ကြောက်လိုက်ပါဘိ.....အိုတစ္ဆေ ( အပိုင်း ၂ )

ကြောက်လိုက်ပါဘိ.....အိုတစ္ဆေ ( အပိုင်း ၂ )

ထိုမြင်ကွင်းကို ကြည့်ပြီး ငါးယောက်သား ပြိုင်တူ ကြက်သီးထမိသွား၏ ။ နွားသေကောင်ကြီးက သတ္တ၀ါ တစ်ကောင်ကောင် ကဗိုက်ကို ကိုက်၍ ဖောက်ထားသည့်နှယ် ။ ကျနော်တို့လည်း မြင်ကွင်းကို ဆက်မ ကြည့်ရဲတော့ပဲ ဓါတ်မီးကို အမြန်ကောက်၍ အိမ်ကြီးဆီသို့ ဆက်လက်ချီတက်ခဲ့ကြသည် ။ တခါတရံ ညဉ့်ငှက် တစ်ကောင် စူးစူးဝါးဝါး ထအော်သံ ကြောင့် ကြောက်စိတ်ကို ပို၍ အားပေးနေယောင်ပင် ။ အိမ်ကြီးဆီသို့ ရောက်ခါနီး လေ အနံ့များက ပို၍ ဆိုးလာလေပင်ဖြစ်၏ ။

(ဟေ့ကောင်ချိုကြီး ငါတို့ဒီထဲမ၀င်ပဲ ပြန်တက်ရအောင်ကွာ လုပ်ပါ ငါကြောက်နေပြီကွ )
( အာ..မင်းကလည်း ရောက်ပဲရောက်နေပြီ ငါးယောက်တောင်ကွာ ဘာမှမဖြစ်ပါဘူး ငါတို့ လက်နက် တစ်ခု ခုတော့ ရှာသွားရအောင် လိုလိုပိုပိုပေါ့ )

ဟု ဆိုပြီး အနေတော် တုတ်ချောင်းများကိုလိုက်ရှာကြလေသည် ။ ကျနော်ကတော့ ၃ ပေလောက်ရှိမည့် ၀ါးရင်းတုတ်တစ်ချောင်းကို ဆောင်ထားလိုက်သည် ။ အချို့ကလည်း ကျောက်ခဲ ၊ အချို့ကလည်း သစ်ကိုင်း စသဖြင့် ကိုယ့်ကြိုက်ရာ ကိုင်ဆောင်ထားကြတော့သည် ။

အိမ်ကြီးထဲသို့ စ၍ ၀င်ပါပြီ ။ တကြွီကြွီ မြည်သွားသော အသံကြောင့် လူမနေသည်မှာ ကြာပြီဖြစ်မှန်း ခန့်မှန်း၍ ရသည် ။ လူသုံးယောက် မနဲတွန်းဖွင့်ပါမှ တံခါးမကြီးက မပွင့်ချင်ပွင့်ချင်နှင့် ပွင့်သွားလေ၏ ။ ဓါတ်မီးနှင့်လျောက်ထိုးကြည့်တော့ နေရာတိုင်းမှာ ပင့်ကူမျှင်တွေနှင့် ပရိဘောဂအဟောင်းတွေသာရှိလေသည် ။ ဘေးပတ်ပတ်လည်ကို ကြည့်မိတော့ ပိတ်ထားသော အခန်းပေါင်း ၆ ခု နှင့် ပေါ်ထပ်သို့တက်သွားသော ကြောင်လိမ်လှေကား တစ်ခုကိုတွေ့ရ၏ ။ ရှေ့ဝင်ပေါက်တည့်တည့်မှာတော့ သတ္တ၀ါ မျိုးစုံ၏ အရိုးခေါင်းများကို အစီအရီချိတ်ဆွဲထား၏ ။ ငါးယောက်လုံး ပြိုင်တူရပ်ကာ အခြေအနေကို အကဲခတ်မိ၏ ။ ထူးခြားမှုမရှိသောအခါမှ ရှေ့သို့ ဆက်ပြီးလှမ်းလာခဲ့သည် ။ ထိုအခိုက် အရိပ်လိုလိုအရာတစ်ခုကို လှေကားထပ်မှာ တွေ့လိုက်ရ၍ ကြည့်လိုက်ကြရာ လှစ်ကနဲပျောက်သွားပြန်သည် ။ အလိုလိုကျောချမ်းသွားမိ၏ ။

