အချစ်နှင့် သူ၏အကြောင်း ( ၁ )

အချစ်နှင့် သူ၏အကြောင်း

(၁)

တစ်ခါတုန်းကပေါ့... ။ အဲဒီတုန်းက မှတ်မှတ်ရရ ခြောက်တန်းကျောင်းသား အရွယ်လေး ။ သူများ တွေအပြောတော့ သစ်ရွက်လှုပ်တာတောင် ရင်ခုန်တတ်တဲ့အရွယ်ဆိုပဲ ။ ရင်ခုန်မခုန် တော့ မသိဘူး ။ ကျွန်တော်ကတော့ အဲဒီအရွယ်တုန်းက အရာအားလုံးကို အတော်စူး စမ်းချင်နေတယ် ။ လွန်ခဲ့တဲ့ တစ်နှစ်လောက်တုန်းကလို ဂေါ်လီရိုက် ၊ စိန်ပြေး တမ်း ကစားရမယ့်အရွယ် မဟုတ်တော့ဘူးလို့လည်း ကိုယ့်ကိုယ်ကို သတ်မှတ် လိုက် တယ် ။ ခြောက်တန်းကျောင်းသားကြီး ဖြစ်ပြီကွ ဆိုပြီး လူက အရင်လို ဖြစ်သလို မနေတော့ဘူး ။ ပေါင်းတာတောင် ကိုယ့်ထက် အသက်ကြီးတဲ့ ကိုးတန်း ဆယ်တန်း ကျောင်းသားကြီးတွေနဲ့ ပေါင်းလာတယ်း) ။ လဖ္ဘက်ရည်ဆိုင်လေးထိုင်ပြီး ရှေ့ကဖြတ် သွားတဲ့ ကောင်မလေးတွေကို ကြည့်ရင်း ရင်ခုန်စပြုတဲ့အရွယ်ပေါ့ ။ ဇော် ၂ ဇော်ကလည်း ရှိနေတော့ ခြောက်တန်းလောက်နဲ့ လူကြီးပုံစံ ဖြစ်နေတာ သိပ်တော့ မဆန်းလှပါဘူး ။

တစ်နေ့တော့ ကျွန်တော်နဲ့ ကျောင်းနေဖက်သူငယ်ချင်း ကျော်ထူးနဲ့ တင့်ဆွေတို့ ရောက်လာ ကြပါတယ် ။ ဂေါ်လီရိုက်ဖို့တဲ့ ။ ကျွန်တော်က ခါးခါးသီးသီးငြင်းလိုက်တယ် ။ ဟုတ်တယ်လေ .. ဂေါ်လီရိုက်ရမယ့် အရွယ်မဟုတ်တော့ဘူးလို့ ကိုယ့်ကိုယ်ကို ခံယူထား တာကိုး ။ ဒါနဲ့ ကျွန်တော့်ရဲ့ သွေးဆောင်မှုကြောင့် ဟိုနှစ်ကောင် မလိုက်ချင်လိုက်ချင်နဲ့ လဖ္ဘက်ရည်ဆိုင်ကို ပါလာပါတယ် ။ ဟိုရောက်တော့ ကျွန်တော်က အချစ်ရဲ့ ဒဿနတွေ စတင်ပြီးဟောပြောပါတယ် ။ အချစ်ဆိုတာ.. ရင်ခုန်သံလေး တစ်ချက် ဘာညာပေါ့ ။ သကောင့်သား နှစ်ကောင်ကတော့ ဘယ်အချိန်ထဲက ကိုယ့်ကို အမြင်ကတ်နေသလဲ မသိပေါင် ။ ကျွန်တော့်အတွက် မဟာ အရေးတော်ပုံကြီးတစ်ခုနဲ့ ဒီကောင်တွေက စိန်ခေါ်တယ် ။

“ ဟေ့ကောင်.. မင်းကအချစ်အကြောင်းတွေဘာတွေ ဆိုတော့ မင်းက တကယ် သတ္တိရှိလို့လား ”

“ ရှိတာပေါ့ကွ မင်းမယုံရင်စမ်းမလား ”

ဟုတ်တယ်လေ.. လူကအဲဒီအချိန်တုန်းက ကြွနေတာကိုး ။ သတ္တိသွေးကို ပြောပါတယ် ။

“ ကဲဒါဆို မင်း ဆယ်တန်းက မနွေးနွေးကို ရည်းစားစကားလိုက်ပြောရဲလား ”

ကျွန်တော်နဲနဲတော့ တွေဝေသွားတယ် ။ မနွေးနွေး ဆိုတာက ကျွန်တော်တို့ ကျောင်း တော်ကြီးရဲ့ အလှဘုရင်မ ။ ကြိုက်တဲ့ကျောင်းသားတွေက တန်းလုံးကျွတ် ။ မာနကလည်း ကြီးသလား မပြောနဲ့ ။ ကျွန်တော်နဲ့ကတော့ လမ်းမှာတွေ့ရင် မျက်မှန်းတမ်းမိယုံပါပဲ ။

“ လိုက်ပြောရဲတယ်ကွာ ဘာကြေးလောင်းမလဲပြော ”

“ လဖ္ဘက်ရည် တစ်ဝိုင်းကြေး ”

“ အိုကေ ”

အိမ်ပြန်ရာလမ်းတလျောက် ရင်ဘတ်ထဲက တဒိန်းဒိန်း နဲ့ကို မြည်လို့ ။

နောက်တစ်နေ့ ကျောင်းလွှတ်ချိန်ကို ရောက်တော့ ကျောင်းရှေ့ကို စောစော ရောက် အောင်သွားပြီး မနွေးနွေး ကို စောင့်နေလိုက်ပါတယ် ။ စောင့်နေရတဲ့ စက္ကန့်တိုင်း စက္ကန့်တိုင်း က သေမိန့်ကိုစောင့်နေရတဲ့ အကျဉ်းသားလိုပါပဲ ။ ရင်ထဲမှာ တထိတ်ထိတ်နဲ့ပေါ့ ။ ရင်ခုန်တာလား ဘာလားတော့ မသိပါဘူး ။ လူက မောသ လိုလို တောင် ဖြစ်လာပါတယ် ။ ဟော... လာပါပြီ ။ ကျောင်းတော်ကြီးရဲ့ နှင်းဆီခိုင် “ မနွေးနွေး ” ။ ဘယ်သူ့ကိုမှ ဂရုမစိုက်တဲ့ ပုံနဲ့ ကြွကြွရွရွလေး လှမ်းလာပါတယ် ။ ကျွန်တော့်ရှေ့က ဖြတ်လျောက်သွားတော့ တစ်ချက်လှမ်းကြည့်ပါတယ် ။ ပြီးတော့ ဘာမှ မထူးသလိုနဲ့ ဆက် လျောက်သွားပါတယ် ။ ဟုတ်တယ်လေ .. ဘာမှထူးစရာမှ မရှိတာကိုး ။ ဒါနဲ့ ကျွန်တော်လည်း အရဲစွန့်ပြီး သူ့နောက်က လိုက်သွားမိတယ် ။ နောက် မှီလုမှီခင် ရောက်တော့ ကျွန်တော်လှမ်းခေါ်လိုက်တယ် ။

“ မ...မ..နွေး..နွေး ”

“ ဘာတုန်း ”

ရုတ်တရက် ကျွန်တော့ကို လှည့်ပြီးမေးလိုက်တော့ ကျွန်တော်လည်း ကြောင်ပြီး ရပ်သွားတယ် ။

“ ဟဲ့ကောင်လေး ပြောလေ ငါ့ကိုခေါ်ပြီး ဘာပြောမလို့တုန်း ”

“ ဟို...ဟို.... ကျွန်တော့်ကို ချစ်လား ”

မနွေးနွေးက ကျွန်တော့ကို မမြင်ဖူးသလို ပြူးပြီး ကြည့်နေတယ် ။ မျက်လုံးကို ပြောတာ နော် ။ နောက်တော့

“ ချစ်တာပေါ့ဟဲ့ ဒါပဲလား ကဲငါသွားပြီနော်.. ဗိုက်ဆာနေပြီ ”

