Saturday, August 27, 2011

ညီမလေးရေ...မိုးတွေသည်းနေတယ်

ညီမလေးရေ...မိုးတွေသည်းနေတယ်





(၁)

ညီမလေးရေ...
မိုးတွေသည်းနေတယ်...
ကောင်းကင်ကြီးမှာ...သက်တန့်ရောင်စဉ်တွေပေါ်ထွန်းတိုင်း
ပျော်နေတတ်တဲ့..ညီမလေး..
ခပ်ရေးရေးပုံဖော်မိတဲ့အတွေးထဲ..
နွေးနွေးထွေးထွေးမှရှိရဲ့လား ..

(၂)

ညီမလေးရေ...
ဘ၀ဆိုတာ..ဆုတောင်းယုံတစ်ခုတည်းနဲ့
လင်းကနဲ ရှင်းကနဲ မြင့်မားလာတတ်တဲ့
ခပ်ပေါပေါအရာတစ်ခုမဟုတ်ခဲ့ဘူး
ရိုးသားပါမှ ... ကြိုးစားပါမှ
တို့ ဘ၀တွေ..တိုးပွားလာရမယ်

(၃)

တချို့တွေကရိုင်းတယ်
ကောက်ကျစ်တဲ့ မာယာမျက်နှာဖုံးတွေနဲ့
အပြုံးချိုချိုတွေ ကိုယ်စီချိတ်ဆွဲလို့
သိုးတွေလို ဖြူစင်နေပြတယ်
ငါ့... ညီမလေးရေ
ခေတ်..စနစ်တွေ ဘယ်လိုပဲပြောင်းပြောင်း
ကိုယ့်ဘ၀ကိုယ် မမေ့ဖို့ပဲလိုတယ်

(၄)

လှိုင်းဘယ်လောက်ကြီးကြီး...လှေအောက်ရောက်စမြဲ
ဇွဲကြီးသူတို့ဟာ အောင်ပွဲခံစမြဲတဲ့
ဆင်းရဲ...ချမ်းသာ..ဒီနှစ်ဖြာကြား
ဗျာများမနေစေနဲ့
တချိန်... တို့အားလုံးရဲ့ မရဏ ပန်းတိုင်မှာ
ဘယ်လိုမှတ်တမ်းမျိုးကို ရေးထွင်းချင်ခဲ့သလဲ
ဘယ်လိုမှတ်တိုင်မျိုးကို စိုက်ထူချင်ခဲ့သလဲ
ခပ်ရဲရဲသာတွေးဖို့လိုတယ်

(၅)

ညီမလေးရေ...
အချစ်ဆိုတာကိုလည်း အလွယ်မယုံနဲ့
အလွယ်ယုံလို့...ပုံမှားမိသူတွေ
ပြောင်းလဲတတ်တဲ့ ၁၅၀၀ သဘောတရားမှာ
ညီမလေးတစ်ယောက်...အလိုက်သင့်မှ စီးမျောနိုင်ရဲ့လား
ရင်ခုန်ခြင်းကို ဘ၀ဆိုတဲ့ အသိနဲ့ ထိမ်းချုပ်လို့
အချစ်နဲ့ ဦးနှောက်ကို ညီမျှခြင်းချ
အတည်တကျ..ချစ်ခြင်းနဲ့သာ ဆုံဆည်းရစေ

(၆)

ညီမလေးရေ....
စိတ်ပျက်ဝမ်းနည်းမှုတွေကြုံတိုင်း
ကောင်းကင်ကြီးကိုမော့ကြည့်လှဲ့
ဟိုးမှာ..ဖြာလင်းနေတဲ့ သက်တန့်ရောင်စဉ်တွေ
ဘယ်တော့မှ အရှုံးမပေးဘူး
ဘယ်တော့မှ ဒူးမထောက်ဘူး
ဘယ်တော့မှ.......
ဘယ်တော့မှ........
တို့ဘ၀တွေကို အရှုံးမပေးဘူး

(၇)

