ညီမလေးရေ...ဇွန်လရဲ့ နောက်ဆုံးရက်သတ္တပတ်မှာ မိုးတွေဟာ အုံ့အုံ့သည်းသည်းရွာသွန်းနေလေရဲ့ ။ လမ်း မပေါ်မှာလည်း ရေတဖွေးဖွေး လူတွေဟာ ဟိုမှ ဒီ ၊ ဒီမှဟိုကို သုတ်သီးသုတ်ပြာနဲ့ သွားလာနေကြတယ် ။ တခါတခါတော့လည်း စဉ်းစားမိတယ် ညီမလေးရေ ...တို့တွေမွေးဖွားလာရခြင်းရဲ့ ပန်းတိုင်ဆိုတာကိုပေါ့ ။ တချို့ရဲ့ ပန်းတိုင်က ဆရာဝန်ကြီးဖြစ်ဖို့ တချို့ကလည်းသူဌေးကြီးဖြစ်ဖို့ တချို့ကလည်းအောင် မြင်ကျော်ကြား ချင်လို့ တချို့ကလည်း ချစ်သူနဲ့အတူနေရဖို့တဲ့ ...ရယ်စရာတော့အကောင်းသားညီမလေးရေ ..တကယ့်ပန်း တိုင်အစစ်ဟာ သေဆုံးခြင်းဆိုတဲ့အရာကို လူတွေက ဖြစ်ချင်တာတွေ လုပ်ချင်တာတွေနဲ့ ဖုံးအုပ်ပြီး မေ့လျော့ပေါ့ဆနေကြတယ် ။ ဟုတ်တယ် တို့တတွေရဲ့ပန်းတိုင်ဟာ သေဆုံးခြင်းပဲ ညီမလေးရေ ။ ဒီတော့ မသေခင်အချိန်လေးမှာ ဖြတ်သန်းရမယ့်နေ့ရက်တွေဟာ အဓိပ္ပါယ်ရှိဖို့သာ လိုတာပါ ။ ကြီးကြီးမာားးကြီးတွေတွေးမနေပါနဲ့ ညီမလေးရေ တကယ်တော့ဘ၀ဆိုတာ နေ့စဉ်ကိုယ်လုပ်တဲ့အလုပ် ကိုယ်ကျေနပ်ရင်ပဲ နေပျော်ဖို့ ကောင်းနေပါပြီ ။
ညီမလေးရေ ..သီးချိန်တန်သီးပွင့်ချိန်တန်ပွင့်ဆိုတဲ့ စကားပုံရှိတယ် ။ လူရယ်လို့ ဖြစ်လာရင် သူ့အသက်အရွယ် အပိုင်းအခြားအလိုက် တာဝန်ထမ်းဆောင်ရမယ် ။ ဒါဟာ ဘယ်သူကမှပေးအပ်ထားတာမဟုတ်ဘူး ။ သဘာဝတ ရားကြီးက ပေးအပ်ထားတဲ့ တာဝန်သာလျှင်ဖြစ်တယ် ။ အသက် ၁၆ နှစ် ၁၇ နှစ်ဟာ အိမ်ထောင်ပြုသားမွေး လုပ်ရမယ့် အရွယ်မဟုတ်ဘူး ။ ပညာရှာရမယ့်အရွယ်ဖြစ်တယ် ။ ၂၂ နှစ်မှသည် ၂၅ နှစ်အတွင်း အိမ်ထောင်ပြုဖို့ အသင့်တော်ဆုံးအချိန်ဖြစ်တယ် ။ ၂၂ နှစ်ကျော်သွားရင်တော့ ပန်းလေးတစ်ပွင့်ဟာ ရင့်မှည့်ချိန်လွန်လာပါပြီ ။ အခု ၂၁ ရာစုမှာတော့ ၃၀ ကျော်မှ အိမ်ထောင်ပြုနေတာတွေကိုလည်း တွေ့နေရတာပါပဲ ။ ဆိုးကျိုးကတော့ အသက်ကြီးမှ အိမ်ထောင်ပြုတဲ့အတွက် ကလေးယူဖို့ အခက်ကြုံလေ့ရှိတယ် ။ အခက်အခဲအ များကြီးတွေ့ ရလေ့ရှိတယ် ။ မိခင်တစ်ယောက်အနေနဲ့ အန္တရယ်ရှိတဲ့ risk တွေအများကြီးရှိတယ် ။
