Monday, April 25, 2011

သေမင်းတမန်ခရီးကြမ်း (အပိုင်း ၇)

သေမင်းတမန်ခရီးကြမ်း (အပိုင်း ၇)




ကျွန်ုပ်တို့ဆီသို့ လျှောက်လာနေသော လူရိုင်းများ၏ မျက်နှာများမှာ မာထန်လျှက် ရှိပေ၏ ။ အ၀င်ဝ သို့ရောက်သော အခါ ကျွန်ုပ်တို့ဆီ ဦးတည်လျှက် ခြေဟန်လက်ဟန်ဖြင့် ပါးစပ်မှလည်း ၄င်းတို့ ဘာသာ စကားဖြင့် ပြောနေလေရာ ကျွန်ုပ်တို့မှာ လုံးဝ နားမလည်ပေ ။ (ဤနေရာမှစ၍ လူရိုင်းများ၏ စကားလုံးများအား စာဖတ် သူများနားလည်စေရန် အလို့ငှာ မြန်မာဘာသာဖြင့် ပြန်ဆိုဖော်ပြမည်ဖြစ်ပါသည် ။ )

“ အသင်တို့ဟာ ကျွန်ုပ်တို့ မနုဿ ကျွန်းဆီသို့ မဖိတ်ခေါ်ပဲရောက်လာတဲ့ သားကောင်တွေဖြစ်တယ် ။ အသင် တို့ကို နက်ဖြန်လပြည့်နေ့မွန်းတည့် ၁၂ နာရီတိတိ မှာ အသင်တို့ထဲက သားကောင်ငါးကောင်အား သတ်ဖြတ် ယစ်ဇ် ပူဇော် ပြီး ပင်လယ်စောင့်နတ်မင်းကြီးတွေကို ဆက်သရမှာဖြစ်တယ် အသင်တို့ဘာသာ လူရွေးထုတ် ထားပါ အခုမကြာခင် သင်တို့ကို ကျွန်ုပ်တို့အကြီးအကဲနဲ့ သားတော်သမီးတော်များ လာရောက်ကြည့် ရှုကြ မှာဖြစ်ပါတယ် ”

လူရိုင်းများကား ပြောဆိုပြီး နောက်သို့ ပြန်လှည့်သွားကြမည်ပြုရာ ရွာသူ မြတ်နေခြည် မှ

“ ခဏနေပါဦး အသင်လူရိုင်းတို့ ”

ဟု ပြောဆိုလိုက်ရာ လူရိုင်းများမှာ ၄င်းတို့ ဘာသာစကားအား နားလည်ပြန်ပြောနိုင်သဖြင့် အံအားသင့် သွားကြလေတော့သည် ။

“ ကျွန်ုပ်တို့ဟာ သင်တို့ ထင်သလို သားကောင်တွေ မဟုတ်သလို ပင်လယ်ပြင်မှာ မုန်တိုင်းကြောင့်လှေပျက်ပြီး ဒုက္ခရောက်ကြသူတွေဖြစ်တယ် သင်တို့ လူရိုင်းအကြီးအကဲတွေနဲ့ ဆွေးနွေးလိုပါတယ် ”

“ကောင်းပါပြီ ခဏနေရင်ရောက်လာကြတော့မှာပါ ”

လူရိုင်းများမှာ ကျွန်ုပ်တို့ အဖွဲ့အား စိမ်းစိမ်းကြီးကြည့်၍ ထွက်ခွာသွားလေသည် ။ ၄င်းတို့ ထွက်ခွာသွားပြီး မကြာခင် မှာပင် လူရိုင်းခေါင်းဆောင်ဟုထင်ရသော ဝေါစင်ပေါ်မှ လူရိုင်းအကြီးအကဲနှင့် ၄င်း၏ ဘေးမှ လူရိုင်းငယ် များပါ ကျွန်ုပ်တို့ ဆီ လျောက်လာနေသည်ကို တွေ့လိုက်ရလေသည် ။

“ သင်တုိ့ထဲမှာ ကျွန်ုပ်တို့စကားကို နားလည်တဲ့သူပါတယ်လို့ သိရတယ် ကျွန်ုပ်စကားပြောလိုတယ် ”