ရှေ့သို့ အနည်းငယ်ခြေလှမ်းမိသောအခါမှ စောစောက ဖုန်တွေကပ်နေ၍ သေချာမကြည့်မိလိုက်သောအရာမှာ ပန်းချီကား တစ်ချပ်ဖြစ်နေသည် ။ ထိုပန်းချီကားမှာ နေ၀င်ချိန်တွင် အမဲသတ်သမားတို့က နွားတစ်ကောင်အား ဇာတ်မှပိုင်း၍ ခုတ်သတ်နေပုံကို ဆီဆေးဖြင့်ရေးဆွဲထားခြင်းပင်ဖြစ်သည်။ လက်ရာမြောက်လွန်း၍ ထိုအထဲမှ အမဲသတ်သမား၏ မျက်ဝန်းများမှာ တကယ်ပင် အသက်ဝင်နေသလားဟုပင်ထင်နေမိ၏ ။ ထိုပန်းချီကားကြီး၏ ဘေးမှာ တော့ သော့တွဲကြီး တစ်ခုကိုတွေ့ရလေသည် ။ ကျနော်လည်း သော့တွဲကို သွား၍ ဖြုတ်ယူလိုက်သည် ။ ပန်းချီကားထဲမှလူကြီးက ကျနော့ကို ကြည့်နေသယောင်ပင် ။ ကျောချမ်းချမ်းနှင့် သော့တွဲယူပြီးသည်နှင့် ဘေးဖက်တွေကို လျောက်ပြီး လေ့လာကြည့်မိသည် ။ အခန်းတိုင်းက ရှေးကိုလိုနီခေတ်တုန်းက ပုံသဏ္ဍာန်ဖွဲ့စည်းထားသည် ။

သော့တွဲတွေမှာလည်း သူ့နံပါတ်အလိုက်ရေးထားသည် ။ သော့တံပေါင်း ၄၄ တံတိတိရှိသည် ။ ထို့ကြောင့် အခန်းပေါင်း၄၄ ခန်းလောက်ရှိမည်ဟု ခန့်မှန်းရသည် ။ ထိုခန့်မှန်းချက်သည် နောင်အခါမှ မှားယွင်းခဲ့မှန်းသိလာခဲ့သည် ။ ကဲ ... အခန်းနံပါတ် ၁ ကနေစ၀င်ကြရအောင် ။ ကျနော်ကပြောပြောဆိုဆို ပန်းချီကားကို အမှတ်တမဲ့ပြန်ကြည့်လိုက်ရာ ကျောချမ်းသွားလေသည် ။ ကျနော်စောစောကကြည့်ခဲ့သော နွားသတ်သမား၏ နောက်တွင် ဘာမှမရှိ ။ အခုတော့ လူတစ်ယောက်ပုံစံရောက်နေခြင်းပင် ။ ကျနော်လည်း ဟိုကောင်တွေကြောက်လန့်မည်စိုးသဖြင့် ဘာမှမပြောတော့ပဲအခန်း၁ ထဲသို့စ၍ ၀င်လာခဲ့တော့သည် ။

(ကျွီ......ကျီ... )
(ဖလပ်....ဖလပ်...ဖလပ်....)

ဆီမ၇ှိသဖြင့် တံခါးက ခြောက်ခြားစရာ အသံဖြင့် တဖြည်းဖြည်းပွင့်လာလေသည် ။ လင်းနို့ငှက် တွေထပျံသွားသဖြင့် အကုန်လုံး မျက်နှာတွေ အုပ်လိုက်ကြရသည် ။ အခန်းထဲကိုကြည့်မိတော့ ကုတင်တလုံးနှင့် ဆေးလိပ်ပြာခွက်တစ်ခု ဗီဒိုအဟောင်းတစ်လုံးကို တွေ့ရလေသည် ။ ပုပ်စော်ကတော့နံနေတုန်းပင် ။ ထိုအခိုက် အခန်းထဲမှ ဗီဒိုထဲမှ တံခါးတချပ်က တ၀က်တိတိပွင့်သွားလေသည် ။ ကျနော်လည်း သိချင်စောနှင့် တံခါးကို သွား၍ ဆွဲဖွင့်လိုက်ရာ အထဲမှ သွေးသံရဲရဲနှင့် ယုန်ကလေးတစ်ကောင်ထွက်ကျလာသည် ။ ယုန်ကလေးက က တစ်ကိုယ်လုံး ဒါဏ်ရာတွေနှင့် သွေးအ လိမ်းလိမ်းနှင့် သနာစဖွယ် သေဆုံးနေပြီ ။ ကျနော်လည်း ယုန်ကလေးကို ကိုင်ကြည့်ရာ ပူပူနွေးနွေးပင်ရှိသေးသည် ။

