Friday, December 23, 2011

♥ ဒီဇင်ဘာပိတ်ရက်မှာ ဘာလုပ်မယ်♥ (Tagged by White Angel )

♥ ဒီဇင်ဘာပိတ်ရက်မှာ ဘာလုပ်မယ်♥ (Tagged by White Angel )



ငယ်ငယ်ကလေးဘ၀ တွေကအတိုင်း ပွဲတော် တစ်ခုခုရက်ရောက်ပြီဆိုလျှင်ကျွန်တော်ပျော်သည် ။ သင်္ကြန်ရောက် လည်း စိတ် က မြူးလာပြီး ရွှင်လန်းလာသည် ။ သီတင်းကျွတ်လည်း ရင်ထဲချမ်းမြေ့သည်။ တန်ဆောင် တိုင်လည်း မီးထွန်းရတာ ပျော်စရာကောင်းသည်ဟုထင်သည် ။ ထို့အတူ ခရစ်စမတ် ရက် သည် လည်း ပျော်ရွှင်ကြည်နူးစရာကောင်းသည်ဟု ကျွန်တော်ထင်မိသည် ။ ကျွန်တော်၏ ပျော်ရွှင်ကြည်နူးခြင်း ပွဲတော် ရက်များ အထိမ်းအမှတ်နေ့များ (ဥပမာ လွတ်လပ်ရေးနေ့ အမျိုးသားနေ့ ကရင်နှစ်သစ်ကူးနေ့ စသည် ) သည် ဘာ သာရေးနှင့်လည်း မသက်ဆိုင် မည်သည့်အကြောင်းတရားနှင့်မှလည်း မသက်ဆိုင်ပဲ ကိုယ့်ဘာသာကိုယ် အလိုလို လူတွေချမ်းမြေ့ကြည်နူးနေတာမြင်လျှင် ကိုယ်ပါ ကူးစက်ချမ်းမြေ့ပျော်ရွှင်လာသည်ဟု ရိုးရိုးကလေး ခံယူထား မိခြင်းသာဖြစ်၏ ။ ဒါက ယခု ကျွန်တော်ဖြေမည့်တဂ်ပို့စ် အားအကြို နိဒါန်းပျိုးနေခြင်းပင် ။ ခရစ်စမတ် ကို ကျွန်တော်က အလွန်ပျော်သည် ။ ကျွန်တော့်အကို နှစ်ယောက်ဖြစ်သော ဇော်၂ ဇော်မှ ကျွန်တော့်အား အလွန် ချစ်သော အကြီးဖြစ်သူ ဇော်လတ်မှာ ခရစ်စမတ် ဒီဇင်ဘာ ၂၅ တွင်မွေးဖွားသော သူတစ်ဦးဖြစ်၏ ။ ဟိုးယခင် ကဆိုရင် သူ့မွေးနေ့လျှင် မနက်အစောကြီး ထ ညီငယ်ညီမငယ်များ ကျွန်တော်တို့ တစ်သိုက်ကို လက်ဆွဲကာ ရွှေတိဂုံသို့ တက်လေ့ရှိသည် ။ အပြန်ကျလျှင်တော့ သူ့သူငယ်ချင်းတွေနဲ့ဆုံကာ ယစ်ဆိုင်သို့ရောက် သွားစမြဲပင် ။