“ ကျွန်မ နားလည်ပါတယ် အသင်လူရိုင်းအကြီးအကဲ သင်နဲ့လည်းဆွေးနွေးလိုပါတယ် ”

“ ကောင်းပါပြီ သင်တို့ ကျွန်ုပ်တို့ ပိုင်နက်ထဲသို့ ကျူးကျော်လာပုံကို သိလိုပါတယ် ”

“ ဒီလိုပါ ကျွန်မတို့ တစ်ဖွဲ့လုံးဟာ မြန်မာနိုင်ငံရဲ့ ရွာကြီးတစ်ရွာမှာ နေထိုင်ကြတဲ့သူတွေပါ ။ ရွာမှာ ၀မ်းရော ဂါကပ်ကြီးကြောင့် ကျွန်မတို့ ရွာပြောင်းခဲ့ကြပါတယ် ။ ပင်လယ်ထဲမှာ လှေကြီးနဲ့ ခရီးဆက်နေတုန်း မုန်တိုင်း ဒါဏ်ကြောင့် အသင်တို့ ကျွန်းပေါ်လာရောက်သောင်တင်နေရခြင်းဖြစ်ပါတယ် ။ ကျွန်မတို့ တစ်ဖွဲ့လုံးဟာ သင်တို့ ရဲ့ သားကောင်တွေမဟုတ်သလို ရန်သူတွေလည်းမဟုတ်ကြပါဘူး ကျွန်မတို့ တစ်ဖွဲ့လုံးကို လွတ်မြောက် ခွင့်ပေးစေ လိုပါတယ် ”

“ ဟား ..ဟား...ဟား လုံးဝမဖြစ်နိုင်ပါဘူး အသင်တို့ မြဲမြဲမှတ်ထားဖို့က ကျွန်ုပ်တို့ဟာ ကမ္ဘာပေါ်မှာ ရှေးအကျဆုံး လူသားစား မျိုးနွယ်ဝင်တွေပဲ ဒီရွာမှာ ကျွန်ုပ်ရဲ့ သားသမီး ၃ ယောက် ကလွဲလို့ လူသားကို စတိဖြစ်ဖြစ် စားကြရ တယ် ။ သားသမီး ၃ ယောက်ကတော့ ငယ်ငယ်ကတည်းက အတင်းငြင်းဆန်ခဲ့လို့ ဒီအရွယ်ထိကြည့်နေရတာပဲ သူတို့ ကို လည်း တစ်ချိန်ရအောင်စားခိုင်းရမှာပဲ ကဲ သင်တို့ထဲက ငါးယောက်ကိုရွေးထားပါ နက်ဖြန် နေ့လည် ၁၂ နာရီ တိတိမှာ ယစ်ဇ်ပူဇော် ပြီးစားသောက်ရလိမ့်မယ် ”

လူရိုင်းခေါင်းဆောင်ကား ခက်ထန်ထန်ဖြင့် ပြောပြီး ပြန်လှည့်သွား လေပြီ ။ သွားပြီ... ကျွန်ုပ်တို့အဖွဲ့ ကား မျှော် လင့် ချက် ရေးရေးလေးမျှ မရှိတော့ပြီ ။

ထိုအခိုက် လူရိုင်းခေါင်းဆောင်၏ သမီး ၂ ယောက်နှင့်သားတစ်ယောက်တို့မှာ ကျန်လူရိုင်းများနောက်သို့ မလိုက် ပဲ ကျွန်ုပ်တို့ ရှိရာသို့ ပြန်လှည့်လာလေသည် ။

“ သင်တို့ဟာ လူကောင်းတွေပါ ကျွန်ုပ်တို့ ကျွန်းပေါ်ကို ရောက်ရှိလာတဲ့ဧည့်သည်တွေသာဖြစ်တယ် သင်တို့၏ အသက် ကို လည်း ဤကျွန်းပေါ်တွင် အချီးနှီးမကုန်ဆုံးစေလိုပါ ကျွန်ုပ်တို့ ၃ ယောက်တတ်နိုင်သမျှ ကူညီပါမယ် ”

