Friday, December 23, 2011

မီးယပ်သွေးဆုံးနှင့် အရိုးပွရောဂါ (Menopause and Osteoporosis)

မီးယပ်သွေးဆုံးနှင့် အရိုးပွရောဂါ (Menopause and Osteoporosis)




အရိုးပွရောဂါကို အင်္ဂလိပ်လိုဆိုရင်တော့ Osteoporosis လို့ခေါ်ပါတယ် ။ အော့စတီရိုပရိုးဆစ် ဆိုတာဟာ အရိုးတွေကို အားနည်းစေပြီး ရုတ်တသို့ သို့မဟုတ် မမျှော်လင့်တဲ့ အရိုးကျိုးခြင်း Fractures တွေကို ဖြစ်ပွားစေမှု များစေ တဲ့အခြေအနေတစ်ခုဖြစ်ပါတယ် ။ ဘာသာပြန်ရရင်တော့ Porus bone ဆိုတာဟာ အရိုးရဲ့သိပ်သည်းဆ ဆုံးရှုံးမှု ကို များစပြေီး အရိုးရဲ့ သန်မာမှုကို လျော့နည်းစေခြင်းကို ဆိုလိုပါတယ် ။ ဒီရောဂါဟာ တခါတရံမှာ ဘာလက္ခဏာ မှမပြပဲ ဘယ်လိုနာကျင်မှုမှမပြပဲနဲ့ ပိုပိုဆိုးရွားလာတတ်တာလည်းရှိပါတယ် ။ ယေဘူယျ အားဖြင့်တော့ Osteoporosis ကို လူနာဟာ အရိုးကျိုးခြင်းမှ တဆင့် နာကျင်ခြင်းကို ခံစားရခြင်း မတွေ့ကြုံရသမျှ အဲဒီလို အ ရိုးပွရောဂါ ဖြစ်နေပါတယ်လို့ သိရှိကြတာနည်းပါတယ် ။ အထူးသဖြင့် ဒီလို နာကျင်ခြင်းဟာလည်း ခါးနာခြင်း သို့မဟုတ် တင်ပဆုံရိုးမှာ နာခြင်းကို ကြုံတွေ့ရပါတယ် ။ ကံမကောင်းတဲ့အချက်ကတော့ အကယ်၍ သင့်မှာ အရိုးပွရောဂါကြောင့် ကျိုးဖူးတယ်ဆိုရင်တော့ တခြား အရာတွေပါဖြစ်ဖို့များနေပါပြီ ။ ကံကောင်း တဲ့အချက်ကတော့ အဲဒီလိုဖြစ်စဉ်တွေဟာ အဆင့်လိုက် ဖြစ်ပွားတဲ့အတွက် Osteoporosis မဖြစ်အောင် ကာကွယ် လို့ ရခြင်းဖြစ်ပါတယ် ။ အကယ်၍ သင့်မှာ အရိုးပွရောဂါရှိတယ်ဆိုရင်တော့ ကုသမှုတွေက အရိုးဆုံး ရှုံးခြင်း ( bone loss ) ကို လျော့နည်းစေမှာဖြစ်ပါတယ် ။

ဘာကြောင့်အရိုးပွ ရောဂါဖြစ်တာလဲ ?



ကျွန်တော်တို့ဟာ အရိုးပွရောဂါ ဘာကြောင့်ဖြစ်သလဲဆိုတာ တိတိကျကျမသိပေမယ့် ဒီရောဂါ ဘယ်လို ဖြစ်ပွားပြီး ဘယ်လို ဆိုးရွားလာတယ်ဆိုတာကိုတော့ ကောင်းကောင်းသိကြပါတယ် ။ သင့်ရဲ့အရိုးတွေဟာ ရှင် သန်နေသော ကြီးထွားနေသော တစ်ရှူးတွေနဲ့ ဖွဲ့စည်းတည်ဆောက်ထားကြပါတယ် ။ ရေမြှုပ်သဏ္ဍာန်ရှိတဲ့ အရိုး သို့မ ဟုတ် trabecular bone ကို သိပ်သည်းတဲ့အရိုးသို့မဟုတ် cortical ရဲ့ အပြင်ဖက် အလွှာကနေ ဖုံးအုပ်ထား ပါတယ် ။ အကယ်၍ အရိုးဟာ အရိုးပွရောဂါကြောင့် အားနည်းလာပြီဆိုရင်တော့ ရေမြှုပ်သဏ္ဍာန် တွေထဲက အပေါက်ကလေးတွေဟာ ကြီးသထက်ကြီးလာပြီး များသထက်များလာပါတယ် ။ ဒီလိုများလာတဲ့အခါမှာတော့ အရိုးရဲ့အတွင်းပိုင်းဖွဲ့စည်းမှုကို အားနည်းစေလာပြီဖြစ်ပါတယ် ။

