Wednesday, April 28, 2010

ကျွန်ုပ်နှင့်မနုဿလူသားစားကျွန်း ( အပိုင်း ၅)

ကျွန်ုပ်နှင့်မနုဿလူသားစားကျွန်း ( အပိုင်း ၅)


(၁၃)

ကျွန်ုပ်ပစ်လိုက်သောဓါးကား ဒေါက်တာနိုင်ဇော်၏ ဦးခေါင်းဘေးမှာ တစ်လက်မအလိုတွင် ဖြတ်သန်းသွားပြီး အ နောက် ဖက်မှတောကြီးမြွေဟောက်၏ လည်မြိုသို့ စိုက်ဝင်နေတော့သည် ။

" ဟဟ.. လက်ရည်မကျသေးပဲကိုးဗျ တယ်လည်း ဖြောင့်တာကိုး ကိုသက်တန့်ရ "

" ဒီလောက်ကြီးလည်း မဟုတ်ပါဘူးဗျာ ကိုနိုင်ဇော်ရဲ့ သေနတ်ပစ်စွမ်းရည်နဲ့ ယှဉ်ရင် အသေးအဖွဲပါဗျာ ဟား ဟား ဟား...."

ကျွန်ုပ်တို့ နှစ်ဦး ပြောဆိုနေကြသည်ကို ကြည့်ရင်း ညိုမောင်နှင့် ထွန်းလူတို့မှာ အံ့သြခြင်းကြီးစွာဖြင့် ငေးမော ကြည့်ရှုနေကြလေတော့သည် ။ ထိုနေ့ညတွင် ကျွန်ုပ်တို့အဖွဲ့မှာ တောကြက်နှစ်ကောင်နှင့် အိပ်တန်းဝင် ငှက်ကြီး သုံးကောင်အား ပစ်ခတ်ကာ ညစာစားသုံးလိုက်ကြလေတော့သည် ။

" ဒါနဲ့ ကိုနိုင်ဇော်ရ ကျွန်တော်မရှင်းတာလေးတွေ ရှိသေးတယ်ဗျ လူရိုင်းတွေ ကိုးကွယ်တဲ့ နတ်ရုပ်ထုကြီးထဲမှာ ရတနာတွေရှိမှန်းဘယ်လိုသိသလဲဗျ "

" ဟဟ ..သိဆို ကျွန်တော်ခိုးဝင်တာ နှစ်ခါရှိပြီဗျ ကျွန်းက ကျယ်လို့သာ ကိုသက်တန့်တို့နဲ့ မဆုံဖြစ်တာ ဗျို့ "

" အော်..ဒီလိုကိုး လတ်စသတ်တော့ ဒါဆို ကိုနိုင်ဇော်က ဒီကျွန်းပေါ်ကို အတော်နှံ့နေရောပေါ့ "

" ဘယ်ကလာဗျာ ကျွန်းရဲ့ သုံးပုံတစ်ပုံလောက်ပဲ ရောက်သေးတာပါ ဒါနဲ့ ကျွန်တော်တို့ လူရိုင်းတွေဆီပြန်ပြီး ရတနာတွေသွားမရှာခင် အရင်စီစဉ်သင့်တာတွေစီစဉ်ရမယ်ဗျို့ လုပ်ပါဦး ကိုသက်တန့် အကြံပေးပါဦး "

" အင်း..ဟုတ်တယ်ဗျ ကျွန်တော်တို့ လက်ထဲ ရတနာတွေပါလာပြီးတာနဲ့ ဒီကောင်တွေက ကျွန်တော်တို့ကို အလွတ် ပေးမှာ မဟုတ်ဘူးဗျို့ ဒီတော့ ရတနာတွေရပြီးတာနဲ့ ဒီကျွန်းပေါ်က ခွာဖို့ ပြင်ရမယ် ဒါကြောင့် ကျွန်းနီကြီး ဆီပြန်ဖို့ ဖောင်အရင်ဆုံးဖွဲ့ရမယ်ဗျ နောက်တစ်ခုလိုတာက လက်နက်ပဲ ဒီကောင်တွေကို ဆော်ဖို့ ကျွန်တော်တို့ လေးယောက်မှာ လက်နက်မလောက်ဘူး ကိုနိုင်ဇော် သေနတ်တစ်လက်တည်းနဲ့တော့ မဖြစ် လောက်ဘူး အဲဒီတော့ လက်နက်တွေလုပ်ရမယ် အော်... ဒါနဲ့ ကိုနိုင်ဇော်ရဲ့ နတ်သစ်ခွဖြုကရော အခြေအ နေဘယ်လိုတုန်းဗျ "

