ကျွန်ုပ်နှင့် မိစ္ဆာရွာ ( အပိုင်း ၁)

ကျွန်ုပ်နှင့် မိစ္ဆာရွာ ( အပိုင်း ၁)


(၁)

ကရင်ပြည်နယ် ဇွဲကပင်တောင်ခြေနှင့် မိုင် ၂၀၀ မျှဝေးသောနေရာတွင် လူသူအရောက်အပေါက်နဲသော ရွာ ကလေး တစ်ရွာ ရှိလေသည် ။ ရွာကလေး၏ မူလအမည်မှာ စောကလုံ ရွာ ဖြစ်၏ ။ အချိန်ကာလ ကြာမြင့် လာ သော အခါ စောကလုံရွာကလေးအား မည်သူတစ်ဦးတစ်ယောက်ကမျှ စောကလုံရွာ ဟု မခေါ်ကြတော့ပဲ မိစ္ဆာရွာ ဟုသာ ခေါ်ဝေါ်ကြလေသည် ။ စင်စစ် မိစ္ဆာရွာကို ခြုံကြည့်ရလျှင် လူသူအရောက်အပေါက်နည်းသော ချိုင့်ဝှမ်း ထဲတွင် တည်ဆောက်ထားခြင်း ဖြစ်ပြီး ရွာတောင်ဖက်တွင် စမ်းချောင်းလေးတစ်ခု ရှိ၏ ။ ထိုစမ်း ချောင်း လေးကို ရွာသားများက ငှက်မလွတ်ချောင်း ဟုခေါ်တွင်ကြကုန်၏ ။ နွေရာသီနှင့် ဆောင်းရာသီတွင် တည်ငြိမ်အေး ဆေးသလောက် မိုးရာသီတွင်ဒေါမာန်ကြီးစွာဖြင့် စီးဆင်းတတ်သောကြောင့် ချောင်းပေါ်မှ ဖြတ်ပျံသော ငှက်ပင် မလွတ်ပဲသေရသည်ကို အစွဲပြု၍ ငှက်မလွတ်ချောင်းဟု ခေါ်ခြင်းဖြစ်သည် ။ ရွာ၏အနောက်ဖက်တွင် တောကြီး မျက်မည်းသာရှိ၍ အရှေ့ဖက်တွင်မူ ကိုင်းပင်များစိုက်ပျိုးခြင်းကို လုပ်ကိုင်ကြလေသည် ။ ရွာမြောက် ဖက်တွင်မူ ကြီးမားလှသော တောင်စွယ်တောင်တန်းများဖြင့် ပြည့်နှက်လျှက်ရှိပေသည် ။ ထိုမြင်ကွင်းများသည် မိစ္ဆာရွာအား အပေါ်မှ စီးကြည့်လျှင် ချိုင့်ဝှမ်းပတ်လည်တွင် မြင်ရသော အရာများပေတည်း ။

ထူးဆန်းသည်မှာ မိစ္ဆာရွာတွင် ဘုန်းကြီးကျောင်းမရှိပေ ။ ဘုန်းကြီးကျောင်းမရှိ၍ အခြားဘာသာ ကိုးကွယ် သလား ဟု မေးရအောင်လည်း မည်သည့်ကိုးကွယ်ပူဇော်ပသမှုမှ မရှိပေ ။ ပကတိ အရိုးခံလူများသာ ဖြစ်ကြလေ ၏ ။ စောကလုံရွာလေးအား မိစ္ဆာရွာဟု အမည်တွင်စေသော အရာများကား ဤသို့တည်း ...။

(၂)

