ပြည်သူတွေအားလုံးက ဘာလို့လက်မခံတာလဲသိလား ?

 ပြည်သူတွေအားလုံးက ဘာလို့လက်မခံတာလဲသိလား ?

၁ ။ ဒီအရွယ်နဲ့ဒီအရွယ် ကလေးက ကိုကို လို့ခေါ်တာ လုံးဝမဖြစ်နိုင်လို့ ကလေးရဲ့ပြောစကားတွေနဲ့ တရားခံနဲ့ လုံးဝ ကိုက်ညီမှုမရှိ ယုတ္တိမရှိလို့

၂ ။ ဒီအရွယ်လူကြီးတစ်ယောက်ရဲ့ လိင်ပိုင်းဆိုင်ရာ အနိုင်ကျင့်မှု ခံလိုက်ရတဲ့ကလေးဟာရုပ်ဆိုးအကျည်းတန်တဲ့ ဒါဏ်ရာတွေရှိနေရမယ် ဒါဟာ အဓိကအချက်ထဲမှာပါဝင်တယ်

၃ ။ ယာဉ်မောင်းက ကလေးကို အဓမ္မလိင်ပိုင်းဆိုင်ရာ အနိုင်ကျင့်မှုလုပ်ပြီးဟန်မပျက်ပြန်ထွက် ကားဆက်မောင်းတယ်ဆိုတာ ယုတ္တိလုံးလုံးမရှိလို့

၎ ။ DNA တိုက်စစ်တာ မတူဘူးဆိုပြီး အရင်ရက်တုန်းက ပြန်လွှတ်ခဲ့တဲ့ CID ရဲ့ လုပ်ဆောင်ချက်နဲ့အခု ပဲ တရားခံမိပြီဆိုပြီးရုံးတင်စစ်ဆေးမယ်ဆိုတာ  အဓိပ္ပါယ်မရှိလို့

၅ ။ CCTV တွေ ဘာလို့ အပြည့်အစုံမရတာလဲဆိုတာ သေချာမရှင်းပြ ရိုးသားမှုမရှိလို့

---------------------------------------------------------------------

တရားခံသည်ယာဉ်မောင်းဆိုတာ ဘယ်လို ပဲ Story တွေခင်းခင်းလက်ခံနိုင်ဖွယ်မရှိလို့ ဆက်ရေးမယ် ။ အခင်းဖြစ်ပွားနိုင်ချေ စဉ်းစားလို့ရတာ ဖြစ်နိုင်ချေရှိတာသည် (၃) နေရာ

၁ ။ ကျောင်း
၂ ။ လမ်း
၃ ။ အိမ်

အဲ့ဒီထဲကမှ အိမ်မှာ မဖြစ်နိုင် ( ကားပေါ်ကဆင်းတာကိုအမြဲစောင့်ကြိုလို့ ) ၊ လမ်းမှာမဖြစ်နိုင် ကားပေါ်မှာ ဆရာမအပါအ၀င် လူအများကြီး လမ်းမှာ ကားရပ်တယ် ဘာညာလည်းမကြားမိ ဆိုတော့ ၉၀ % ကျော်ဖြစ်နိုင်ချေအရှိဆုံးက ?
ကျောင်း သို့မဟုတ် ကျောင်းပတ်ဝန်းကျင်

ဒီဖြစ်စဉ်မှာ အမှန်တရားပေါ်ပေါက်ဖို့ အနီးစပ်ဆုံး အဖြေသည် - ဆရာမ N သာလျှင်ဖြစ်ပါတယ် ။

ဒီတော့ ဆရာမ N ဘေးပတ်ပတ်လည်က ဖိအားတွေက ဘာတွေဖြစ်နိုင်မလဲ ?
ဆရာမ N နောက်ကွယ်က ကြိုးကိုင်သူတွေက ဘယ်တွေဖြစ်နိုင်မလဲ ?
ဆရာမ N ရဲ့ အကြောက်တရား ( အမှန်တရားကိုဖုံးကွယ်ဖို့ဆိုတာ အကြောက်တရားက စိုးမိုးနေမှဖြစ်နိုင်တာပါ ) က ဘာဖြစ်နိုင်မလဲ ?