" အင်း ဒီကျွန်းပေါ်မှာတော့ အရိပ်အယောင်တောင်မတွေ့ရသေးဘူးဗျ ဒီအပင်ကိုရဖို့ ဒီကျွန်းကို မြေလှန်ရှာမှ ရမယ်ထင်တယ်ဗျ မြေပုံအရဆိုရင်တော့ အရိုးသဏ္ဍာန် တောင်တန်းကြီးကိုရှာရမှာပဲ "

" ဟုတ်မယ်ထင်တယ်ဗျ ...ကဲကဲ..အိပ်ကြရအောင်ဗျို့ အန္တရာယ်များတဲ့ နက်ဖြန်အတွက် ဒီနေ့ အားမွေးရမယ်ဗျ "

ပြောပြောဆိုဆို ကျွန်ုပ်လည်း မီးပုံဘေးတွင် လှဲ၍ အိပ်လိုက်လေတော့သည် ။ ကျွန်ုပ်လည်း ပင်ပန်းသည်က တ ကြောင်း ယခင်လို သောင်ပြင်ကြီးတွင် တစ်ယောက်တည်း ကျီးလန့်စာစား အိပ်ရခြင်းမဟုတ်ပဲ ကျွန်ုပ်၏ မိတ်ဆွေ များနှင့် ဖြစ်သောကြောင့် စိတ်ချလက်ချအိပ်လိုက်သည်မှာ မည်မျှ အိပ်ပျော်သွားသည်မသိ ကျွန်ုပ်၏ ခြေထောက် ကြီး မှာ တဖြည်းဖြည်းလေးလံလာသလို ခံစားရမှ သတိရလေတော့သည် ။

ကျွန်ုပ်လည်း သတိရရခြင်း လေးလံသောခြေထောက်ကို ကြည့်လိုက်မိရာ အိပ်ငိုက်နေသော မျက်လုံးများပင် ကျယ် သွားရလေတော့သည် ။ ပုံမကျပန်းမကျ လေးပေခန့်ရှိသော ရှည်မျောမျော တွားတွား သတ္တ၀ါ မှာ ကျွန်ုပ်၏ ခြေထောက်အား စုပ်မျိုနေသည်မှာ ဒူးခေါင်းသို့ပင် ရောက်လောက်ပေပြီ ။ ကျွန်ုပ်လည်း ကြံရာမရ ဖြစ်ပြီး ဘေးမှ ကျောက်မှိန်းဖြင့် ၄င်းသတ္တ၀ါအား အားကုန်ထိုးစိုက်ချလိုက်လေသည် ။

" ကျွီ...."

၎င်းသတ္တ၀ါ အော်လိုက်သောအသံမှာ အသည်းတုန်အူတုန်ဖွယ်ကောင်းလှပေသည် ။ ပါးစပ်မှ အစိမ်းရောင် အရည်များ အံထွက်လာပြီး ကျွန်ုပ်လည်း ခြေထောက်ကို မနည်း ဆွဲထုတ်ရလေတော့သည် ။ သတ္တ၀ါကြီး အော်လိုက်သောကြောင့် ကျန်လူများလည်း အသီးသီးနိုးလာကြလေသည် ။ သူတို့ကို ကြည့်လိုက်ရာ ပါးစပ် အ ဟောင်းသားဖြင့် ငေးနေသည်ကို တွေ့လိုက်ရ၍ ကျွန်ုပ်လည်း ပတ်ဝန်းကျင်ကို အကဲခတ်ကြည့်လိုက်ရာ လား လား ....များပြားလှသော ရှည်မျောမျော တွားတွား သတ္တ၀ါများကို တွေ့လိုက်ရသည် ။ ကျွန်ုပ်သည် ယခု တစ်သက်နှင့်တစ်ကိုယ် ထို သတ္တ၀ါများကိုမမြင်ဖူးသောကြောင့် မည်သည့် မျိုးစိတ်ဖြစ်သည်ကို မူပြောရန် မတတ် နိုင်ပေ ။ ထွန်းလူနှင့် ညိုမောင်တို့မှာ မူ အလွန်အမင်း ထိတ်လန့်နေကြလေတော့သည် ။ ကျွန်ုပ်လည်း ထိုသတ္တ၀ါများ ကျွန်ုပ်တို့ အဖွဲ့အား ၀ိုင်းနေသည်ကို အကဲခတ်ကြည့်ရှုလိုက်ရာ ဂငယ်ပုံသဏ္ဍာန် ၀ိုင်းရံနေသည်ကို တွေ့ရလေသည် ။