အသက် ၃၀ အရွယ်အထိ လူဟာ ယောင်္ကျားဖြစ်စေ မိန်းမဖြစ်စေ အရိုးကို ပုံမှန် တည်ဆောက်နိုင်ကြပါတယ် ။ အသက် ၃၅ နှစ်ကျော်သွားပြီဆိုရင်တော့ အရိုးတည်ဆောက်မှုဟာ ရပ်တန့်သွားပြီး အရိုးရဲ့ သိပ်ဆည်း ဆတွေဟာ လည်း ဆုံးရှုံးလာပြီဖြစ်ပါတယ် ။ ဒီလိုအရိုးဆုံးရှုံးမှုဟာ သတ်မှတ်ထားတဲ့ အခြေအနေ Point တစ်ခု ကိုရောက်ပြီဆိုတာနဲ့ အဲဒီလူမှာ Osteoporosis ရှိလာပြီဖြစ်ပါတယ် ။

အရိုးပွရောဂါနဲ့ မီးယပ်သွေးဆုံး ဘယ်လို ပတ်သတ်သလဲ ။

သွေးဆုံးပြီးတဲ့အခါမှာ အီစရိုဂျင်ဟော်မုန်းတွေ လျော့နည်းသွားခြင်းနဲ့ အရိုးပွရောဂါ ဖြစ်ပွားလာခြင်းဟာ တိုက်ရိုက် ကြီးကို ဆက်သွယ်မှုရှိပါတယ် ။ သွေးဆုံးပြီးတဲ့အခါမှာ အရိုးပျက်ဆီးခြင်း ဟာ အရိုးသစ်တွေ တည်ဆောက် ခြင်းကို ကျော်လွန်ပြီး အသစ်ဖြစ်ပေါ်ခြင်းထက်ကို ဆုံးရှုံးခြင်းက များလာပါတယ် ။ Early menopause လို့ခေါ်တဲ့ အသက် ၄၅ အောက်ဖြစ်ခြင်း ၊ ဟော်မုန်းပမာဏ နည်းသော ကာလ ရှည်ကြာခြင်း နဲ့ သွေး ဆင်းသော ကာလ Menstrual Period မရှိခြင်းသိုပမဟုတ် မမှန်ခြင်းတွေဟာလည်း အရိုးရဲ့သိပ် ဆည်းဆ ကို နည်းစေပါတယ် ။

အရိုးပွရောဂါရဲ့ လက္ခဏာတွေက ဘာတွေလဲ ။

အော့စတီရိုပရိုးဆစ်ကို တခါတရံမှာ တိတ်ဆိတ်သော ရောဂါ Silent disease လို့ခေါ်ပါတယ် ။ ဘာကြောင့် လဲဆိုတော့ အရိုးဆုံးရှုံးခြင်းဟာ တခါတရံ ဘာလက္ခဏာမှမပြပဲ ဖြစ်ပွားလေ့ရှိခြင်းကြောင့် ဖြစ်ပါတယ် ။ လူတွေ ဟာ သူတို့ အရိုးတွေ အားနည်းလာခြင်းကို မကြုံတွေ့ရသေးသမျှ ၊ ချော်လဲခြင်း ၊ အရိုးမျက်ခြင်း ၊ တစ်စုံတစ်ခုနဲ့ ၀င်တိုက်မိခြင်း တို့ကြောင့် အရိုးကျိုးခြင်း ကိုမကြုံတွေ့ရသေးသမျှ အရိုးပွရောဂါ ဖြစ်ပွားနေမှန်းကို မသိရှိကြသေး ပါဘူး ။ အရိုးပျက်ဆီးသွားပြီဆိုရင် ပြင်းထန်သော ခါးနာခြင်း သာမက တခါတရံ အရပ်ပုဝင်သွားခြင်း သို့မ ဟုတ် ကျောရိုးဆစ် ပုံသဏ္ဍာန်မမှန်တော့ခြင်း စတာတွေပါ ကြုံတွေ့ရနိုင်ပါတယ် ။