“ ကျေးဇူးတင်ပါတယ် အသင်တို့ ၃ ယောက်ကို မိတ်ဆက်ပေးပါရစေ ဒါကျွန်ုပ်တို့ ရွာသူကြီးဖြစ်ပါတယ် ”

ကျွန်ုပ်လည်း လူရိုင်း ၃ ယောက်ဖက်သို့လှည့်၍ ပြုံးပြကား အသိအမှတ်ပြုရလေသည် ။ လူရိုင်းငယ် ၃ ယောက် မှလည်း ကျွန်ုပ်ကို ပြန်ပြုံးပြကြကာ

“ တွေ့ရတာဝမ်းသာပါတယ် အသင်သူကြီး ကျွန်ုပ်နာမည်မှာ WHITEDANGLE ဖြစ်၍ ကျွန်ုပ်ညီမနာမည်မှာ AKAYIWINNE ဖြစ်ပြီး မောင်ငယ်နာမည်မှာ ALINETHIT ဖြစ်ပါတယ် ကျွန်ုပ်တို့ ၃ ယောက်မှာ ငယ်ငယ်က တည်းက လူသားစားခြင်း ဓလေ့ကို မနှစ်သက်တဲ့အတွက် အမြဲပဲပုန်ကန်ခဲ့ပါတယ် ”

ဟုပြောကြားလေသည် ။ ၄င်းတို့နာမည်များမှာ အဆန်းအပြားများဖြစ်၍ ကျွန်ုပ်တို့လည်း အသက် ၃၀ ခန့် လူရိုင်းအမျိုးသမီး WHITEDANGLE အား White Angel ( အဖြူရောင်နတ်သမီး) ဟူ၍ လည်းကောင်း ၊ အသက် ၂၀ ၀န်းကျင် ခင်မယ်ဖွယ်ကောင်းသော AKAYIWINNE အား Akayi Win ( ဧကရီဝင်း ) ဟူ၍ လည်းကောင်း အသက် ၂၀ ၀န်းကျင် ချောမောသော လူရိုင်းငယ်ကလေး ALINETHIT အား Alin Thit ( အလင်းသစ်) ဟူ၍ လည်းကောင်း ကျွန်ုပ်တို့ ခေါ်ဝေါ်ကြလေသည် ။

“ ကျေးဇူးတင်ပါတယ် အဖြူရောင်နတ်သမီး ၊ ဧကရီဝင်းနဲ့ အလင်းသစ်ခင်ဗျား ရွာသားတွေကိုလည်း ဒီလိုနည်း နဲ့တော့ စတေးမခံနိုင်ပါဘူး ကျွန်ုပ်တို့အဖွဲ့သာ တိုက်ပြီး ဖောက်ထွက် ရင် အပစ်မဲ့တဲ့ ကျွန်ုပ်တို့ အဖွဲ့သားတွေရော သင်တုိ့ လူရိုင်းတွေပါ အနည်းနဲ့အများ ထိုခိုက်ကြမှာစိုးလို ဒီအချိန်ထိ ကျွန်ုပ်တို့ မှိန်းပြီးနေခဲ့ကြရပါတယ် သင်တို့ ၃ ယောက် ကူညီပေးနိုင်ပါက ကျွန်ုပ်တို့ အတိုင်းမသိ ၀မ်းသာရပါတယ် သင်တို့ ဘယ်လိုကူ ညီပေးနိုင်မ လဲဆိုတာသိပါရစေ”

“ ဒီည ၁၁ နာ၇ီတိတိမှာ ကျွန်ုပ်တို့ ၃ ယောက် အရောက်လာခဲ့ပါ့မယ် အသင်တို့အတွက် အစစအရာရာ ကူညီပေး ပါမယ် အသင်တို့ကို စောင့်သော အစောင့်များအားလည်း အိပ်ဆေးခပ်ရန် အလင်းသစ်မှ စီစဉ် ထားပြီးဖြစ်ပါတယ် အသင်တို့ သာ နိုးနိုးကြားကြားအိပ်ပါလေ ”