ညီမလေးရေ ... အချိန်တန် အရွယ်ရောက်လို့ အိမ်ထောင်ပြုဖို့ လိုအပ်လာပြီဆိုရင် အိမ်ထောင်ရေး သဘော တရားတွေကို နားလည်ဖို့လိုလာပြီ ။ အိမ်ထောင်ပြုခြင်းနဲ့ပတ်သတ်လို့ စာအုပ်တစ်အုပ်ထဲမှာ ဒီလိုဖတ်ဖူးတယ် ။
“ တစ်ကြိမ်အိမ်ထောင်ပြုခြင်းဟာ သဘာဝတာဝန်ကိုထမ်းဆောင်ခြင်းဖြစ်တယ် ။ နှစ်ကြိမ်အိမ်ထောင်ပြုခြင်းဟာ မိုက်မဲမှု တစ်ခုသာလျှင်ဖြစ်တယ် ။ သုံးကြိမ်အိမ်ထောင်ပြုခြင်းဟာ ရူးသွပ်မှုတစ်ခုသာလျှင်ဖြစ်တယ် ” တဲ့ ။ ဘာကို ဆိုလိုသလဲဆိုတာကိုတော့ ညီမလေးစဉ်းစားကြည့်နိုင်မှာပါ ။
ညီမလေးရေ ... အိမ်ထောင်ပြုရင်အချို့က အချစ်ရှိရင်ပြည့်စုံပြီတဲ့ ။ အချို့က ငွေကြေးပြည့်စုံဖို့ လိုအပ်တယ်တဲ့ ။ အချို့က နားလည်မှု ရှိရမယ်တဲ့ ။ မပြည့်စုံဘူးညီမလေးရေ ။ တကယ်တော့ အိမ်ထောင်ပြုခြင်းဆိုတာ အလွန်စ နစ်ကျတဲ့ အစိတ်အပိုင်း ၄ ခုပေါင်းစပ်ထားတဲ့ Equation တစ်ခုသာလျှင်ဖြစ်တယ် ။ ကဲ အိမ်ထောင်ပြုခြင်း ညီမျှခြင်းကို ကြည့်ကြရအောင် ။
အိမ်ထောင်ပြုခြင်း = အချစ် (၂၅%) + တစ်ဦးနှင့်တစ်ဦးနားလည်မှု (၂၅%) + ငွေကြေးပြည့်စုံလုံလောက်မှု (၂၅%) + နှစ်ဖက်မိဘအသိုင်းအ၀ိုင်းနှင့်အဆင်ပြေမှု (၂၅%)
စဉ်းစားကြည့် ညီမလေးရေ .. အိမ်ထောင်တစ်ခုဟာ အချစ် ၁၀၀% နဲ့တကယ်ပဲ သာယာပြည့်စုံသတဲ့လား ။ တူနှစ် ကိုယ်တဲ့အိုပျက်မှာ ထမင်းရည်လျှက်ရပါစေရဲ့ ဆိုတဲ့စကားဟာ ရုပ်ရှင်တွေ ၀ထ္ထုတွေထဲမှာသာ အ၇မ်း ဖတ် လို့ ကောင်းတဲ့စာစုတစ်ခုဖြစ်တယ် ။ လက်တွေ့ဘ၀မှာတော့ အပေါစား ဟာသတစ်ခုသာလျှင်ဖြစ်တယ် ။ အချစ်ဆိုတာဟာ ငွေကြေးမပြည့်စုံမှု ၊ နှစ်ဖက်မိဘအသိုင်းအ၀ိုင်းနဲ့အဆင်မပြေမှု ၊ နားလည်မှုမပေးပဲ ချုပ်ချယ်မှုတွေနဲ့ကြုံလာရင် လုံးပါးပါး လျော့နည်းပျောက်ကွယ် သွားတတ်တဲ့ အရာဖြစ်တယ် ။ လူတွေဟာ သမီးရည်းစားဘ၀နဲ့ အိမ်ထောင်သည်ဘ၀ကို အတူတူပဲလို့ ထင်နေကြတယ် ။ မတူဘူးညီမလေးရေ ။ ပြဒါးတစ်လမ်း သံတစ်လမ်း သာလျှင်ဖြစ်တယ် ။ ရည်းစားဘ၀ဟာ စိတ်ကူးယဉ်ဆန်သလောက် ၊ အိမ်ထောင် ပြုခြင်းဟာ လက်တွေ့ဆန်တယ် ။ တကယ်တော့ အိမ်ထောင်ပြုတယ်ဆိုတာ ကြုံတွေ့လာရမယ့် အခက်အခဲတွေ ကို အတူတကွ တိုက်ပွဲဝင်ဖို့အတွက် ရဲဘော်ရဲဘက် လက်တွဲခြင်းသာဖြစ်တယ် ။
ငွေကြေးတစ်ခုတည်းနဲ့ အိမ်ထောင်တည်ဆောက်ဖို့ မလုံလောက်သလို နားလည်မှု ရှိယုံနဲ့လည်း အိမ်ထောင်ရေး ဟာ အဓိပ္ပါယ်မရှိလှဘူး ။ ကဲ တစ်ယောက်နဲ့တစ်ယောက် လည်းချစ်တယ် ။ ငွေကြေးလည်းရှိတယ် ။ နှစ်ယောက် စလုံးလည်း နားလည်မှုရှိပါတယ် ။ ဒါပေမယ့် သူ့မိဘ ကိုယ့်မိဘ ကတောက်ကဆနဲ့ ဟိုစောင်းမြောင်း ဒီစောင်းမြောင်း ယောက္ခမ တွေနဲ့ မတည့်ဆိုရင်တော့ တယ်မနှိပ်လှဘူး ညီမလေးရေ ။ ဒီတော့ အထက်မှာပြောခဲ့တဲ့ Equation ပြည့်စုံနေမှ အိမ်ထောင်တစ်ခုဟာ အဓိပ္ပါယ် သက်ဝင်နေမယ် ။ ဒီလိုမှ မဟုတ်ခဲ့ရင်တော့ လွယ်လွယ်နဲ့တွဲ လွယ်လွယ်နဲ့ကွဲ တစ်ခုလပ် တစ်လင်ကွာဆိုတဲ့ ဂုဏ်ပုဒ်သာ လျှင် အဖတ် တင်လိမ့်မယ် ။
အခုနောက်ပိုင်းမှာ ထိုးဖောက်ဝင်ရောက်လာတဲ့ အနောက်တိုင်းယဉ်ကျေးမှုတွေမှာ တို့လူမျိုးတွေအတွက် ရင်လေး စရာတွေ အများကြီးပါပဲ ။ ကိုရီးယားကားတွေကြည့်ပြီး သားသမီးတွေဟာ အဖေနဲ့အမေကို အာပုကျိတွေ အိုမားတွေ လုပ်နေကြပြီ ။ ယောင်္ကျားလေးတွေ (အထူးသဖြင့် လူငယ်လေးတွေ) ကိုယ့်ရိုးရာ ၀တ်စုံဖြစ်တဲ့ ပုဆိုးဝတ်ရမှာကိုပဲ ရှက်သလိုလို ရွံ့သလိုလိုနဲ့ ညီမလေးရေ ။ ဘယ်လောက်တောင် ရင်လေး စရာကောင်းသလဲ ။ ညီမလေးဟာ မြန်မာသမီးပျိုလေးတစ်ယောက်လို့  ကိုယ့်ကိုယ်ကိုယ် ခံယူထားရင် လိုအပ်တဲ့ အခါ မြန်မာ့ရိုးရာ ထဘီကို ဂုဏ်ယူစွာ ၀တ်ဆင်လိုက်ဖို့ မမေ့ပါနဲ့ ။ ခောတ်နောက်ကျတာမဟုတ်ဘူး ညီမလေးရေ ။ ခေတ်ဟာ ခေတ်ပဲ မြန်မာဟာ မြန်မာပဲ မြန်မာလူမျိုးဟာ ယဉ်ကျေးသိမ်မွေ့တယ် ။ တစ်ဖက်သား ကို ရိုင်းပင်းကူညီတယ် ။ ရိုသေလေးစား မြတ်နိုးတန်ဖိုးထားတတ်တဲ့ ချစ်စရာ လူမျိုးတွေဖြစ်တယ် ။