(ဟင် ယုန်ကနွေးနေသေးတယ်ကွ..ဒါဆိုသေတာမကြာသေးဘူး ထင်တယ် )

ပြောပြောဆိုဆို ဟိုကောင်တွေကို ကြည့်လိုက်ရာ ကြောက်လန့်စိတ်ဖြင့်တစ်ကောင်မှ တုတ်တုတ်မလှုပ်ကြတော့ ။ ကျနော် လည်း ကုတင်ကို ပတ်ပြီးလေ့လာကြည့်ရာ လားလား ယခုမှ ဆေးပေါ့လိပ် တိုက မီးသေစ ပင်ရှိသေးသည် ။ မီးခိုးငွေ့လေးတွေ တလူလူ ပင်ရှိသေးသည် ။ ကျနော်တို့လည်း အခန်းထဲတွင် ကြာကြာမနေ၀ံ့ပဲ အပြင်သို့ ပြန်ထွက်ခဲ့၏ ။ ထိုအခိုက် ကျနော်တို့ဝင်ခဲ့သော တံခါးမကြီးမှာ လေတိုက်သော အရှိန်ကြောင့် ၀ုန်းဆို ပြန်၍ ပိတ်သွားလေသည် ။ ကျနော်တို့လည်း ပြေး၍ ဖွင့်ကြည့်ရာ ဘယ်လိုမှ ဖွင့်၍ မရတော့ပေ ။ အိမ်ကြီး၏ အပေါ်ထပ်ဆီမှ

(ဒင်...ဒေါင်....ဒင်....ဒေါင်...)

ဟူသောအသံကိုကြားလိုက်ရ၏ အသံကို ရေတွက်ကြည့်လိုက်တော့ ည ၁၂ နာရီတိတိရှိပြီ ။ အပြင်က လရောင်ကလည်း ရုတ်တရတ် ပိန်းပိတ်အောင်မှောင်သွားလေသည် ။ အော်..ဟုတ်သား ဒီနေ့လကွယ်ညပဲ ။ ယခုမှ ကျန်သော အခန်းတွေကို ဆက်မ၀င်သေးပဲ ( အမှန်တော့ကြောက်စိတ်မပြေသေး၍) ဓါတ်မီးနှင့် နှံ့စပ်အောင်ထိုးကြည့်သောအခါကြောင်လိမ်လှေကားအောက်တွင် ပန်းအိုးကြီး တစ်လုံးကိုတွေ့ရလေသည် ။ ထိုပန်းအိုးကြီး အရွယ်အစားအတော်ကြီးမားပြီး လှေကားကွယ်နေ၍ မမြင်ရခြင်းပင် ။ ကျနော်တို့ထဲမှ မဲလုံးက ပန်းမြင်လျင် အရာရာမေ့သွားပြီး ပန်းအိုးကြီးဆီသို့လျောက်သွားလေသည် ။

( ဟယ် ပန်းလေးတွေလှလိုက်တာ )

ပြောပြောဆိုဆို ပန်းအိုးကို ပန်းတစ်ပွင့်ကို ပန်းအိုးထဲမှ ထုတ်လိုက်ရာ....

( ဝေါ.........ဝေါ...........)

ဟုအသံမြည်လာပြီး တံခါးမကြီး၏ ရှေ့တည့်တည့်မှ ကြမ်းပြင်တွင် အပေါက်ကြီးတစ်ခုပွင့်လာခဲ့လေသည် ။ ကဲမထူးပါဘူး ကျနော်ဦးဆောင်၍ ထိုအပေါက်ကြီးထဲသို့ မီးထိုးကြည့်ရာ မြေအောက်ခန်းသို့ ဆင်းသော လှေကား တစ်ခုဖြစ်နေလေသည် ။

ကျနော်လည်း ဘာတွေရှိနေအုန်းမလဲဆိုသည့်အတွေးဖြင့် မြေအောက်ခန်းသို့ စ၍ ဆင်းလာခဲ့သည် ။ အောက်ခြေသို့ရောက်သောအခါ အား...ပါး...ပါး...ကြမ်းပြင်တစ်ခုလုံး သွေးတွေက ပြည့်လျှံနေသည် ။ အနဲဆုံး ၂ လက်မထုလောက်တော့ရှိမည် ။ ဒါကြောင့် သွေးညှီနံ့တွေ ပုပ်စော်တွေနံနေတာကိုး... ။

ဆက်လက်ရေးသားပါဦးမည် ။

စာရေးသူ.....သက်တန့်ချို (၁၁း၅၁ ည ၃၀.၁၁.၀၉)

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................