ထိုအခါ ကျွန်တော်က ဇော်လတ်ခေါ် ဘိုးတော်အား အမြဲပြောလေ့ရှိသည် ။ “ ဟာဗျာ ဘိုးတော် ကလည်းမမိုက်ပါဘူး မနက်ကျတော့ဘုရားတက် ပြန်ဆင်းတော့ အရက်ဆိုင်ဝင် ဘယ်မှာ လာကုသိုလ်ရမှာတုန်း ” လို့ပြောတော့ ဘိုးတော်က ချစ်စနိုးကျွန်တော့် ခေါင်းကိုပုတ်လို့ပြန်ပြောတယ် ။ “ ဒီမယ်ညီလေး ရယ် မွေးနေ့ ဆိုတာ တကယ်တော့တစ်ရက်ထဲရှိတာပါကွာ ငါက အရက်ကို စိတ်ညစ်လို့လည်း မသောက် ဘူး ပျော် လို့လည်း မသောက်ဘူး မုန်းလို့လည်းမသောက်ဘူး ချစ်လို့လည်း မသောက် ဘူး သောက်ချင်လို့ကို ကြိုက် လို့သောက် တာကွ ဒီတော့ ငါမွေးတဲ့ရက်မှာ ငါကြိုက်တဲ့ အရက်နဲ့ ငါ့ကိုယ်ငါ ပြန်ဂုဏ်ပြုခြင်းပေါ့ကွာ ” အဲဒီ လို အူကြောင်ကြောင် စကားတွေပြောပြီး သူဟာ အမြဲရယ်မောနေလေ့ရှိတယ် ။ ကျွန်တော်က တော့ ငယ်ငယ် တုန်းက ထိုအတွေးအခေါ်များကိုနားမလည်ချေ ။ ယခု နှစ် ခရစ်စမတ်မှာတော့ သူ့အနားတွင် ကျွန်တော် မရှိနေချေ ။ မန္တလေးရောက်နေခြင်းကြောင့်ဖြစ်သည် ။ ခရစ်စမတ်အကြောင်းဆက်ပြောရမည်ဆိုလျှင် ခရစ်စမတ် သစ်ပင်တွင် မီးလုံးကလေးတွေ သိကြားလုံးကလေးတွေ နှင့် လက်ဆောင်ပစ္စည်းထုပ်ကလေးတွေ အလှဆင်ချိတ်ဆွဲထားခြင်းအား ကျွန်တော်က လွန်စွာ သဘောကျ၏ ။ ခရစ်စမတ်ဘိုးဘိုးကြီးက ခရစ်စမတ် ညတွင် ကျွန်တော့်အား အရုပ်ကြီးများလာပေးသည်ဟု ငယ်ငယ်က အိပ်မက်ထဲ ခဏခဏ မက်တတ်၏ ။ Merry X ' mas to you !! ဟု သံပြိုင်အော်ဟစ်ဆိုရခြင်းကို ကျွန်တော်ပျော်သည်။ ကျွန်တော် သည်ခရစ်ယာန်ဘာသာမဟုတ်သော်လည်း ခရစ်ယာန်သူငယ်ချင်းများရှိသည့်အလျှောက်သူတို့နှင့် ဂီတာ များတီး ကာ ခရစ်စမတ်နီးသော ရက်များတွင် ခရစ်ယာန်အိမ်များအား သီချင်းလိုက်ဆိုဖူး၏ ။ ကျွန်တော့်အတွက် အမှတ် တရများစွာ ရှိသော ခရစ်စမတ်ပင် ။ ကျွန်တော်အစပျိုးသည်မှာ အတော်ရှည်သွားပြီထင်သည် ။ ယခု အစ်မတော် အဖြူရောင်နတ်သမီးတဂ်သော “ခရစ်စမတ် ရောက်ခါနီးရင် စိတ်လှုပ်ရှား ပျော်ရွှင်မိပါသလား” ဟူသော ပို့စ်ကို စတင်ရေးတော့မည်ဖြစ်သည် ။

[♥] ကိုယ့်ရဲ့ အိမ်ကို ခရစ်စမတ် သစ်ပင်၊ decoration ornaments များနဲ့ အလှဆင်လေ့ ရှိပါသလား။

ရိုးရိုးသားသား ၀န်ခံရလျှင်သော ကျွန်တော် တစ်ခါမှ ခရစ်စမတ်နေ့မှာ အိမ်ကို ခရစ်စမတ် သစ်ပင်တွေနှင့်အ လှဆင်ဖို့ကို အခွင့်အရေးမရခဲ့သလို ဒီအတိုင်း ပဲကျော်ဖြတ်ခဲ့တာများသည် ။ သို့သော် သူငယ်ချင်း အိမ်များတွင်မှု ကျွန်တော်ညလုံးပေါက် ခရစ်စမတ်သစ်ပင်များ အလှဆင်ခြင်း မီးလုံးများချိတ်ဆွဲခြင်းကိုမှု လွန်စွာ ၀ါသနာ ထုံလေသည် ။

[♥] နှင်းတွေ အေးခဲနေတဲ့ နေရာကို သွားရောက်လည်ပတ်ချင်ပါသလား။ တကယ်လို့ နှင်းတွေကြားမှာ လက်ရှိနေ ထိုင်နေရင် နှင်းမပါတဲ့ ခရစ်စမတ်နဲ့ နှင်းဖြူဖြူတွေ ကျရောက်နေတဲ့ ခရစ်စမတ် ဘယ်အရာကို ပိုနှစ် သက်မိလဲ (ရွေးချယ်ခွင့် ရှိမယ်ဆိုရင်ပေါ့)။

