေါ်ရောက်တဲ့အခါ မြစ်အလယ်ခေါင်လောက်အထိ သောင်တွေထွန်းနေတဲ့ ဧရာဝတီကို ဓါတ်ပုံရိုက် ယူခဲ့တယ် ။ လေကတအားတိုက်တာကြောင့် ကင်မရာမကိုင်နိုင်လောက်အောင် ဖြစ်ခဲ့ရတယ် ။ မိုးကလည်း ညို့လာပြီး မိုးဖွဲဖွဲတွေ စတင် ရွာသွန်းလာပါပြီ ။ တောင်ပတ်လမ်းရောက်တဲ့အခါ ရှေ့မှာ ဘာမှ မမြင်တော့လောက်အောင် သောင်ပေါ်က သဲတွေကို လေတွေကတိုက်ပြီး အရာရာကို ဖုံးလွှမ်းသွားခဲ့တယ် ။ ဆိုင်ကယ်စီး ကျွမ်းကျင်တဲ့ ပြည်မြို့သားတွေကတော့ အေးဆေးပါပဲ ။ ဒီလိုနဲ့ ရွှေဘုံသာ မုနိဘုရားကြီး ကိုရောက်ခဲ့ပါတယ် ။





ဘုရားကြီးကို ဖူးမျှော်ခဲ့တယ် ။ ဘေးက လူတွေကတော့ ရုံးအဖွဲ့သူအဖွဲ့သားတွေဖြစ်ပါတယ် ။







ဘုရားဖူးပြီးတဲ့အခါ ညနေလည်းမှောင်နေပြီမို့ ပြည်မြို့ထဲကို ၀င်လာခဲ့တယ် ။

ပြီးတော့ ရွှေဆံတော် ဆုတောင်းပြည့်ဘုရားကြီးကို သွားရောက်ဖူးမျှော်ခဲ့ပါတယ် ။

စေတီတော်ကို ၀န်းရံထားတဲ့ ပတ်ပတ်လည်မှာ ဒီလို ထူးခြားတဲ့ တည်ဆောက်မှုတွေကို ဒီဘုရားကြီးမှာ ပဲတွေ့မြင်နိုင်ပါတယ် ။





ရွှေဆံတော်စေတီတော်ကို တခြားစေတီတွေနဲ့မတူပဲ ထီးတော် ၂ ဆင့်ပြုလုပ်ထားတာဖြစ်ပါတယ်း အပေါ်ဆုံးထီး ကတော့ မြန်မာထီးဖြစ်ပြီး အောက်ထီးကတော့ မွန်ထီးဖြစ်ပါတယ် ။ ရွှေဆံတော်စေ တီမှာ ပဲ တွေ့မြင်နိုင်ပါတယ် ။



ဒီဘုရားကတော့ ရွှေဆံတော်စေတီပေါ်ကနေဖူးမျှော်ရတဲ့ ဆယ်ထပ်ကြီးဘုရားဖြစ်ပါတယ် ။ အလွန်ကို ကြည်ညိုဖွယ်ရာကောင်းတဲ့ ဆင်းတုတော်ဖြစ်ပါတယ် ။



နောက်တစ်နေ့မှာတော့ Lucky Dragon Hotel မှာပဲ GP Section မှာ ဆရာဝန်တွေနဲ့ product presentation ပြုလုပ်ခဲ့ပါတယ် ။

ပြည်မြို့ဟာ နေလို့ကောင်းတဲ့မြို့လေးတစ်မြို့ပါပဲ ။ သပ်သပ်ရပ်ရပ်သန့်သန့်ရှင်းရှင်းနဲ့ တစ်ခုလေးပဲ ပြောစ ရာရှိခဲ့ တယ် ။ အဲဒါကတော့ လျှပ်စစ်မီးပုံမှန်မလာပဲ ဆယ်မိနစ်တစ်ကြိမ်လောက်ပျက်ခြင်းပါပဲ ။ ဒီတော့စဉ်းစား မိတာ ရင်းနှီမြုပ်နှံသူတွေနဲ့ လျှပ်စစ်နဲ့ဆက်နွယ်ပြီးလုပ်ရတဲ့ ကုန်ထုတ်လုပ်ငန်းတွေအဖို့ အခက်တွေ့နိုင် တယ်ဆိုတာပါပဲ ။ လျှပ်စစ်မီးလေးသာ ပုံမှန်ပြန်မှန်ခဲ့ရင် နေချင့်စဖွယ်မြို့လေးတစ်ခုဖြစ်ပါတယ် ။ ဟိုတယ်တွေ ကလည်း သပ်ရပ်ကောင်းမွန်ပြီး ကမ်းနားလမ်းနဲ့ ပနာသင့်တာကြောင့် စာဖတ်သူများကို တစ်ခါတစ်ခေါက် အရောက်သွားလို့ ဘုရားလည်းဖူးရင်း ဧရာဝတီမြစ်ကြီးကိုလည်း View point ကနေသွားရောက်ရှူစားကြဖို့ တိုက်တွန်းရင်းအဆုံးသတ်လိုက်ရပါတယ် ။

သက်တန့်ချို
20 May 2012