Tuesday, May 11, 2010

အရောင်မဲ့ မြစ်တစ်စင်း



အရောင်မဲ့ မြစ်တစ်စင်း

အမေ....
ရင်ခွင်ကြားမှာ...
ပျိုးပြက်လင်းလက်နေတဲ့
သားအတွက် အနာဂါတ်တွေ
ကြယ်တွေရောင်စုံနဲ့
အမေက...ကျွန်တော့်အတွက်
လမင်းတစ်စင်းပါ....

အမေရယ်...
ဘ၀ခါးသက်သက်ကို
ပခုံးမှာထမ်းတင်လို့
သားအတွက်ဆို...
' တောင် ' ဖြိုဝံ့တဲ့အမေ..
လောကဒါဏ်ရဲ့ ရိုက်ပုတ်မှုကြောင့်
' ခါး ' လည်းချိနေရောပေါ့...

မှတ်မိသေးတယ်အမေ....
နှင်းတွေဝေတဲ့
ဆောင်းဦးပေါက်မနက်ခင်းတိုင်း
အမေ..မချမ်းနိုင်ရှာခဲ့ဘူး....
အဖြူအစိမ်း...ကျောင်းဝတ်စုံနဲ့
သားငယ်ရဲ့ အသွင်သဏ္ဍာန်ဟာ
အမေ့အတွက် ' အား ' ဖြစ်သတဲ့လားအမေ...

အမေရယ်...
ကျွန်တော်ကသိုးမဲတစ်ကောင်ပါ
ကြမ်းကြုတ်တဲ့ဝံပုလွေတွေကြား
' ရှင်သန်နေထိုင်မှု ' ဆိုတဲ့အရာကို
အမေက ပြသပေးခဲ့တယ်..
အမေ....
ဝကြ၀ဋ္ဌာက အနန္တတဲ့လား...
ကျွန်တော့်အတွက်တော့...
အမေဆိုတဲ့ ....နာမတစ်ခုက
အနန္တပါ......အမေ...

သားကိုထိရင်
မီးပွင့်မတတ်အမေ
ဆံဖြူတွေတောင်ပွင့်ပါရောလား....
လှလိုက်တာအမေ
ရင့်ကျက်မှုတွေနဲ့
အမေ့ရဲ့ မေတ္တာရေစီးသံတွေ
ကျွန်တော်အတိုင်းသား ကြားနေရတယ်...

ပြိုင်ဆိုင်မှုပြင်းထန်တဲ့လောက...
သားအတွက် မျက်နှာမငယ်စေဖို့
အမေရရှိခဲ့တဲ့ ပူပန်သောကတွေ
ကျွန်တော်မသိခဲ့ဘူးအမေ...
' မိဘ ' ရဲ့ အဓိပ္ပါယ်...
အမေ့ရဲ့ နက်ရှိုင်းမှု....
ကျွန်တော် လိုက်မမှီခဲ့ဘူး....

' သားငယ်...မင်းငိုရင်
အမေ့ရင်မှာ မချိဘူး ' တဲ့....
အမေငိုရင်ကော....
ကျွန်တော့်ရင်မှာ လှိုင်းထန်တယ်အမေ....
အေးချမ်းတဲ့ညနေတိုင်း
အမေ့ရဲ့ ဆုတောင်းသံ
" သားငယ်ဘေးရန်ကင်းပါစေ ...."
ကျွန်တော်ကြားယောင်ဆဲပါ....
အနေဝေးပေမယ့်
သွေးမအေးခဲ့ဘူးအမေ...
အမေ့ရဲ့ မေတ္တာတွေကြောင့်
ကျွန်တော်အေးချမ်းလျှက်ပါအမေ....

သက်တန့်ချို
11 May 2010

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

6 comments:

  1. ကိုသက်တန့်ရေ.. ဘာပြောရမှန်းတောင်မသိတော့ပါဘူး.. သုံးထားတဲ့ စကားလုံးလေးတွေ အရမ်းလှပါတယ်.. အမေဆိုတဲ့ နာမ က အနန္တပါဆိုတဲ့ နေရာလေး အရမ်းကြိုက်ပါတယ်...း)

    ReplyDelete
  2. အမေနဲ့ ပက်သက်တဲ့ ကဗျာတွေဖတ်မိရင် ရင်ထဲ လွမ်းလာပြီး အမေ့ကိုလွမ်းတယ် ။

    ReplyDelete
  3. အရောင်မဲ့မြစ်တစ်စင်ထဲ...ရေသောက်ဆင်းတဲ့ သက်တန့်လေးဖြစ်ပါစေ....။

    ခင်မင်စွာဖြင့်
    မိုးငွေ့

    ReplyDelete
  4. ကိုသက်တန့် ကျွန်တော်ဒီကဗျာကိုလာဖတ်သွားတယ်
    အရမ်းကောင်းတယ် မျက်ရည်ဝဲတယ်

    ReplyDelete
  5. အနေဝေးပေမယ့်
    သွေးမအေးခဲ့ဘူးအမေ...
    အမေ့ရဲ့ မေတ္တာတွေကြောင့်
    ကျွန်တော်အေးချမ်းလျှက်ပါအမေ....

    သိပ်မှန်တယ်နော်.... အနေဝေးပြီး သွေးအေးတဲ့ ဆက်ဆံရေးမှာ မိဘနဲ့ သားသမီးလုံးဝမပါဘူးနော်.... စာသားအားလုံးကြိုက်ပါတယ်..... သူငယ်ချင်းရေ အရမ်းကောင်းတယ်....

    ၀ကြ၀ဋ္ဌာက အနန္တတဲ့လား...
    စာလုံးပေါင်း မှားနေလားလို့ သေချာတော့မသိဘူး စကြဝဠ လို့ထင်တယ်... မသေချာဘူး .. စစ်ကြည့်လိုက်နော်... ဘာပဲပြောပြောကောင်းပါတယ်... ဘာကိုရည်ညွှန်းတယ်ဆိုတာတော့ အားလုံးသိပါတယ်...:D

    ReplyDelete
  6. ကိုသက်တန့်ရေ ကဗျာကတအားကိုကောင်းလွန်းပါတယ်ဗျာ ကြိုက်လို့ခဏခဏတောင် ဖတ်ဖြစ်တယ် ။ ဆက်လက်အားပေးနေပါတယ် ဒီထက်အများကြီးအောင်မြင်တိုးတက်ပါစေဗျာ။

    ReplyDelete