ကျွန်ုပ်လည်း အကြံရကာ နံဘေးမှ မီးစွဲနေသော သစ်ကိုင်းတစ်ကိုင်းအား ထိုဂငယ်အပေါက် အနီးသို့ ပစ်ချ လိုက်လေသည်။ သတ္တ၀ါများမှာ လွန်စွာ နီးကပ်နေပြီဖြစ်သည် ။ လွန်စွာ တည်ငြိမ်လှပါသည်ဆိုသော ဒေါက်တာနိုင်ဇော်ပင်လျှင် အကြံအိုက်နေဟန်တူသည် ။ ကံအားလျော်စွာပင် ထိုသတ္တ၀ါများမှာမီးကို ကြောက်ပြီး အနည်းငယ် ရှဲသွားကြသည် ။

" ကဲ ကျွန်တော်တို့ ဒီတစ်ပေါက်ထဲကနေ လွတ်အောင်ပြေးကြရမယ်ဗျို့ လာလာ "

ဟုဆိုကာ ကျွန်ုပ်ဦးဆောင်၍ ပြေးထွက်ခဲ့လေတော့သည် ။ ကျွန်ုပ်၏နောက်တွင် ထွန်းလူ ၊ ညိုမောင် နှင့် ဒေါက်တာနိုင်ဇော် ကား နောက်ဆုံးမှ ဖြစ်သည် ။ ဒေါက်တာနိုင်ဇော်ပြေးချိန်တွင် အပေါက်မှာ လွန်စွာ ကျဉ်းကာ ပိတ်စပြုနေပြီ ဖြစ်သည် ။ ဒေါက်တာနိုင်ဇော်လည်း ထိုသတ္တ၀ါများပေါ်မှ ခုန်ပျံကာ ကျော်လွှားလိုက်လေသည် ။ ထိုစဉ် မထင်မှတ်သော ဖြစ်ရပ်တစ်ခုဖြစ်ပွားသွားလေတော့သည် ။ ယင်းမှာ တွားတွား သတ္တ၀ါတစ်ကောင်မှာ ဒေါက်တာနိုင်ဇော် ခုန်လိုက်ချိန်တွင် ခြေထောက်ကို အမိအရ ခုန်ပြီး ခဲထားခြင်းပင်ဖြစ်သည်။ ၄င်းတို့၏ ပါးစပ်များမှာ လွန်စွာ ကြီးမားကာ ဒေါက်တာနိုင်ဇော်၏ ခြေသလုံး တ၀က်ခန့် မြိုမိသွားလေသည်။ ဒေါက်တာ နိုင်ဇော်လည်း လျှင်မြန်စွာ ၄င်း၏ သေနတ်နှင့် ပစ်ချလိုက်လေသည်။

" ဒိုင်း "

" ကျွီ...."

