အစားခံလိုက်ရသောလက်များ

အစားခံလိုက်ရသောလက်များ

ကျောင်းခန်းတစ်ခုလုံး အပ်ကျသံပင်ကြားရလောက်အောင် တိတ်ဆိတ်နေသည် ။ ကျောင်းသူကျောင်းသား အားလုံး ခေါင်းပင်မော်မကြည့်ရဲကြ ။ ကျောင်းစတတ်သော နံနက်ခင်းအချိန်မို့ ကျောင်းဝင်းတစ်ခုလုံးက ခြောက်ခြားဖွယ်ကောင်းလောက်အောင်ပင် တိတ်ဆိတ်နေသည် ။ တစ်ခါတစ်ခါ ညည်းတတ်သော ခိုအော်သံမှ အပ မည်သည့်အသံမျှမကြားရပေ ။ ဖြစ်ပုံကိုလည်း ကြည့်ဦး ။ ကျွန်တော်တို့ A ခန်းတွင် ကျောင်းသား ကျောင်းသူပေါင်း ၇၅ ယောက်တိတိရှိပါတယ် ။ အဲဒီအထဲမှာမှ ယောင်္ကျားလေးက ၁၅ ယောက် မိန်းကလေးက အယောက် ၆၀ ရှိပါတယ် ။ အဲဒီလိုကို အချိုးညီတာ ။ မိန်းကလေးတွေ များလွန်းလို့လားမသိဘူး တစ်ခန်းလုံးက ယောင်္ကျားအကုန်လုံးက ခပ်နွဲ့နွဲ့တွေချည်းရယ် ။ ကိုယ်တွေ နှစ်ယောက်သုံးယောက်သာ ထောင်ထွက်နေတာ ။ အရပ်အမောင်းနဲ့ လူကောင်ကို ပြောပါတယ် ။ ဇာတ်လမ်းစဖြစ်ပုံက ဒီလို....... ။

ကျွန်တော်တို့ ဆယ်တန်း အတန်းပိုင် ဆရာမ နာမည်က ဒေါ်လှလှဝင်းတဲ့ ။ အပျိုကြီးပေါ့ ။ စည်းစနစ် သိပ်ကြီးတယ် ။ စာသင်လည်းကောင်းတယ် ။ ကျွန်တော်တို့ ခေတ်က ၀ိဇ္ဖာ သိပ္ပံ မခွဲသေးပါဘူး ။ အားလုံးပေါင်း ကိုးဘာသာပါဝင်ပါတယ် ။ ဆိုတော့ ဆရာဆရာမ ကိုးယောက်ပေါ့ ။ ထူးခြားချက်က Chemistry ဆရာကလွဲလို့ ကျန်တာ အကုန်ဆရာမတွေချည်းပဲ ။ တစ်ယောက်တည်းဆိုသလိုပဲ Chemistry ဆရာက ပိန်ပိန်ပါးပါး မျက်မှန်က ကျွဲကော်ကိုင်းအမည်းကြီးတပ်လို့ အရပ်မြင့်မြင့်နဲ့ သူ့ပုံစံက လေတိုက်ရင်လွင့်တော့မယောင် ။ မသိတဲ့လူကတော့ ကဗျာ ဆရာအိုကြီး တစ်ယောက်လို့ ထင်ကြမှာပါပဲ ။ အဲဒီဆရာနာမည်က ဦးအုန်းကျော်တဲ့ ။ ဦးအုန်းကျော်က ကျောင်းသားကျောင်းသူတွေကို သိပ်ချစ်တယ် ။ စာသင်ရင်လည်း စေတနာပါတယ် ။ တစ်ခုလေးပဲ သူက သူ့ကို စရင်လုံးဝမကြိုက်ဘူး ။ အဲဒီနေ့က အတန်းပိုင်ဆရာမအချိန်ပြီးတော့ ဘိုင်အိုဆရာမအချိန် ။ ပြီးတော့ ဆရာ ဦးအုန်းကျော် ။ သူ့အချိန်လည်းရောက်ရော ဆရာကထုံးစံအတိုင်း ဖိုင်ကြီးတစ်ဖိုင် လက်ထဲညှပ် ။ မြေဖြူခဲလေး ကိုင်ပြီးရောက်လာပါရော ။ အဲဒီတုန်းက whiteboard တွေ marker တွေ မသုံးသေးဘူး ။ ကျွန်တော်တို့ အခန်းမှာ ဆရာဝင်လာတာနဲ့ ထပြီးနှုတ်ဆက်ရပါတယ် ။ ကျွန်တော်က မော်နီတာပါ ။ " အားလုံး နှုတ်ဆက် " လို့ ကျွန်တော်က တိုင်ပေးရပါတယ် ။ ကျွန်တော်လည်း ဆရာဝင်လာတော့ ထုံးစံအတိုင်း တိုင်ပေးတာပေါ့ ။

" အားလုံးနှုတ်ဆက် "

" မင်္ဂလာပါဆရာကြီး"

" မင်္ဂလာပါဆရာမ "