တရားခံဟာ ကျိန်းသေ လူစိမ်းမဟုတ်ပါ ။ ကလေးငယ်ရဲ့ပြောစကားအရ ကလေးငယ်နဲ့သိနှင့်ပြီးသားလူထဲကပဲဖြစ်ရပါမယ် ။ ကလေးငယ်ရည်ညွှန်းတဲ့ ကိုကို ဆိုတာ ဘယ်သူလဲ လူငယ်လား လူကြီးလား ?

အမှန်တရားရဲ့ နောက်ကွယ်မှာ ဘယ်သူရှိနေလဲ ?

ကိုယ်တစ်ယောက်တည်းအမြင်
၁ ။ DNA Result တွေကို မယုံပါ ။ International trusted third party တစ်ခုခုက စစ်ထားတာဆိုရင်ယုံပါမယ် ။
၂ ။ ဆရာမ N ကို မယုံပါ ။ တစ်ခုခုဖုံးကွယ်ထားတယ်ဆိုတာ ကလေးငယ်ကို ဟန့်တားခြင်း ၊ ရေဆေးပေးခြင်း ( သွေးကိုမမြင်ပဲမနေ မြင်ရင် သက်ဆိုင်ရာ မိဘကို အကြောင်းရမယ်ဆိုတာ မသိပဲမနေ ရေဆေးရင် ကလေးက နာတယ်မပြောပဲမနေ ) ဟာ သက်သေဖျောက်တာများလားလို့ယူဆပါတယ် ။
၃ ။ လက်ရှိ စစ်ဆေးမှုကိုတောင် အချိန်ဒီလောက်ကြာလာတော့သိပ်မယုံချင်တော့ပါ ။ တစ်ဖက်ကို တစ်ဖက် ထပ်ရင်းထပ်ရင်းနဲ့ အမှန်တရားဟာ လက်ဝါးတွေအောက်မှာ ပဲ ညပ်ပြီးပျောက်နေတယ်လို့ ယူဆပါတယ် ။

အကြံပေးချက်

သမ္မတကြီးနဲ့ နိုင်ငံတော်အကြီးအကဲများမှ နောက်ထပ် Victoria လေးပေါင်းများစွာ မပေါ်ပေါက်လာဖို့အတွက် ဒီအမှန်တရားကိုပေါ်အောင် လိုအပ်ရင် နိုင်ငံတကာ အကူအညီယူစေချင်ပါတယ် ။ မလိုပါဘူးမပြောနဲ့ လူသိရှင်ကြားမပေါ်ပဲ ပြည်ပုံးကားချခဲ့တဲ့ ဇတ်လမ်းတွေ တိုင်းသိပြည်သိ ။

အဂတိတိုက်ဖျက်ရေးကော်မရှင်ပါ ၀င်ရောက်စစ်ဆေးစေချင်သလို အင်တိုက်အားတိုက်နဲ့ အမှန်တရားနောက်ကွယ်က ထီမထင်နဲ့မျက်နှာထားနဲ့ မင်းတို့အားလုံး ငပေါလေးတွေပါကွာလို့ ကြည့်နေမယ့် လူကို ဖော်ထုတ်ဖမ်းဆီးပေးကြပါ လို့တောင်းဆိုပါတယ် ။

ယခု ကြေငြာချက်ထုတ်သော ယာဉ်မောင်းတရားခံကို ပြည်သူသိအောင် တရားဝင် သတင်းစာရှင်းလင်းပွဲလုပ်ပေးဖို့ တောင်းဆိုပါတယ် ။

မသန့်ရှင်းသော လူ့အမှိုက်သရိုက်တွေကို လူ့အသိုင်းအ၀ိုင်းကနေဖယ်ထုတ်ပြီး အဂတိကင်းစင်သော ၊ တရားမျှတမှုရှိသော ဥပဒေစိုးမိုးရေးကိုဖော်ဆောင်ဖို့ အချိန်တန်ပါပြီ ။

 #JusticeForVictoria
#PromoteRuleOfLawInMyanmar
#StopChildSexAbuseInMyanmar

သက်တန့်ချို
4-July-2019


စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................