ကြောက်မက်ဖွယ်ရာ အသံကြီးကို ပြုရင်း သတ္တ၀ါကြီးမှာ ငြိမ်သက်သွားလေတော့သည် ။ ကျွန်ုပ်တို့လည်း မရပ်မနား ပြေးလွှားလာခဲ့ရာ နေ့တစ်ဝက်ခန့် ကြာမြင်ခဲ့လေသည် ။ ကျွန်ုပ်တို့ကားယ ခု လျှိုကြီးတစ်ခုအတွင်း ရောက် နေပြီ ဖြစ်သည် ။ တစ်ဖွဲ့လို့ မောပန်းနေပြီ ဖြစ်သောကြောင့်ခေတ္တနား ကြလေသည် ။

" ကိုသက်တန့်ရေ..စောစောက ကျွန်တော်တို့ တွေ့ခဲ့တာ အလွန်အန္တရာယ်များတဲ့အကောင်တွေဗျ ဒီကောင် တွေက အမေဇုံတောနက်တွေထဲမှာ လည်း တွေ့ရလေ့ရှိတယ် သူတို့ကို ဒေသခံလူတွေက မျိုကောင် တွေလို့ ခေါ် လေ့ရှိတယ် ။ အမှန်တော့ ဒီကောင်တွေက မြွေအုပ်စုတွေလေ သူတို့က တစ်ခုခု သူတို့ ပါးစပ်ထဲရောက်ရင် မျိုတာ အရမ်းမြန်တယ်ဗျ ကျွဲလို ပြောင်လို ကောင်တွေတောင်ဒီကောင်တွေမြိုလိုက်ရင် ငါးမိနစ်ပဲဗျို့ အကောင် သေးပေမယ့် အထင်မသေးနဲ့ လူဆိုရင်တော့ ပြောမနေနဲ့ဗျို့ "

ဟုဒေါက်တာနိုင်ဇော်ကပြောရာ ထိုအခါမှ ကျွန်ုပ်အိပ်ပျော်နေစဉ် သတ္တ၀ါကြီး စုပ်မျိုခြင်းမှ သီသီလေး လွတ်ရခြင်းကိုတွေးရင်း ကြက်သီးထမိလေတော့သည် ။

" ကဲကျွန်တော်တို့ မြေပုံတစ်ချက်ကြည့်ရအောင် ကျွန်းကြီးရဲ့ ဘယ်နေရာ ရောက်နေသလဲလို့ "

ဟုပြောပြောဆိုဆို မြေပုံအား ထုတ်ကြည့်ကြလေသည်။ မြေပုံအား ၂ ခုပွားကာ ကျွန်ုပ်နှင့် ဒေါက်တာနိုင်ဇော် တစ်ခုစီယူလာရာ ကျွန်ုပ်၏ မြေပုံမှာ ပျောက်ဆုံးသွားပြီဖြစ်သည် ။ ဒေါက်တာနိုင်ဇော်၏ မြေပုံ ကျန်သေး၍ သာ တော် တော့သည်။ မြေပုံအား အသေအချာကြည့်လိုက်ရာ ကျွန်ုပ်တို့မှာ အရိုးသဏ္ဍာန် တောင်တန်းကြီး ဘေးမှ လျှိုကြီးတစ်ခုအတွင်း ရောက်နေကြခြင်းဖြစ်၏ ။ ၀မ်းသာစရာအချက်မှာ ဒေါက်တာနိုင်ဇော်ရှာဖွေနေသော နတ်သစ်ခွဖြူအား ထိုတောင်တန်းကြီးပေါ်တွင် အမှတ်အသား ပြထားလေသည် ။ သစ်တောများထဲတွင် မပေါက်ပဲ အဘယ့်ကြောင့် ထိုတောင်တန်းများတွင် အမှတ်အသား ပြုထားရသည်ကို ကျွန်ုပ်အနေနှင့် မစဉ်းစား တတ်အောင်ပင် ဖြစ်လေသည် ။ တစ်ဖန် ထိုတောင်တန်းကြီး၏ အခြားတစ်ဖက်တွင် နတ်ရုပ်ထုကြီး အား အမှတ်အသား ပြထားလေသည် ။

(၁၃)