ဘယ်လိုလူတွေမှာ အရိုးပွရောဂါ ရနိုင်သလဲ ။

၁ ။ အသက်အရွယ် - အသက် ၃၀ အရွယ်လောက်ဆိုရင်တော့ အမြင့်ဆုံးအရိုးသိပ်သည်းဆနဲ့ အရိုးသန်မာမှုဟာ ရလာ ပြီဖြစ်ပါတယ် ။ အဲဒီအသက်အရွယ်အနောက်မှာတော့ အသက်ကြီးလာတာနဲ့အမျှ အရိုးရဲ့ သိပ်သည်းဆ bone mass ဟာလည်း တဖြည်းဖြည်းလျော့ကလာပြီဖြစ်ပါတယ် ။

၂ ။ လိင် အမျိုးအစား - အသက်ငါးဆယ်ကျော်သွားတဲ့အမျိုးသမီးတွေမှာတော့အ ရိုးပွရောဂါဖြစ်ပွာဖို့ အခွင့် အရေး ပိုများလာပြီဖြစ်ပါတယ် ။ တကယ်တော့ အမျိုးသမီးတွေက အမျိုးသားတွေထက် အရိုးပွရောဂါ ဖြစ်နိုင်ချေ လေးဆ ပိုများပါတယ် ။ အမျိုးသမီးတွေရဲ့ ပေါ့ပါး ပါးလွှာတဲ့ အရိုးတွေရယ် ရှည်လျှားတဲ့အသက် အရွယ်တွေ ဟာ အရိုးပွ ရောဂါတွေဖြစ်စေတဲ့ အဓိကအချက်တွေမှာပါ အပါအ၀င်ဖြစ်ပါတယ် ။

၃ ။ လူမျိုး - လေ့လာမှုစမ်းသပ်မှုတွေအရတော့ အာရှအမျိုးသမီးတွေနဲ့ လူဖြူအမျိုးသမီးတွေမှာ အရိုးပွရော ဂါဖြစ်နိုင်ချေ ပိုများတယ်လို့ဆိုပါတယ် ။ လူဖြူအမျိုးသမီးတွေမှာဆိုရင် တင်ပဆုံရိုးကျိုးလွယ်ခြင်းဟာ လူမည်းအ မျိုးသမီးတွေထက် နှစ်ဆ ပိုများပါတယ် ။

၎ ။ အရိုးတည်ဆောက်ပုံနှင့် ခန္ဓာကိုယ်အလေးချိန် - ပိန်ပါးတဲ့အမျိုးသမီးမှာ အရိုးပွ ရောဂါပိုအဖြစ်များပါတယ် ။ ဘာကြောင့် လည်းဆိုတော့ သူတို့မှာ ခန္ဓာကိုယ်ဝတဲ့ တုတ်ခိုင်တဲ့ အမျိုးသမီးတွေထက်စာရင် အရိုးပမာဏ နည်းပါးတဲ့ အတွက်ဖြစ်ပါတယ် ။ အဲဒီလိုပဲ အရိုးသေးတဲ့သူတွေ နဲ့ ပိန်တဲ့အမျိုးသားတွေမှာလည်း ခန္ဓာကိုယ် တုတ်ခိုင်တဲ့အမျိုးသားတွေထက် အရိုးပွရောဂါဖြစ်နိုင်ချေ ပိုများပါတယ် ။

၅ ။ မျိုးရိုးရာဇ၀င် - အရိုးပွ ရောဂါမှာ မျိုးရိုးလိုက်ခြင်း Heridity ဟာလည်း အရေးကြီး တဲ့အချက် တစ်ချက်ဖြစ်ပါတယ် ။ အကယ်၍ သင့်မိဘတွေနဲ့ အဖွားစသည်တို့မှာ အရိုးပွရောဂါ ဖြစ်နေတဲ့ လက္ခဏာတွေ ရှိနေပြီဆိုရင်တော့ (ဥပမာ သာမန် ချောလဲခြင်းမှတဆင့် တင်ပဆုံရိုးကျိုးခြင်း ) သင့်မှာလည်း ဒီရောဂါဖြစ်ဖို့ အခွင့်အ လမ်းများနေပါပြီ ။