ဟု ပြောလေသည် ။

“ ကျေးဇူးတင်ပါတယ် အသင်တို့ဟာ လူပီသတဲ့ လူယဉ်ကျေး ၃ယောက်ဖြစ်ပါတယ် ကျွန်ုပ်တို့ ည ၁၁ နာရီ တိတိ စောင့်နေပါ့မယ် ” ကျွန်ုပ်က ပြောကြားလိုက်လေသည် ။ ( ဤတွင် တစ်ခုပြောလိုသည်မှာ ကျွန်ုပ်တို့၏ ဆက်သွယ်ရေးလွယ်ကူစေရန် ရွာသူ မြတ်နေခြည်မှ စကားပြန်လုပ်ပေးခြင်းဖြစ်သည် ။ )

ရင်တထိတ်ထိတ်နှင့် စောင့်ဆိုင်းရသည်မှာ အချိန်တွေက ကြာရှည်လွန်းသည်ဟုထင်ရ၏ ။ ညအချိန်ရောက် လာပြီဖြစ်သောကြောင့် အသံတို့က တဖြည်းဖြည်းတိတ်ဆိတ်လာ၏ ။ တချက်တချက် ကျွန်းပေါ် မှ အော်မြည်သော သတ္တ၀ါတို့အသံမှ လွဲ၍ လူသံများကိုသိပ်မကြားရတော့ပေ ။ ကျွန်ုပ်တို့ကား မကြာခင် စွန့်စားခန်းကြီး စတင်ရပေတော့မည် ။ အချိန်ကား ည ၁၀ နာရီခွဲခန့်ရှိမည်ဟု ခန့်မှန်းရ၏ ။ ကျွန်ုပ်တို့ အဖွဲ့ကား မျော်လင့်ချက်ရှိလာပြီဖြစ်သောကြောင့် လူတိုင်းမှာ အိပ်မငိုက်နိုင်ပဲ ရင်ခုန်စွာစောင့်ဆိုင်းေ နကြလေ သည် ။ ကျွန်ုပ်လည်းတောင်တွေးမြောက်တွေးနှင့် ဤပင်လယ်ကိုပြန်ဖြတ်ကူးရလျှင် ညံ သတ္တ၀ါကြီးများနှင့် ပြန်ရင်ဆိုင်ရမည်ကိုလည်း ရင်လေးမိပြန်သည် ။ မမျှော်မှန်းနိုင်သော အနာဂါတ်ကား ခပ်ရေးရေးမျှသာ ။ အလို... ကျွန်ုပ်တို့ရှိရာသို့ နှလုံးပြူးသေနတ်ကို ယူပြီး တရွှေ့ရွှေ့ ချဉ်းကပ်လာသူကား ဘယ်သူနည်း ။ ကျွန်ုပ်တို့ရွာ၏ အကြီးအကဲတစ်ဦးဖြစ်သော နတ်ဘီလူး ပင်ဖြစ်ပေတော့သည် ။ ဘီလူးကား ခြေသံကိုဖွဖွလေးနင်းကာ ကျွန်ုပ်တို့ ကို ကာရံထားသော ၀င်ပေါက် မှ ကြိုးများကို ဖြတ်နေလေသည် ။ ထိုအခိုက် ကျွန်ုပ်တို့ အားလုံး၏ နားထဲတွင် ရွာ၏ အချက်ပေးခေါင်းလံသံ “ ဒေါင်...ဒေါင်...ဒေါင် ” အား ကျယ်လောင်စွာ ကြားလိုက်ရလေတော့သတည်း ။

ဆက်ရန် ။

www.thettantvillage.com
သက်တန့်ချို


စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

2 comments:

  1. သူကြီးကတော့ လုပ်ပြီ...ကောင်းခန်းရောက်ပြီဆို ...ဆက်ရန်တဲ့... :)

    ReplyDelete
  2. မမရေ သူလဲဝဠ်လည်လိမ့်မယ်သိလား...အဟီးးး
    :P:P:P

    ReplyDelete