ကျွန်ုပ်တို့အဖွဲ့လည်း လျှိုကြီးထဲတွင် ပြင်ဆင်ရန် ဆုံးဖြတ်လိုက်လေသည် ။ ထွန်းလူနှင့် ညိုမောင်တို့မှာမူ နံနက်စာ အတွက် စီမံနေကြပြီဖြစ်သည် ။ ဤသို့ဖြင့် ကျွန်ုပ်တို့ အဖွဲ့သည် လျှိုကြီးထဲတွင် သုံးရက်ခန့်မျှ အချိန်ဆွဲ နေကြ လေသည် ။ ထိုအတောအတွင်း ဒေါက်တာနိုင်ဇော်က တောထဲမှ မည်သည့် အရွက်များ ခူးနေသည်မသိ ။ ထို အရွက်များကို လှမ်းကာ ခြောက်သွေ့သောအခါ သစ်ပင်မှထွက်သော အစည်းနှင့်ပင် ရောနယ်လေသည် ။ တဖန်နေပြန်လှမ်းပြန်သည် ။ ခြောက်သွေ့သွားသောအခါ အမှုန့်များဖြစ်အောင်ပြုလေသည် ။ ထိုအမှုန့်များကို သစ်ရွက်များအတွင်း ထည့်ကာ အထုပ်လေးများ ပြုလုပ်လေသည် ။ ယမ်းထုပ်လေးများ ပြုလုပ်နေသည်ဟု ကျွန်ုပ်အား ပြောပြလေသည် ။ ကျွန်ုပ်လည်း အရွယ်တော် သစ်ကိုင်းများကို ခုတ်ကာ မှိန်းလှံ ဆူးချွန်များ ပြုလုပ်လေသည်။ ကျောက်လက်နက်မျိုးစုံကိုလည်း ပြုလုပ်လေသည် ။ ထိုအတောအတွင်း လျှိုကြီးအတွင်း မည်သည့်အန္တရာယ်မျှ မကြုံရခြင်းသည်ပင်လျှင် ကံကောင်းသည်ဟု ဆိုရပေမည် ။ ဤသို့ဖြင့် လျှိုကြီးထဲတွင် နေထိုင်ပြီး လေးရက်မြောက်နေ့တွင် ကျွန်ုပ်တို့ကား အရိုးသဏ္ဍာန် တောင်တန်းများဆီသို့ ချီတက်ခဲ့ကြ လေ တော့သည် ။

နေရောင်ခြည်ကား ကျိုးတို့ကျဲတဲ ကျရောက်နေသည် ။ သစ်ပင်များ ထူထပ်စွာ ပေါက်ရောက်နေသောကြောင့် လျှိုကြီးထဲတွင် နေရောင်ကောင်းစွာ မရရှိပေ ။ ကျွန်ုပ်တို့လည်း အရိုးတောင်တန်းကြီးသို့ မျှော်ကြည့်ရင်း ခရီးဆက်ခဲ့ သည်မှာ နေ့တစ်ဝက်ခန့်ပင် ရှိလေပြီ ။ လျှိုကြီး၏တစ်နေရာတွင် နံနက်စာ စားရန် ကျွန်ုပ်တို့ ခေတ္တနားကြလေသည် ။ ထိုအခိုက် ကျွန်ုပ်တို့ ထိုင်နေသော မြေကြီးမှာ တသိမ့်သိမ့် တုန်ခါသွားရာ ကျွန်ုပ်မှာ မြေငလျှင်လှုပ်သည်ဟု ထင်မှတ်လိုက်လေသည် ။ ထို့နောက် တဝေါဝေါ မြည်သံများ အဆက်မပြတ် ပေါ်ထွက်လာလေတော့သည် ။ ကျွန်ုပ်လည်း အသံများကို ဂရုတစိုက်နားထောင်နေစဉ် ဒေါက်တာနိုင်ဇော်က

" ဟာ..ပြေးပြေး သစ်ပင်ပေါ်တက်ပြေးကြ "

ဟုဆိုကာ သစ်ပင်တစ်ပင်ပေါ် တွယ်ဖက်တက်သွားကြလေသည် ။ ထွန်းလူနှင့် ညိုမောင်မှာလည်း မျောက်များ အလား တွယ်တက်သွားကြသည်မှာ သစ်ပင်ထိပ်ဖျားသို့ပင် ရောက်လုပြီ ။ ကျွန်ုပ်တစ် ယောက် တည်းသာ မြေပြင်တွင် ကျန်ရစ်ကာ ကျွန်ုပ်လည်း နီးစပ်ရာ သစ်ပင်ပေါ်သို့ ပြေးတက်ခဲ့လေသည် ။ သစ်ပင်ပေါ်တက်ပြီး တစ်ဝက် ခန့်တွင် ခပ်လှမ်းလှမ်းမှ အိမ်တစ်လုံး ခန့်အရွယ်အ စားရှိသော မည်းမည်းသဏ္ဍာန်ကြီးကား ကျွန်ုပ်တို့ ရှိရာသို့ ဦးတည်လာနေပေသည် ။