အရိုးပွရောဂါရှိမှန်း ဘယ်လိုသိနိုင်မလဲ ။

ဒီလိုပြဿနာတွေမဖြစ်ခင်မှာ သင့်ရဲ့အရိုးအတွက် အချက်အလက်တွေပေးနိုင်တဲ့ မနာမကျင်တဲ့ မှန်ကန်တဲ့ စမ်းသပ်မှု တစ်ခုရှိပါတယ် ။ အဲဒါတွေကတော့ BMD လို့ခေါ်တဲ့ Bone Mineral Density တွက်ဆခြင်း သို့မဟုတ် Bone Measurements ဒါမှမဟုတ် ဓါတ်မှန်ရိုက်ခြင်းစသည်တို့ပဲဖြစ်ပါတယ် ။ မှတ်သားထားဖို့တစ်ချက်ကတော့ ဘယ်လို risk factors တွေမှမရှိတဲ့အမျိုးသမီး တစ်ယောက်ဟာ BMD T-Socres -2.5 ရှိနေတယ်ဆိုရင်တော့ အရိုးကျိုးလွယ်မှုကိုလျော့ချမှုအတွက် ကုသမှု ခံယူသင့်တယ်ဆိုတာဖြစ်ပါတယ် ။ T-scores ဆိုတာဟာ လူတစ်ယောက်ရဲ့ အရိုးသိပ်သည်းဆ Bone Mineral Density နဲ့ အသက် ၃၀ အရွယ်မှာ ရှိသင့်တဲ့ စံ Optimal သို့မဟုတ် peak desity ( စံသတ်မှတ်ထားသော အရိုးသိပ်သည်းဆနှုန်း ) နဲ့ နှိုင်းယှဉ်တွက်ချက်ခြင်းကို ဆိုလိုပါ တယ် ။ အမျိုးသမီးတစ်ယောက်ဟာ BMD-T scroes -1.5 အောက်လည်းရောက်နေမယ် အရိုးကျိုးလွယ်တဲ့ risk factors တွေလည်းရှိနေမယ်ဆိုရင်တော့ အရိုကျိုးလွယ်မှုနှုန်းကိုလျော့ချဖို့အတွက် ကုသမှု ခံယူဖို့ လိုအပ်နေ ပြီဖြစ်ပါတယ် ။

ဘယ်လိုလူတွေက BMD စမ်းသပ်မှု ပြုလုပ်သင့်သလဲ ။

- အရိုးကျိုးဖူးသော သွေးဆုံးပြီးသား အမျိုးသမီးအားလုံး
- အသက်၆၅ နှစ်အောက် risk factor တစ်ခုသို့မဟုတ် တစ်ခုထက် ပိုရှိနေသော သွေး ဆုံးပြီး သားအ မျိုးသမီး အားလုံး
- အသက် ၆၅ နှစ်အထက် Risk factors ရှိသည်ဖြစ်စေ မရှိသည်ဖြစ်စေ သွေးဆုံးပြီးသား အမျိုးသမီးအားလုံး

အရိုးပွရောဂါကို ဘယ်လိုကုသမလဲ ။

အရိုးပွရောဂါကို ကုသမှုပေးတဲ့နေရာမှာ အောက်ပါတို့ ပါဝင်ပါတယ် ။

- ကယ်လ်စီယမ်နှင့်ဗီတာမင်ဒီဆေးဝါးများ
- Risedronate , Ibandronate , Raloxifene , Alendronate , Zoledronic acid စသော ဆေးဝါးများ
- Calcitonin ဆေး
- Senosumab
- အီစရိုဂျင် ကုသမှုများ
- အလေးပင့်လေ့ကျင့်ခန်းများ ( weight bearing exercises - မြေထုဆွဲအားကို ဆန့်ကျင်ပြီး ကြွက်သားတွေကို အလုပ်လုပ်စေခြင်း )