ကျွန်တော်သည် ငယ်ငယ်ကတည်းက နှင်းရူးရုးနေသူဖြစ်သည် ။ နှင်းတွေကို ကျွန်တော်အလွန်ချစ်သည် ။ ဖြူလွှလွှ နှင်းစိုင်တွေထဲမှာ မာဖလာလေးဝတ် ကုတ်အကျီနှင့် နှင်းတွေဆုပ်ပြီး ပစ်ပေါက်တမ်း ကလေးတွေ ကစားနေသည်ကိုလည်း ကျွန်တော်အမြဲ စိတ်ကူးယဉ်ခဲ့ဖူးသည် ။ ထို့ကြောင့် ကျွန်တော် နှင်းတွေ ရှိသည့်နေရာ သွားလည်ချင်ပါသည် ။ ကျွန်တော် သာ ရွေးချယ်ခွင့် ရှိရင် နှင်းတွေကျရောက်နေတဲ့ ခရစ်စမတ် ကို တောင့်တ မိမှာပါ ။ ဘာကြောင့်လည်းဆိုတော့ နှင်းနဲ့ ခရစ်မတ်ဆိုတာ ဒီဇင်ဘာရဲ့ အေးချမ်းသော အမှတ် သင်္ကေတတွေ မဟုတ်ပါ လား ။

[♥] ခရစ်စမတ်ပိတ်ရက်ကို ဘယ်လို ဖြတ်သန်းချင်ပါသလဲ။ အဲ့ဒီအချိန်မှာ ခရီးထွက်တတ်ပါသလား။

ခရစ်မတ်ပိတ်ရက်ကို ကျွန်တော်သည် အခန်းလေးတစ်ခန်းတွင် တပည့်များနှင့်အတူ စာသင်နေရပါသည် ။ ခရီးထွက်နေ သည်ဟုပြောလည်းရနိုင်ပါသည် ။ ထို့ကြောင့် ခရစ်စမတ် တနင်္ဂနွေသည် ကျွန်တော့်အဖို့မူ ပျင်းရိဖွယ် စာသင်ရက်များဖြစ်ယုံကလွဲလို့ ဘ၀မှာ ထူးထူးခြားခြား ပြောင်းလဲမှုများမရှိခဲ့ပါချေ ။

[♥] ချစ်တဲ့ခင်တဲ့သူတွေကို ဘယ်လို လက်ဆောင်လေးတွေ ပေးဖြစ်လဲ။

ကျွန်တော့်တွင် လွန်စွာ ကြီးမားသော အားနက်ချက်တစ်ခုရှိ၏ ။ ထိုအရာကား အချိန်ရှားပါးခြင်းဖြစ်ကြောင်း ကျွန်တော့်သူငယ်ချင်းများ ကျွန်တော်နှင့်ပေါင်းဖူးသူများအသိဆုံးဖြစ်၏ ။ ကျွန်တော်အပေး ချင်ဆုံးလက်ဆောင် မှာ ကျွန်တော် ၏ အချိန်များသာဖြစ်၏ ။ ကျွန်တော့်အတွက်မှာမူ ထိုအချိန်များသည် လွန်စွာ တန်ဖိုးရှိသည်ဟု မြင်မိသည် ။ ကျွန်တော့်အချိန်များတွင် ကျွန်တော်က ဒိုင်ယာရီစာအုပ်များ ၊ ကဗျာ စာရွက်ကလေးများ ၊ နှင်းဆီ ပန်းခြင်းနှင့် သစ်သီးများ ၊ ကျန်းမားရေးဆောင်းပါးစာအုပ်များ စသည်တို့ကို လက်ဆောင်ပေးလိုသည် ။


[♥] ခရစ်စမတ်မှာ အမှတ်တရလေးတွေ ရှိခဲ့ဖူးရင် ပြောပြပေးပါ။

ထူးထူးခြားခြားအမှတ်ရစရာဆိုလို့ ကျွန်တော် ဂစ်တာ စတီးတတ်စအချိန်တွင် သူငယ်ချင်းနှင့်အိမ်များအား ခရစ် စမတ်သီးချင်း ဘုရားသီချင်းများလိုက်သီဆိုရင်း ဂီတာတီးသူတစ်ယောက်အဖြစ် ပါဝင်ခဲ့ရခြင်းပင် ။ မတီးတတ် တီးတတ်နှင့်ရင်တွေခုန် Cord တွေမှား Rhythm တွေ လွဲနှင့် ကျွန်တော် အတော်ကြီးပျော်ခဲ့ရဖူးသည် ။ ၂ ပုဒ်လောက်တီးပြီးသည်နှင့်ကျွန်တော်သည် အလွယ်တကူပင် အဖွဲ့နှင့်အသားကျသွားပြီး ခရစ်စမတ် သီချင်း ဂီတာ ကျွန်တော် တစ်သားတည်းဖြစ်သွားခြင်းမှာ ကျွန်တော်၏ အမှတ်တရပင်ဖြစ်သည် ။