" ကိုသက်တန့်ရေ အပင်ထိပ်ဖျားရောက်အောင်တက်ဗျို့ မြဲမြဲ ကိုင်ထားနော် "

ဟုပြောပြောဆိုဆို သူလည်း အပင်ထိပ်ဖျားရောက်အောင်တက်သွားလေသည် ။

မဲမဲသဏ္ဍာန် အလုံးကြီးကား တဖြည်းဖြည်းနီးကပ်လာမှသာလျှင် အား..ပါး...ပါး ..နဲသော မြွေတွေမဟုတ် ။ အ ကောင် ပေါင်း သိန်းသန်းချီကာ တစ်ကောင်နှင့်တစ်ကောင်လုံးထွေးပြီး လမ်းတ လျောက်လိမ့်လာ ခြင်းပင် ဖြစ်သည် ။ မြွေအထွေးကြီးကား အလွန်ကြီးမားပြီး အိမ်တစ်လုံးခန့်ရှိလေသည် ။ ကျွန်ုပ်တို့သစ်ပင်များမှာ လွန်စွာ မြင့်မား၍ သာ တော်တော့သည် ။ မြွေအထွေးကြီးသွားရာလမ်းတလျောက် မြွေများကား အပိုင်းပိုင်းပြတ်ကာ သွေးသံရဲရဲ နှင့်ကျန်ခဲ့လေသည် ။ ကျွန်ုပ်လည်း ထိုအခါမှ ကျောချမ်းသွားကာ ထိုစဉ်က ဒေါက်တာနိုင်ဇော်ကို အလွန်အမင်းကျေးဇူးတင်မိလေသည် ။ ဒေါက်တာနိုင်ဇော်သာ မကယ်လျှင် ကျွန်ုပ်လည်း ယခုအချိန်တွင် ဤ ဇတ်လမ်းအား ရေးသားနိုင်မည် မဟုတ်ပေ ။ မြွေအထွေးကြီးကား လျှိုလမ်းတလျောက် တဝေါဝေါ မည်ကာ ၀င်ရောက်ပျောက်ကွယ်သွားလေသည် ။ ထိုအခါမှာ ကျွန်ုပ်တို့လေးယောက်လည်း အသီးသီး သစ်ပင်များပေါ်မှ ဆင်းခဲ့ကြလေတော့သည် ။ သစ်ကိုင်းများနှင့် ညိပြီး ပြတ်ကျခဲ့သော မြွေများကားတလွန့်လွန့်လူးတုန်းပင် ရှိသေး သည် ။

" အင်း..တော်သေးတာပေါ့ဗျာ ..ကျွန်တော်ထင်တော့ထင်သားဗျ ဒီလျှိုကြီးထဲမှာ သုံးရက်လုံးလုံး ဘာ အန္တရာယ်မှမတွေ့ရပဲ ဘာကြောင့် တိတ်ဆိတ်နေသလဲလို့ အမှန်တော့ ဒီလျှိုကြီးက မြွေတွေ ကျက်စားတဲ့နေရာ ဖြစ်မယ်ဗျ ကျွန်တော်တို့ ရောက်တဲ့အချိန် ဒီကောင်တွေ မိတ်လိုက်တဲ့အချိန်ပေါ့ဗျာ စစလာခြင်း ၂ ကောင်တည်း မိတ်လိုက်တာဗျ နောက်တော့ ၃ ကောင် ၄ ကောင်နဲ့ ၀င်လာလိုက်ကြတာ ဒီလို သိန်းသန်းချီတဲ့ မြွေအထွေး လိုက်ကြီး ဖြစ်သွားတာပဲဗျို့ သတ္တ၀ါတွေကလည်း မြွေတွေများလွန်းတော့ သူတို့ သဘာဝအသိနဲ့ ဒီလျှိုကြီးကို ရှောင်ကြတာပဲဗျ "