ညအမှောင်ယံကား မဟူရာ ပိတ်ကားချပ်ကြီးနှယ်.. ။ ပိန်းပိတ်အောင်မဲမှောင်နေ၏ ။ မိစ္ဆာရွာလေးတွင် လူသံ မဆိုထားနှင့် ခွေးအူးသံ ပင်မကြားရလောက်အောင် တိတ်ဆိတ်ငြိမ်သက်လွန်းနေ၏ ။ ညဉ့်ငှက် အော်သံ များကိုကား တခါတရံမှသာ ကြားရတတ်၏ ။ ထိုအခိုက် ရွာအလယ်ခေါင်တွင် အမှောင်ထုကိုခွင်း၍ မီးတုတ်များ ကိုင်ဆောင်ထားကြသော ရွာသားငါးဦးတို့သည် ၀ါးလုံးများကို လျှို၍ လူသေအလောင်းတစ်လောင်းကို ထမ်းကာ ရွာမြောက်ဖက်သို့ ဦးတည်၍ သွားနေ၏ ။

" သေချာထမ်းပါကွာ ဖိုးခွားရ မင်းဟာက တဖြည်းဖြည်းလေးလာပြီ " " အေးကွ စောလွင်ရ ဒီအလောင်းကလည်း တဖြည်းဖြည်းလေးလာတယ်ကွ သွက်သွက်လေး လျောက်ရ အောင် ကွာ "

အထက်ပါအသံများ ကြားရပြီးနောက် ခြေသံများမှ အပမည်သည့်အသံမျှ မကြားရတော့ပေ ။ မိစ္ဆာရွာတွင် သင်္ချိုင်းကုန်းမရှိခြင်း ပင်ဖြစ်၏ ။ ရွာသားများသည် လူသေလျှင် ရွာ၏ မြောက်ဖက်တွင်ရှိသော တောင်စွယ် တောင်ကလပ်များပေါ်တွင် ငှက်စာအလို့ငှာ အလောင်းများကို လာ၍ ပစ်ကြလေ၏ ။ ယခုလည်း ရွာထဲရှိ လူသေ အလောင်းတစ်လောင်းအား ညဖက်ကြီးသွား၍ ပစ်ကြဟန်တူ၏ ။ တဖြည်းဖြည်းနှင့် တောင်ကလပ်များနှင့် နီးလာ လေသည် ။ ရွာသားတစ်ဦးက အလောင်းတင်ရန် တောင်ကလပ်အား လိုက်လံကြည့်ရှူလေသည် ။ အချို့ကျောက် တောင်များပေါ်တွင် လူအရိုးစုများကို အများအပြားတွေ့ရလေသည် ။

" ကဲဖိုးခွေးရေ ဒီကိုသယ်လာဟေ့ ဒီမှာ လွတ်တယ် ဒီနေရာမှာပဲ ထားခဲ့မယ်ဟေ့ " " ဟုတ်ကဲ့ ဟုတ်ကဲ့အဘ "

ပြောပြောဆိုဆို ရွာသားလေးယောက်သည် အလောင်းကြီးအား မနိုင့်တနိုင်ထမ်း၍ တောင်ကလပ်ပေါ်တွင် တင် လိုက် လေသည် ။

" အားပါး အတော်လေးသကွာ ၂ ယောက်စာမို့ထင်တယ်ကွ " " အေးကွာ နန်းမူသနားပါတယ် သူ့ခမျာ မီးမဖွားနိုင်လို့သာ သေရရှာတာ အသက်ကဖြင့် ငယ်ငယ်လေး ရှိသေး တယ် "

ထိုသို့ပြောဆိုပြီးနောက် ဖိုးခွားက အလောင်းအားကြည့်လိုက်ရာ

" အောင်မလေး " " ဘာဖြစ်တာလည်းဟ " " ဟို...ဟိုမှာ မျက်လုံးကြီးပွင့်နေတယ် " " အာကွာ ဒါများ အဆန်းလုပ်လို့ ပြန်ပိတ်လိုက်ရသားနဲ့ "

ပြောသာပြောလိုက်ရသော်လည်း စောလွင်ကျောရိုးတလျောက် ကြက်သီးထသွားမိလေ၏ ။ အလောင်းကို နေရာ တကျထားပြီး ငါးယောက်သား ပြန်လှည့်ထွက်လာခဲ့၏ ။ ခပ်လှမ်းလှမ်းအရောက်တွင် နောက်မှအသံကြား၍ ငါး ယောက်သား ပြိုင်၍ လှည့်ကြည့်လိုက်ရာ အလောင်းကောင်ကြီးကို စားသောက်နေဟန်ရှိသော မဲမဲ သဏ္ဍာန် ကြီးကို တွေ့လိုက်ကြရလေတော့သည် ။