" ဟိုက်" အဲဒီအသံ နှစ်သံက တစ်ပြိုင်နက်ကြားလိုက်ရတာပါ ။ မင်္ဂလာပါဆရာကြီးဆိုတဲ့ ကျောင်းသားထုကြီးရဲ့ အသံထဲမှာ စူးစူးဝါးဝါးနဲ့ မင်္ဂလာပါဆရာမ ဆိုပြီး ထွက်ပေါ်လာတာပါ ။ ကျောင်းသားတွေ အကုန်လုံးကြောင်သွားကြတယ် ။ ဆရာကြီးမျက်နှာက ခဏလေးနဲ့ ရဲတက်လာတယ် ။ စိတ်လည်း အတော်ဆိုးသွားပုံရပါတယ် ။ နောက်တော့ဘာမပြောညာမပြောနဲ့ အခန်းအပြင်ကို ၀ုန်း ဆိုထွက်သွားပါတယ် ။ ကျောင်းသားတွေအားလုံး တစ်ယောက်တစ်ပေါက်နဲ့ပေါ့ ။ နောက် ၅ မိနစ်လောက်ကြာတော့ ပြန်ဝင်လာပါတယ် ။ မီးကိုရေနဲ့သတ်လိုက်သလိုပါပဲ ။

အားလုံးတိတ်သွားကြတယ် ။ အနောက်မှာလည်း အတန်းပိုင်ဆရာမ ပါ ပါလာပါတယ် ။ ဆရာမက

" ကဲ... ဆရာ့ကို မင်္ဂလာပါ ဆရာမလို့ နှုတ်ဆက်တာ ဘယ်သူလဲ "

ကျောင်းသားတွေ အကုန်လုံး ပြုံးစိစိဖြစ်ကုန်ကြသည် ။

" ဖျန်း "

ဆရာမက ကြိမ်လုံးကို စားပွဲပေါ်ကို ရိုက်ချလိုက်ပါတယ် ။ နောက်

" ဘယ်သူလဲ အခုထွက်ခဲ့စမ်း "

ဘယ်သူမှ တုတ်တုတ်မလှုပ်ရဲကြဘူး ။

" ဟိုကောင်မော်နီတာ ဘယ်သူလဲမင်းသိလား "

" ဗျာ...မ ..မ သိဘူးချာမ "

ကြောက်လွန်းလို့ ဆရာမတောင် မပီတော့ပဲ ချာမဖြစ်သွားတယ် ။ ဆရာမက

" ကဲဒါဆို ယောင်္ကျားလေးတွေ အကုန်လုံး အတန်းရှေ့ထွက် လက်ဝါးဖြန့် " တဲ့ ။ ဆရာမစကားလုံးဆုံးရော ကျွန်တော်ဦးဆောင်ပြီး အတန်းရှေ့ကို ၁၅ ယောက်စလုံး ကုပ်ကုပ် ၊ ကုပ်ကုပ်နဲ့ထွက်သွားပါတယ် ။ ဆရာမက ဆရာ့လက်ထဲကို ကြိမ်လုံးထိုးပေးပါတယ် ။ ဆရာက ကျွန်တော်တို့ဆီလျောက်လာပြီး ဖြန့်ထားတဲ့လက်ဝါး တွေပေါ်ကို ဆော်ပလော်တီးပါတော့တယ် ။ တရွှမ်းရွှမ်းကို မြည်ရော.. ။ ကျွန်တော်က ဒေါင့်စွန်းမှာဆိုတော့ နောက်ဆုံးမှ အရိုက်ခံရပါတယ် ။ လူကို အီဆိမ့်သွားတာပဲ ။ ကျွန်တော့်ကိုလည်း ရိုက်ပြီးရော မိန်းကလေး တစ်ယောက်က မတ်တပ်ရပ်ပြီး

" ဆရာမ... သမီး အော်လိုက်တာပါ ဆရာမ "

" ဟင် "

" သမီးကဘာလို့ အော်ရတာလည်း "

" ဟို.. အခုအချိန်က ပထ၀ီဆရာမ အချိန်မှတ်လို့ ဆရာမထင်ပြီး ယောင်အော်မိတာပါ " တဲ့... ကောင်းရော ။ ဒါဆိုလည်း စောစောစီးစီး ၀န်ခံလိုက်တော့ရော ဘာဖြစ်မှာ မို့လို့တုန်း ။ ဒါမှမဟုတ်လည်း မိန်းကလေးတွေပါ အရိုက်ခံပြီးမှ ပြောလည်းရတာပဲ ။ အခုတော့ ကျွန်တော့်ကို ရိုက်ပြီးတဲ့ အလှည့်ကျမှ သူက၀န်ခံလိုက်တယ် ။ ဆရာမကလည်း

" အေးအေး..သမီး အပြစ်လုပ်တဲ့သူဟာ အဲဒီလို ၀န်ခံရဲတဲ့သတ္တိရှိရတယ် ကဲ.ထိုင် " တဲ့ ။ တစ်ကယ်အော်တဲ့ သူက တစ်ချက်တောင်အရိုက်မခံလိုက်ရဘူး ။ အစားခံလိုက်ရတာက ကျွန်တော်တို့လက်တွေ... ။ အဲဒီကောင်မလေးက မိန်းကလေးထုကိုယ်စား ၀င်ကယ်ပေးလိုက်သလိုပါပဲ ။

အဲဒီအချိန်ထဲက ကျွန်တော်မှတ်ချက်တစ်ခုချလိုက်တယ် ။ မိန်းကလေးတွေဟာ သူတို့အချင်းချင်းကြတော့ အတော်စည်းရုံးပြီး ယောင်္ကျားလေးတွေအတွက်ဆိုရင်တော့ ဆရာက အကုန်လုံးကို ရိုက်ပြီးတဲ့အထိကို စောင့်နေတတ်တဲ့ အမျိုးပါလားလို့... ။ :D

စာရေးသူ.....သက်တန့်ချို (၁၁း၃၀ ည ၃၁.၁၂.၀၉)

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................