ဟော်မုန်း ဆေးဝါးတွေနဲ့ ကုသသင့်သလား။

ဟော်မုန်းကုသမှု (Hormone Therapy - HT ) ဟာ အရိုးပွရောဂါ ကာကွယ်တဲ့အခါမှာရော အရိုးဆုံးရှုံးမှုကို ဖယ်ရှားတဲ့နေ ရာမှာပါ အလွန်အသုံးဝင်တဲ့ ကုသမှုတစ်ခုဖြစ်ပါတယ် ။ ယေဘူယျအားဖြင့်တော့

- သွေးဆုံးချိန်စောသာ သွေးဆုံးပြီးသူများ
- BMD test နှင့်စမ်းသပ်သောအခါ bone mass နည်းသူများ နှင့် သွေးဆုံး ကိုင်လက္ခဏာများခံ စားနေ ရသော သွေးဆုံးပြီးသူများ
- အရိုးပွရောဂါအတွက်များစွာသော risk factors များရှိသူများ ( ဥပမာ ပိန်ပိန်ပါးပါး ၊ မျိုးရိုးတွင် အရိုး ပွရော ဂါရှိသူ ၊ ကိုယ်လုံးကိုယ်ပေါက် သေးသွယ်သူများ )
စသည့်သူများမှာ ဟော်မုန်းကုသမှု ပေးဖို့ ထောက်ခံထားပါတယ် ။

ဒါပေမယ့် အဆိုးအကောင်းဒွန်တွဲနေတဲ့ သဘောရှိသည့်အလျှောက် ဟော်မုန်းကုသမှု ရဲ့ ဆိုးကျိုးတွေကို တိတိ ကျကျမသိရပေမယ့် အချို့သော ဟော်မုန်းကုသမှုတွေကတော့ အောက်ပါ အခြေအနေများကို ဖြစ်ပွားစေ တတ်ပါတယ် ။

- ရင်သားကင်ဆာ
- သည်းခြေ နှင့်ဆိုင်သော ရောဂါများ
- သွေးခဲခြင်းများ
- သွေးပေါင်ချိန်တက်ခြင်း

အကယ်၍ အရိုးပွရောဂါ ကာကွယ်ဖို့အတွက် ဟော်မုန်းကုသမှု ပေးမယ်ဆိုရင်တော့ သင်ဟာ သင့် ဆရာဝန်ကို သင့်မှာ နှလုံး ရောဂါ ၊ သွေးခဲခြင်းပြဿနာများ နဲ့ ရင်သားကင်ဆာတွေရှိနေရင်တော့ ပြောဖို့လိုပါတယ် ။ လိုအပ်မယ် ဆိုရင်တော့ ဆရာဝန်က အရိုးပွရောဂါနဲ့ အရိုးကျိုးလွယ်ခြင်းကို ကာကွယ်ဖို့အတွက်သင့်ကို တခြား ကုသမှုတွေပေးမှာဖြစ်ပါတယ် ။ နောက်ဆုံးမှာ အရေးတကြီးမှတ်ထားရမယ့်အချက်ကတော့ သားအိမ်ထုတ်ခြင်း Hysterectomy လုပ်ထားတဲ့အမျိုးသမီးတွေဟာ အီစရိုဂျင် တစ်ခုတည်းပါတဲ့ဆေးတွေသာ ညွှန်ကြားသင့် ပါတယ် ။ ဟော်မုန်းကုသမှုမှာပါဝင်တဲ့ ပေါင်းစပ်ကုသမှုတွေမပေးသင့်ပါဘူးတဲ့ ။ အီစရိုဂျင်တစ်ခု တည်းပါ တဲ့ ဆေးတွေက ပေါင်းစပ်ဆေးတွေထက် Risk ပိုနည်းတာကိုတွေ့ရပါတယ် ။ သင့်ဆရာဝန်နဲ့တိုင်ပင်ပြီး အကောင်း ဆုံး ကိုယ်နဲ့သင့်တော်တဲ့ ကုသမှုကို ခံယူရမှာဖြစ်ပါတယ် ။

ဟော်မုန်းကုသမှုတွေအစားသုံးတဲ့ Alternative ကုသမှုတွေကတော့ Fasamax , Actonel , Ateliva , Boniva , Fortical , Miacalcin , Evista , Reclast , Prolia စတဲ့ဆေးဝါးတွေဖြစ်ပါတယ် ။