" သ...သရဲ... အောင်မလေး... သရဲဗျို့... သရဲခြောက်တယ်ဗျို့.." " ကယ်ကြပါဦးဗျ သ...သရဲ "

အသံမျိုးစုံအော်ဟစ်ပြီး ငါးယောက်သား ရွာဖက်ဆီသို့ ဦးတည်ပြေးလွှားလာခဲ့၏ ။ ရွာသို့ရောက်သော် မောပန်း နေပြီဖြစ်၍ တော်တော်နှင့် စကားမပြောနိုင်သေး ။ အမောပြေတော့မှ သူတို့ထဲတွင် အသက်အကြီးဆုံး အဘဦး ဟန်သာက အကျိုးအကြောင်းပြောပြလေသည် ။ တစ်ကြိမ်တစ်ခါမျှ မကြုံဖူး၍ ရွာသားများစိတ်ထဲတွင် သို့လော သို့လော နှင့် တွေးတောကြောက်ရွံ့ကုန်ကြလေတော့သည် ။ ရွာပတ်ဝန်းကျင်တွင်ကား အမှောင်ထုသည် တိတ်ဆိတ် စွာ ဆက်လက်ကြီးစိုးလျှက်.... ။

(၃)

နံနက်မိုးလင်းသည်နှင့် ရွာသူကြီးက သရဲခြောက်ခံရသော ရွာသားငါးယောက်အား ခေါ်ဆောင်လျှက် ရွာမြောက်ဖက်ရှိ ကျောက်ကလပ်များ ရှိရာသို့ သွားရောက်ကြည့်ရှူကြလေသည် ။ ဘုရား...ဘုရား.... သူတို့ ညက တင်ထား ခဲ့သော အလောင်းကောင်ကြီးက လတ်တလောအသားများကို နွှာ၍ စားသောက်ထားသည့်နှယ် ။ အရိုးစုလေး သာ ကျန်ရစ်တော့သည် ။ သွေးများကား မြင်မကောင်းလောက်အောင် ရွှဲစိုနေ၏ ။ လူသေထားသည်မှာ ၂၄ နာရီ မပြည့်သေး၍ သွေးများက ခဲမနေပဲ အိုင်ထွန်းနေတုန်းရှိသေးသည် ။ ရွာသားများလည်း အဖြေရှာမရပဲ ညည်းငြူကြလေသည် ။

" အေးကွ တို့ရွာမှာ ဒါမျိုးတစ်ခါမှ အရင်တုန်းကမ ဖြစ်ဖူးပါဘူး ငှက်စားရအောင်လည်း ဒီလောက် မြန်မြန်ကုန်နိုင်မယ်မထင်ဘူး ..ကဲ ငါတို့ ပြန်ရအောင်ဟေ့ "

အပြန်လမ်းက တိတ်ဆိတ်ခြောက်သွေ့လွန်းနေ၏ ။ သူတို့ထွက်ခွာသွားရာသို့ မျက်လုံးနီနီကြီးတစ်စုံက ချောင်း မြောင်း ကြည့်ရှူနေသည်ကိုမူ ရွာသားများ မသိလိုက်ပါချေ ။

နွေခေါင်ခေါင်မို့ အပူကား တလျှပ်လျှပ်နှင့်အစွမ်းကုန်ပူပြင်းနေ၏ ။ ရော်ရွက်ဝါတို့က သစ်ပင်ကြီးများဆီမှ တ ဖျောက် ဖျောက် ကြွေဆင်းလျှက် ရှိကုန်၏ ။

" အား..ဗိုက်အောင့်တယ်အမေရေ..လုပ်ပါဦး " " ဟဲ့ နင်မချစ်ဥ ပြုတ်ရည်သောက်ထားတယ်မဟုတ်လား တကတည်း " " အား..မနေနိုင်တော့ဘူး အမေရ ဗိုက်ကထိုးအောင့်လာပြီ အန်လည်း အန်ချင်တယ်..ဝေါ့.."