ခပ်လွယ်လွယ်နဲ့တော့
အဖိုးတန်မျက်ရည်တွေကို မကျမိစေနဲ့
ဘ၀တိုင်းမှာ စုတ်ချက်ဒါဏ်ရာတွေဆိုတာရှိတယ်
ပိုက်ဆံ .. ဂုဏ် .. ဓန နဲ့ ဒီဖျားယောင်းမှုတွေက
လူတွေရဲ့ စိတ်ဓါတ်ကိုသေးသိမ်စေတယ်
ဘ၀ဆိုတာကိုက..သတိတစ်ချက်လွတ်တာနဲ့
ဟိုး...ချောက်နက်ထဲ...ကျဆင်းသွားတတ်တယ်

(၈)

ညီမလေးရေ
ပန်းကလေးတွေပွင့်ဖူးတိုင်း
ပျားပိတုန်းတွေ ရစ်ဝဲလေ့ရှိတယ်
အိမ်ထောင်ပြုခြင်းဆိုတာ
လွတ်လပ်ခြင်းတစ်ဝက်ဆုံးရှုံးပြီး
တာဝန် နှစ်ဆ ပိုယူရတဲ့
လူနှစ်ဦးပေါင်းစပ်ခြင်းဖြစ်တယ်
ခပ်လွယ်လွယ်လေးမတွေးနဲ့
ဒါဟာ..ဘ၀ရဲ့အစသာဖြစ်တယ်

(၉)

မွန်းကြပ်မှုတွေကြုံလာတိုင်း
လရောင်အောက်ကို ထွက်လာလှဲ့
ကြယ်လေးတွေသီချင်းဆိုလို့
လမင်းဟာ အမြဲပြုံးတယ်..
ဓမ္မ နဲ့ အဓမ္မ ကို အတူယှဉ်တွဲ
အမှန်တရားကို သိအောင်ကြံ
တကယ့်ရန်သူက လောဘ
မော ဟ နဲ့ မာန်မာနကိုပယ်
စကားကိုလည်းမလွယ်နဲ့
တရားကိုလည်းမပယ်နဲ့
ဒုက္ခနဲ့ သုခကို ညီအောင်ညှိလို့
ငါ့...ညီမလေး ငြိမ်းချမ်းပါစေ

(၁၀)

တသွင်သွင်စီးဆင်းနေတဲ့ စမ်းရေတွေကြား
ရေလှိုင်းသံလေးတွေ တေးသီဆိုနေကြတယ်
အခက်အခဲဆိုတာကို ပျက်ရယ်ပြုလို့
ညီမလေးတစ်ယောက် အေးချမ်းပါစေ
ဘ၀အမောတွေ ကိုမျက်ကွယ်ပြုလို့
ညီမလေးတစ်ယောက် ချမ်းမြေ့ပါစေ
အလှတရားတွေ ပေါကြွယ်ဝလို့
ညီမလေးတစ်ယောက် လင်းလက်ပါစေ ...

သက်တန့်ချို
27 August 2011

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

6 comments:

  1. သက်တန့်ရေ.
    ညီမလေးဖတ်ဖို့ ကို ဖတ်တိုင်း လွမ်းလွမ်းမောမောကြီး ဖြစ်ရတယ်။
    ခင်မင်လျက်
    သဒ္ဓါ

    ReplyDelete
  2. ညီမလေးကဗျာကိုမမကြိးလဲခံစားအားပေးသွားပါတယ်..... :))

    ReplyDelete
  3. တာလေးငယ်September 18, 2011 at 8:13 PM

    ညီမတစ်ယောက်လိုပါ ချစ်ခင်မြတ်နိုးပေးတဲ့အတွက် ကျေးဇူးပါမောင်

    ReplyDelete
  4. ကိုသက်တန့်ချို

    ညီမလေးဖတ်ဖို့ စာများကိုေ၇းပေးတဲ့အတွက်ကျေးဇူးတင်ပါတယ်
    ဆက်လက်ပြီးေ၇းသားပေးဖို့ တောင်းဆိုပါတယ်..
    အစဉ်အားပေးနေတဲ့ ညီမလေး

    ReplyDelete
  5. ညီမလေးအရွယ် မဟုတ်တော့ပေမဲ့ ဖတ်သွားပါတယ်။
    တော်တော်ကောင်းတယ်။

    ReplyDelete
    Replies
    1. ညီမလေး ဖတ်ဖို့ ကို ဆက်ပါဦး ကိုသက်တန့်ရယ်
      ရပ်ထားတာ ကြာပေါ့။

      Delete