အရိုးပွရောဂါကို ဘယ်လိုကာကွယ်ပေးနိုင်သလဲ ။

အောက်ပါ အချက်တွေနဲ့ အရိုးပွရောဂါတွေကို ကာကွယ်နိုင်ပါတယ် ။

- လေ့ကျင့်ခန်းပြုလုပ်ခြင်း ( ပုံမှန်လေ့ကျင့်ခန်းအချိန်မှန်ပြုလုပ်တဲ့အစီအစဉ်ဖြစ်ပါတယ် ။ )
- ကယ်လ်စီယမ်ပါဝင်သောအစာများစားခြင်း
- ဗီတာမင်ဒီ ပါဝင်သောအစာများစားခြင်း ( ဥအမျိုးမျိုး ၊ အဆီများသော ဆယ်လ်မွန်ငါး ၊ ပြောင်း ၊ နို့ )
- အီစရိုဂျင်ဆေးဝါးများ
- အချို့သောကုသမှုများရှောင်ခြင်း ( စတီးရွိုက် နှင့် အတက်ရောဂါကုသဆေးများ ၊ သွေးကျဲဆေးများ ၊ သိုင်းရွက်ကုသဆေးများ )
- တခြားကာကွယ်ခြင်းများ ( အရက်လျော့သောက်ခြင်း ၊ ဆေးလိပ်ဖြတ်ခြင်း - ဆေးလိပ်သောက်တဲ့အခါ အီစရိုဂျင်တွေ နည်းသွားစေတယ် ဆေးလိပ်ဖြတ်တဲ့အတွက် အရိုးကိုပါ ကာကွယ်ပြီးသားဖြစ်တယ် ၊ အရက်သောက် တဲ့အခါ မူးပြီးမှောက်လွယ်တဲ့အတွက် အရိုးကျိုးလွယ်တာပိုများပါတယ် )

အမျိုးသမီးတွေသာမက အမျိုးသားတွေပါ အရိုးပွရောဂါအကြောင်း သိရှိပြီး ရှောင်ရန်ဆောင်ရန်များကို မှတ်သား လိုက်နာပြီး ကျန်းမာ သုတပြည့်ဝကြပါစေ ။

References
- National Institute on Aging. Health Information. Publications. Age Page. Osteoporosis: The Bone Thief. www.nia.nih.gov Accessed 3/14/2011
- North American Menopause Society. Menopause Guidebook: Helping Women Make Informed Healthcare Decisions Around Menopause and Beyond. www.menopause.org Accessed 3/14/2011
- American Congress of Obstetricians and Gynecologists. Publication. Patient Education: Osteoporosis www.acog.org Accessed 3/14/2011
© Copyright 1995-2011 The Cleveland Clinic Foundation. All rights reserved.

သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

4 comments:

  1. N ချစ်သူDecember 24, 2011 at 6:23 AM

ွှအရိုးပွရောဂါမဖြစ်အောင်တော့ ဖော်ပြထားတဲ့အစားအစာတွေနဲ့ ကာကွယ်ပါ့မယ်။ ဒါပေမဲ့မျိုးရိုးလိုက်တာကတော့.... ဟင့် ..:(

    ReplyDelete
  2. ကျေးဇူးပြု၍လေးဖက်နာရောဂါကြောင်းတင်ပြပေးပါ။

    ReplyDelete
  3. Thank you for this post. Please let me copy this article. I'd like to share (with the credit to you).

    ReplyDelete
  4. မောင်သက်တန့်ရေအရိုးပွရောဂါအကြောင်းဖတ်လိုက်ရလို့ကျေးဇူး
    တင်ပါတယ်နော်အန်တီသောက်တဲ့ဆေးနဲ့လည်းတိုက်ဆိုင်ပါတယ်
    အန်တီကလည်းAlendronate sodium Tablets USP 35mg.
    ကိုသောက်နေပါတယ်တကယ်လည်းသက်သာပါတယ်နောက်ထပ်လည်း
    ကျန်းမာရေးဗဟုသုတလေးတွေကိုတင်ပေးပါဦးနော်

    ခင်တဲ့အန်တီလေး(မေခင်)

    ReplyDelete

ဒါလေးတွေရောဖတ်ပြီးပြီလား

Related Posts with Thumbnails