ပြောပြောဆိုဆို အန်ချလိုက်သော သမီးဖြစ်သူ အေးမေကြောင့် အမေဖြစ်သူ စိတ်ပူပန်သွားသည် ။ ခက်သည်က သူတို့ရွာ တွင် ဆရာဝန်မဆိုထားနှင့် ဆေးမှူးပင် အရောက်အပေါက်နည်းလှသော အလွန်ခေါင်သည့် ရွာပင် ဖြစ်သည် ။

" ဟဲ့အေးမေ...နင် ဟိုတနေ့က ဒေါ်အိုဇာနဲ့ ရန်ဖြစ်ထားတယ်ဟုတ် မဟုတ်မှ လွဲရော ညည်းကို ဟိုကပြုစား လိုက်ပြီ ထင်တယ် ငါအတန်တန်မှာထားရဲ့နဲ့အေ.. ဟိုတလောကတင် သူနဲ့ မတည့်တဲ့ နန်းမူတောင် မီးမဖွားနိုင် လို့ သေသွားတာ ဘာကြာသေးလို့တုန်း ညည်းအေ မဖြစ်သေးပါဘူး သူ့ကို သွားတောင်းပန်လိုက် " " အို ဒီအဖွားကြီးကို ဘာလို့ တောင်းပန်ရမှာတုန်း မတောင်းပန်နိုင်ပါဘူး "

စိတ်ပူပန်စွာ ပြောနေသော မိခင်ဖြစ်သူကို ပြန်လည်ပြောဆိုရင်း သူမအန်ထားသော အောက်ကို ငုံ့ကြည့်လိုက်တော့

" အား..."

စူးရှစွာ အော်လိုက်သော အသံကြောင့် မိခင်ဖြစ်သူက ပြေးပြီး လာကြည့်လေသည် ။

" ဟဲ့ ...ဆံပင်ချည်တွေပါလား အောင်မလေး ကယ်ကြပါဦးတော့ "

အော်ဟစ်လိုက်သော အသံကြောင့် အိမ်နီးနားချင်းများ လာေ၇ာက်ကြည့်ရှူကြရာ ခဏတွင်းပင် လူအုပ်ကြီး ဖြစ်သွားလေသည် ။

" ဟဲ့ ပြုစားခံရတာ ဟဲ့ " " ဒေါ်အိုဇာကြီး လက်ချက် စြဖ်မှာပေါ့အေ " " အိုအေ သူက အဲဒီလောက်တောင်စွမ်းလို့လား " " စွမ်းလို့ပဲ နန်းမူ ကိုယ်ဝန်ကြီးနဲ့ သေသွားတာ မတွေ့ဘူးလား "