ဆိုပြီး ဆက်လျောက်သွားပါတယ် ။ ကျွန်တော်ကတော့ ရင်ထဲမှာ ဖိုးသိုးဖတ်သပ်နဲ့ ကျောက် ရုပ်ကြီးလို ငေးပြီး ကျန်ခဲ့တယ် ။ ရင်ထဲမှာ ပျော်သလိုလို ထခုန်ချင် သလိုလိုနဲ့ ဘယ်လိုကြီးမှန်းကို မသိဘူး ။ တစ်ခုခု လွဲနေတယ်လို့လည်း စိတ်ထဲမှာ ခံစားမိလိုက်တယ် ။ ဘာပဲဖြစ်ဖြစ် ညနေမှာတော့ လဖ္ဘက်ရည် တစ်ဝိုင်းစာ အနိုင်ရလိုက်ပါတယ် ။ အကုန်လုံးကလည်း မှတ်ချက်ချပါတယ် ။ “ ဒီကောင် ဇ ရှိတယ် ” တဲ့ ။

အဲဒီလိုနဲ့ ပထမဆုံး အကြိမ် ရည်းစားစကားလိုလို ဘာလိုလို လိုက်ပြောပြီး တဲ့နောက် သုံးရက်မြောက်နေ့မှာပေါ့.... ။ ကျွန်တော်နဲ့ မနွေးနွေးနဲ့ ထပ်တွေ့ပါတယ် ။ မနွေးနွေးက

“ ကောင်လေး .. အစ်မ ကဗျာစာအုပ်လေး အားပေးဦး တစ်အုပ်မှ ရှစ်ရာထဲ ၀ယ်မယ်မဟုတ်လား ”

“ ဗျာ...ဟုတ်... ဟုတ်ကဲ့”

“ အောင်မယ်.. ချစ်လားလို့ မေးတုန်းကမေးပြီး ကဗျာစာအုပ်တောင် မ၀ယ်ချင်ဘူးလား ဟွန်း ”

“ မ..မဟုတ်ပါဘူး ၀ယ်မှာပါ အစ်မနွေး ”

“ အယ်.. ငါ့ကို အစ်မကြီးတပ်မခေါ်စမ်းပါနဲ့ မနွေးလို့ပဲ ခေါ် ရော့...ရော့ ”

ဆိုပြီး ကဗျာစာအုပ်ရောင်းပါတယ် ။ တစ်ညလုံး အဲဒီကဗျာစာအုပ်လေးကို အလွတ်ရတဲ့ အထိ ထိုင်ဖတ်နေမိတယ် ။ နားလည်သလိုလို နားမလည်သလိုလိုနဲ့ ။ နောက်နှစ်ရက် မြောက်နေ့ရဲ့ မနက်ခင်း တစ်ခုမှာ သတင်းတစ်ခုက စောင့်ကြိုနေပါတယ် ။ “ မနွေး နွေး ယောင်္ကျားနောက်လိုက်သွားပြီ ” တဲ့ ။ “ ဟင် ” ကျွန်တော်လည်း အံ့သြသွားတယ် ။ မြန်လှချည်လားပေါ့ ။ စိတ်ထဲမှာ ၀မ်းနည်းသလိုလို စိတ်ဆိုးသလိုလို နှမြောသလိုလို တစ်မျိုးကြီးပဲ ။ ပထမဆုံးအကြိမ် ဘာမှန်းမသိလိုက်ရပဲ အသဲကွဲသွားခြင်းပါပဲ ။ လူက မလှုပ်ချင် မကိုင်ချင်နဲ့ ခေါင်းငိုက်စိုက်နဲ့ ပြန်လာတုန်း ကောင်မလေး တစ်ယောက်က ဘေး တစောင်းဝင်တိုက်သွားပါတယ် ။ “ ဆောရီးနော်” လှည့်ပြောလိုက်တဲ့ အသံချို လွင်လွင် လေး.... ။ တစ်ထိုင်တည်းပဲ မှတ်ချက်ချလိုက်တယ် ။ “ အတော့်ကို လှတဲ့ ကောင်မ လေးပဲ ” လို့ ။း)

ဆက်လက်ရေးသားပါဦးမည် ။

စာရေးသူ.......သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................