ဟုဒေါက်တာနိုင်ဇော်က ရှင်းပြလေသည် ။ ကျွန်ုပ်တို့အဖွဲ့လည်း လျှိုကြီးထဲတွင် ကြာကြာ နေရန်မသင့် တော်သော ကြောင့် တောင်တန်းများဆီသို့သာ ဆက်လက် ခရီးထွက်ခဲ့ကြပေတော့သည် ။

အချိန်ကား ညနေ၀င်ရီတရောအချိန် ။ တောင်တန်းများကို ကွယ်၍ နေမင်းကြီး မှေးတင်နေပုံမှာ သဘာဝ ပန်းချီကား တစ်ချပ်နှယ် ။ ကျွန်ုပ်တို့ကား တောင်တန်းများ အောက်ခြေသို့ ရောက်ရှိနေကြပြီ ဖြစ်သည် ။ ကျွန်ုပ်တို့ လည်း နတ်သစ်ခွဖြူ ရှိသောနေရာတွင် အန္တရယ်များ အထူးသဖြင့် လူသားစားလူရိုင်းများ ရှိမည်ဟု ခန့်မှန်းသော ကြောင့် ညမှောင်မှသာလျှင် တက်ရန် ဆုံးဖြတ်လိုက်ကြလေသည် ။ ထိုနေ့ ညနေစာအား လမ်းမှ ဆတ်တ ကောင်အား ပစ်ကာ ဆတ်သား ဟင်း ၊ ဆတ်သားကင် ဖြင့်လွေးလိုက်ကြလေသည် ။ ကျန်သောအသားများအား ဆတ်သားခြောက်လုပ်ကာ လမ်းခရီးအတွက် ယူဆောင်ခဲ့ကြလေသည် ။

နေ၀င်သွားပြီဖြစ်သောကြောင့် လကား စောစီးစွာပင် ပေါ်ထွက်နေသည် ။

အပိုင်း (၆) မျှော်......

သက်တန့်ချို (၂၈ ဧပရယ် ၂၀၁၀)

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

8 comments:

  1. မမတန့်...ပြီးလုပြီလား....စောင့်ဖတ်ရတာ..မောလှပြီ...ကိုရီးယားကားကျနေရော....:)

    ReplyDelete
  2. ဟားဟား ကိုသက်တန့်ရေ ပိုင်ရည်ခေါ်သလိုပဲ မမတန့် လို့ပဲခေါ်မယ်နော်။ ချိတ်ချိုးနဲ့ ဖတ်ရတာရင်မောလိုက်တာ ဗျာ.. စွန့်စားခန်းဝတ္တုထုတ်ရင်အောင်မြင်မှာအသေအချာ
    အဟဲ.. မြှောက်ခတစ်ဝိုင်းကျွေးရမယ်နော်.. မန်းတလေးကိုရောက်ရင်

    ခင်တဲ့
    ကိုကိုးအိမ်

    ReplyDelete
  3. မြွေတွေက အပြင်မှာရော အဲလိုမျိုးပဲလား... မြွေတွေအကြောင်းဖတ်ရတာ ကြက်သီးတောင်ထတယ်... တကယ်အပြင်မှာ အဲလိုတွေ့ရင်တော့ ကြောက်တာနဲ့ သေမှာပဲ...

    ReplyDelete
  4. ဖတ်သွားပြီဗျို့

    ReplyDelete
  5. ကိုသက်တန့်ရေ..အပိုင်း၆ကိုမျှော်နေပါတယ်.. မရှင်းတာလေးရှိတယ်.. ဂူကြီးထဲမှာနေတုံးက အစာတွေပျောက်၂သွားတယ်လို့ ရေးထားတယ်နော်.. အဲ့ဒီတရားခံက ဘာလဲ.. ရှင်းပြထားတာမတွေ့မိလို့.. နောက်ပိုင်းတွေမှရှင်းပြမှာလား..
    ကျေးဇူး..

    ReplyDelete
  6. ဇတ်သိမ်းထိ တစ်ခါထဲ ရေးပေးပါလားဗျာ....း)

    ReplyDelete
  7. where can i find part 1 to 5 ko TTC

    ReplyDelete