ရွာသူရွာ သားများကား တစ်ယောက်တစ်ပေါက် ပြောဆိုကြကုန်၏ ။

ထိုသို့ ဖြင့် ရက်များက တစ်ရက်ပြီး တစ်ရက် ကုန်ဆုံးလာခဲ့သည် ။ တစ်ပတ်တိတိပြည့်သောနေ့တွင် အေးမေ တစ် ယောက်ကား ဗိုက်အလွန်အမင်းအောင့်ကာ သွေးများဆင်းပြီး အသက်ပါဆုံးရလေတော့သည် ။ ရွာသူရွာ သားများ၏ စိတ်ထဲတွင်ကား စုန်း ၊ ကဝေ အတတ် ပြုစားခြင်းအတတ်ကို အလွန်အမင်း ယုံကြည် သွားကြ လေတော့သည် ။ ရွာထဲတွင် ပြုစားခြင်းအတတ်ကို တက်ကြသူများမှာ ဒေါ်အိုဇာတစ်ဦးတည်း မဟုတ်ပေ ။ လူ ၁၀ ယောက်ခန့်မျှ စုန်းအတတ်ကို တတ်မြောက်ကြသည်ဟု အယူရှိကြလေသည် ။ ထိုသို့ စုန်းအတတ်ကို တက်သူ များနှင့် ရန်မဖြစ်ရအောင် နေကြရလေသည်။ ထိုသို့မဟုတ်ပါက အသက်ဆုံးရှုံးသည်အထိ ဖြစ်နိုင်ပေ သည် ။ တခါကလေည်း အေးမေသေဆုံးပြီး နောက် ၃ ရက်မြောက်နေ့တွင် ရွာထဲရှိ ဒေါ်သူဇာနှင့် ကိုဖိုးခွေးတို့ စကားများ ရန်ဖြစ်ကြလေသည်။ ဒေါ်သူဇာကား အောက်လမ်းပညာကို တဖက်ကမ်းတက်သည်ဟု အယူရှိကြ လေသည် ။ ထိုသို့စကားများပြီး နောက်တစ်ရက်တွင် ကိုဖိုးခွေးကား ပိုးထိ၍ သေဆုံးရလေ၏ ။ ဤသို့ လူများ တစတစ သေဆုံးဖန်များလာသောအခါ စောကလုံရွာကလေးအား လူများက မိစ္ဆာရွာဟု ခေါ်တွင်ကြ ကုန်လေ တော့သည် ။

(၄)

အထက်ပါ အဖြစ်အပျက်များ ဖြစ်ပျက်ပြီး နှစ်လခန့်ကြာသောအခါတွင် မိစ္ဆာရွာသို့ လူနှစ်ဦး ရောက်ရှိလာ လေသည် ။ တစ်ဦးမှာ ဒေါက်တာ နိုင်ဇော်ဖြစ်ပြီး ကျန်တစ်ဦးမှာ ကျွန်ုပ်ပင် ဖြစ်လေသည်။ ဒေါက်တာ နိုင်ဇော်မှာ အထူးကုဆရာဝန်တစ်ဦး ဖြစ်သော်လည်း ဆရာဝန်များပေါများသော မြို့ကြီးပြကြီးများတွင် မနေပဲ ကျေးလက် တောရွာများသို့ လှည့်လည်ဆေးကုနေသော ဆရာဝန်တစ်ဦး ဖြစ်ပေသည် ။ ဒေါက်တာနိုင်ဇော်မှာ စွန့်စားသွား လာရခြင်းကို လွန်စွာ ၀ါသနာပါလှပြီး တိုက်ရည်ခိုက်ရည်နှင့် ပြည့်စုံသော လွန်စွာ ဗဟုသုတနှင့် ပြည့်စုံသော ၊ ယောင်္ကျား ပီသလှသော ကိုယ်ခန္ဓာအချိုးအစားကို ပိုင်ဆိုင်ထားသူဖြစ်၏ ။ သူသည် လူနာနှင့်တွေ့လျှင် နူးညံ့ သော ဆရာဝန်တစ်ဦး ဖြစ်ပြီး ရန်သူနှင့် တွေ့လျှင် ရက်စက်တတ်သော ကျားရဲတစ်ကောင် အသွင်ရှိ လေသည် ။ ကျွန်ုပ်သည်ကား ထူးဆန်းအံ့သြဖွယ်ရာများကို ၀ါသနာပါလွန်းသည် ဖြစ်၍ ဒေါက်တာနိုင်ဇော်နှင့် အတွဲမိကာ မြန်မာပြည်တစ်ဝှမ်း လှည့်လည်သွားလာနေကြခြင်း ဖြစ်၏ ။ ထို့ပြင် ကျွန်ုပ်သည်လည်း စွန့်စားဝံ့သော ရဲရင့် လှသော ဆရာဝန်တစ်ဦး ဖြစ်သည်ကိုမူ အထူးဖော်ပြရန်လိုမည်မထင်ပေ ။