“ မြန်မာဖြစ်ရတာရှက်လိုက်တာကွာ ” ဆိုတဲ့ နိုင်ငံခြားရောက်မြန်မာအချို့ဆီက အသားထဲလောက် ထွက်တဲ့စကား သံတွေ ခဏခဏကြားနေရတယ် ။ မဖြစ်စေနဲ့ညီမလေးရေ ။ သူများတွေအရှက်မရှိ စကပ် အတိုလေးတွေ အတွင်းခံ မပေါ့်တပေါ် ၀တ်တာမြင်ယုံနဲ့ကိုယ်က လိုက်ဝတ်ရမှာတဲ့လား ။ လိုက်ဝတ်သင့်သလား ။ ဒီအတိုင်းဆို တို့လူမျိုးဟာ ပျောက်ကွယ်လုနီးပါးဖြစ်နေခဲ့ပြီ ။ လူတိုင်းလူတိုင်း ညီမလေးအပါအ၀င် ကိုကြီးက အစ အလေးအနက် ကို ပြုပြင်ဖို့လိုအပ်နေပြီ ။
ကိုရီးယားဟာ သူ့ယဉ်ကျေးမှု ၊ သူ့ ရေမြေနဲ့ သူနဲ့လိုက်ဖက်တဲ့ အ၀တ်အစားတွေဝတ်တယ် ။ သူတို့ ယဉ်ကျေး မှုကိုတန်ဖိုးထားတယ် ။ နိုင်ငံခြားတိုင်းတပါးယဉ်ကျေးမှုကို အ၀င်မခံဘူး ။ အင်္ဂလန် ၊ ဂျပန် ထိုနည်း လည်းကောင်းပဲ ။ ကဲ တို့လူမျိုးတွေ သူများ အိုပါးဆို လိုက်ပြီး အိုပါးတယ် ။ သူများ ဆံပင်ကောက် ရင်လိုက်ကောက် တယ် ။ သူများ အတိုဝတ်ရင်လိုက်ဝတ်တယ် ။ ထဘီဝတ်တဲ့မိန်းကလေး ဟာ အတော်လေးကို ရှားပါးနေပြီ ။ စိတ်မကောင်းစရာပါပဲ ။ ဘယ်သူတရားပျက်ပျက်ကိုယ်မပျက်စေနဲ့ညီမလေးရေ ။
ဟိုးနောင်လာမယ့် တစ်ခေတ်မှာပေါ့ ။ မြန်မာအတွေအကုန်လုံး ရိုးရာ ပုဆိုး ၊ ထဘီကိုပဲ ချစ်ခင်မြတ်နိုး စွာ ရေမြေသဘာဝ အလိုက် ရာသီဥတုအလိုက် ၀တ်ဆင်နိုင်ကြပါစေ ။ ညီမလေးရေ.. စာလည်း အတော်ရှည် သွားပြီမို့ ဒီလောက်နဲ့ပဲ နားပါရစေ ။ ရင်ထဲမှာ ပြောချင်တာတွေကတော့ အများကြီးပဲပေါ့ ။ နောက်ဆုံးမှာချင်တာ တစ်ခုကတော့ ညီမလေးဟာ မြန်မာသမီးပျိုလေးတစ်ယောက်ဆိုတာ ဘယ်တော့မှ မမေ့ပါနဲ့ ။
မိုးအေးအေးမှာ နွေးနွေးထွေးထွေးနဲ့ ငြိမ်းချမ်းပါစေ ညီမလေးရေ ..။
ကိုကြီး
သက်တန့်ချို
စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................