ကျွန်ုပ်တို့ နှစ်ဦးရောက်ရောက်ခြင်း မိစ္ဆာရွာကလေးအား တိတ်ဆိတ်ခြောက်သွေ့နေလေ၏ ။ ထိုအခိုက် လူလေး ယောက်မှာ စောင်နှင့် ပတ်ထားသော အရာတစ်ခုကို ၀ါးဖြင့် လျှိုထမ်းကာ ရွာမြောက်ပိုင်းသို့ သုတ်သုတ် သုတ် သုတ် လျောက်သွားလေ၏ ။ ကျွန်ုပ်တို့လည်း လမ်းဖယ်ပေးလိုက်ပြီး ရွာလူကြီးအိမ်သို့ မေးမြန်းစုံစမ်းပြီး သွား ရောက်ကြလေသည် ။ ရွာလူကြီးကား သဘောမနောကောင်းသော လူကြီးတစ်ဦး ဖြစ်လေသည်။ နာမည်မှာ ဦးထွန်းလူဖြစ်၏ ။

" ဒီလိုပါ သူကြီး ကျွန်တော်တို့ နှစ်ယောက်က နယ်လှည့်ဆေးကုနေတဲ့ ဆရာဝန်နှစ်ဦးပါ နောက်ပြီးေ တာတောင် ရေမြေ သဘာဝတွေကို လေ့လာချင်ကြတာနဲ့ ခရီးထွက်နေကြတာပါ ကျွန်တော်တို့ကို ဒီရွာလေးမှာ ခေတ္တခဏ တည်းခို ခွင့် ပြုပါခင်ဗျာ "

" အေးဗျာ ဆရာတို့ ရောက်လာတာဖြင့် ကျူပ်တော့ သိပ်အားရှိတာပဲ ဒီရွာလေးကို လူတွေက မိစ္ဆာရွာလို့ ခေါ်ကြ တယ် စုန်းကဝေ ပြုစားတာတွေ များတယ်ဆိုပြီး တော်ရုံလူတွေ မလာဝံ့ကြဘူးဆရာ အင်း.. .ပြော ရမှာတော့ အားနာပါတယ် ဆရာလေးတို့ရယ် လူနာတွေကလည်း အခုတလော တအားများလာတယ် နောက်ထူး ဆန်းတာ တွေ လည်း ကြုံနေရတယ်ဆရာ " " ဆိုစမ်းပါဦး သူကြီးရဲ့ ဘယ်လိုထူးဆန်းတာတုန်း " "ဒီလိုဗျ အခုတလော ရွာမြောက်ဖက်က တောင်ကလပ်တွေမှာ လူသေအလောင်းတွေ ပျောက် ပျောက်နေ တယ် ဗျနောက်ပြီး ရွာမြောက်ပိုင်းက ညိုအေးရဲ့ သားလေးလည်း ပျောက်သွားတယ်ဗျ အခုထိ ရှာမတွေ့သေးဘူး " " ဟုတ်ကဲ့ပါသူကြီး ကျွန်တော်တို့ အတတ်နိုင်ဆုံး အကူအညီပေးပါ့မယ် ခင်ဗျာ "

ကျွန်ုပ်က ပြောလိုက်သောအခါ သူကြီးက အလွန်အမင်း ၀မ်းသာကာ ကျွန်ုပ်တို့ နှစ်ဦးတည်းခိုရန် ရွာထဲရှိ အိမ်အ လွတ် တစ်လုံးသို့ ပို့ဆောင်ပေးလေသည် ။

" ကဲ ..ကိုသက်တန့်ရေ ဒီညတော့ တောင်ကလပ်တွေပေါ်က အလောင်တွေကိစ္စ သွားပြီး စုံစမ်းရအောင်ဗျာ နေ့လယ် က လူတစ်ဦး သွားပစ်ထားတယ်ဆိုတော့ ဒီည သွားကြည့်ရင် အဖြေတစ်ခုခုတော့ တွေ့မှာပဲဗျ "

ဟု ဒေါက်တာနိုင်ဇော်က လက်စွဲတော်သေနတ်ကို တိုက်ချွတ်ရင်း ပြောလေရာ ကျွန်ုပ်က

" သွားကြတာပေါ့ ကိုနိုင်ဇော်ရယ် ကဲ ကျွန်တော်တို့လည်း ခရီးပမ်းလာတယ်ဆိုတော့ တရေးတမော အိပ် လိုက် ကြရအောင် "

ဟုပြောလိုက်လေသည် ။ ထို့နောက် ကျွန်ုပ်လည်း အိမ်ရှေ့ဝါး ကွပ်ပစ်လေးပေါ်တက်၍ ဇရက်မင်းစည်းစိမ်ကို ခံယူ လိုက်လေတော့သည် ။ နွေဦးလေရူးကို ကျော်လွန်ပြီး မိုးရာသီရောက်လာတော့မည် ဖြစ်၍ ကောင်းကင်တွင် သိပ်၍ မပူပြင်းပဲ တိမ်များက အုံ့ဆိုင်းနေ၏ ။ လေတဖြည်းဖြည်းနှင့် အိပ်လိုက်ရာ မကြာမီ အိပ်ပျော်ခြင်း သို့ ရောက် လေတော့သည် ။

(၅)

ညနေရီတရော နွားရိုင်းသွင်းချိန်မို့ ကောင်းကင်က လိမ္မော်ရောင်ဖက်သို့ သန်းနေ၏ ။ မကြာမီနေ၀င်ကာ လော ကတစ်ခွင် အမှောင်ဓါတ်က ကြီးစိုးပေတော့မည် ။ ကျွန်ုပ်တို့လည်း စကားတပြောပြောနှင့်လျောက်လာရာ မကြာ မီ တောင်ကလပ်များ ရှိရာသို့ ရောက်လာခဲ့တော့သည် ။ နေက လုံး၀၀င်သွားပြီ ဖြစ်၏ ။ ထို့နောက် ဒေါက်တာ နိုင်ဇော်ကား သူ၏ သေနတ်ကို အဆင်သင့် ကိုင်ထားပြီး ကျောက်ကလပ်များ ရှိရာသို့ တဖြည်းဖြည်းလှည့်လည် ကြည့်ရှူနေ၏ ။ အချို့ကျောက်တောင်များပေါ်တွင် လူသေအလောင်းများပင် မတွေ့ရတော့ပဲ အရိုးစုများသာ တွေ့ရလေသည် ။ အချို့ကျောက်တောင်များအပေါ်တွင်မူ အရိုးပင်မတွေ့ရတော့ပေ ။ ထိုအခိုက် အစွန်ဖက်ရှိ ကျောက်ကလပ်ပေါ်တွင် မဲမဲသဏ္ဍာန် တစ်ခုကို တွေ့လိုက်ရ၍ ကျွန်ုပ်တို့ နှစ်ဦးကား တိုးကပ်၍ သွား ကြည့်ကြလေသည် ။ ကျောက်ကလပ်ပေါ်တွင်တင်ထားသော အရာမှာကား အလောင်းကောင်ကြီးပင် ဖြစ်လေ၏ ။ ထိုအလောင်းကောင်ကြီးကား အတွင်းကလီစာများ မရှိတော့ချေပြီ ။ အူများပွင့်ထွက်၍ တစ်စုံတစ်ဦးက စားထားသကဲ့သို့ ရုပ်ပျက်ဆင်းပျက် ဖြစ်နေလေ၏ ။ ထိုအခိုက် ကျွန်ုပ်တို့ နှစ်ဦးကျောဖက်မှ အသံဗလံများ ကြားလိုက်ရ၍ နှစ်ဦးသား ကျောက်ဆောင်အကွယ်သို့ အမြန်ပုန်းနေလိုက်ရလေသည် ။ အလို....မြင်လိုက်ရသော မြင်ကွင်းကား အလွန်ပင် အော့နှလုံးနာဖွယ်ရာ ကြောက်မက်ဖွယ် ကောင်းလှတော့သည် ။

အပိုင်း (၂)ကို ဆက်လက် စောင့်မျှော် ဖတ်ရှူကြပါရန် ။

စာရေးသူ.....သက်တန့်ချို (၂.၄.၁၀)

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................