[♥] နှစ်သစ် အကြိုညမှာ ဘယ်သူတွေနဲ့ အတူတူ ရှိနေချင်ပါသလဲ။

ကျွန်တော့်နှစ်သစ်အကြိုည မှာ ကျွန်တော် က အေးချမ်းစွာ ဂစ်တာလေးတစ်လက် စာရွက်ဖြူ ဘောပင် တစ်ချောင်းနှင့် ဂစ်တာလေးတီးရင်းကဗျာလေးရေးရင်းအေးချမ်းစွာ ကုန်ဆုံးချင်သည် ။ ထို့ကြောင့် နှစ် သစ်အကြိုည မှာ အတူရှိနေချင်သည်မှာ ကျွန်တော်၏ ကဗျာများ ၊ ဂစ်တာတစ်လက်နှင့် ကျွန်တော် ၏ စိတ်အာရုံ ခံစားမှုများပင်ဖြစ်ပေလိမ့်မည် ။

[♥] New Year Eve မှာ countdown ပြုလုပ်လေ့ ရှိသလား။ အမှတ်တရများ ရှိခဲ့ရင် ပြောပြပေးပါ။

တစ်နှစ်တွင် (မည်သည့်နှစ်လည်းတော့မမှတ်မိတော့ပါ ) ကျွန်တော်အချိန်ကို ၁၂ နာရီတိတိ ရေ တွက်ကာ နှစ်သစ်ကို ကြိုခဲ့ဖူးသည် ။ သို့သော်ကျွန်တော့်ရည်ရွယ်ချက်အထမမြောက်ခဲ့ပါ ။ ၁၂ နာရီထိုးခါနီး ၅ စက္ကန့်လောက် အလိုတွင် ကျွန်တော့်နာရီ ဓါတ်ခဲကုန်ကာ ရပ်တန့်သွားခြင်းဖြစ်၏ ။ ကျွန်တော်သည် နောက်ထပ် ၂ မိနစ်လောက် ငြိမ်သက်စွာ နာရီအားငေးရင်း ဘာကိုတွေးနေမိမှန်းမသိတွေးနေဖြစ်ခဲ့သည် ။ ပြီးနောက် ကျွန်တော် နယူးရီးယား ဘာညာလည်းအော်ဟစ်ခဲ့မိ အိပ်မက်ထဲ နှင်းတွေ လျှောစီးရင်း နှင်းမုန်တိုင်းထဲ ကျွန်တော်ပါ သွားသည်ဟု အိပ်မက်မက်ကာ ကျွန်တော်အိပ်ပျော်သွားခဲ့လေသည်မှာ ကျွန်တော်၏ အမှတ်ရ ပင်ဖြစ်ပေလိမ့်မည် ။

[♥] နှစ်သစ်ကို ကုန်ဆုံးစေချင်တဲ့ နေရာသီးသန့်မျိုး ရှိပါသလား။ အလည်အပတ် အစီအစဉ် ရှိ၊ မရှိ ဖော်ပြပေးပါ။

နေရာသီးသန့်မရှိပါ ။ ကျွန်တော်သည် ဖြစ်နိုင်လျှင်တော့ တရုတ်မဟာတံတိုင်းကြီးပေါ်မှ သော်လည်းကောင်း ၊ နိုင်ဂရာရေ တံခွန်၏ ညအလှအားရှူစားရင်းလည်းကောင်း မြစ်ဆုံဒေသသို့သွားရောက် ကာ ညဖက် နယူးရီးယား အား ကုန်ဆုံးစေမည်လားဟုတော့တွေးဖြစ်သည် ။ အလည်အပတ်အစီအစဉ်မရှိပါ ။

[♥] နှစ်သစ်မှာ New Year Resolution အနေနဲ့ ဘာတွေ ဆုံးဖြတ်ချက်ချပြီး အကောင်အ ထည် ဖော်တတ်ပါသလဲ။

နှစ်ဟောင်းနှစ်သစ်ဆိုသည်မှာ ဘာမှမထူးခြားသော ပြက္ခဒိန်တွေထဲက သာမန်နေ့ရက်များဟု ကျွန်တော်ထင်သည် ။ နှစ်ဟောင်းတွင်လုပ်ခဲ့သမျှ ဘာမှမပြောင်းလဲ သွားသလို နှစ်သစ်တွင်ပြုလုပ် မည့်အရာ များလည်း ဘာမှပြောင်လဲမသွားနိုင်ချေ ။ သူ့ဘာသာသူ အစီအစဉ်တကျ Program အတိုင်း ဘ၀က ဖြတ်သန်းသွားမည်သည်ဖြစ်သည် ။ ထိုဘ၀ရေစီးထဲ ကျွန်တော်တို့က အလိုက်သင့်စီးမျောသွား ယုံပင်မ ဟုတ်ပါလား ။ ဘ၀ရေစီးအား ပြောင်းပြန်ကူး မိသူတွေ ရေဆန်အားဆန်တက် ချင်သူတွေ ရေစီး သဘောနား မလည်သူတွေသာ ဘ၀ ပင်လယ်ထဲ နှစ်မြုပ်ကုန်ကြသည်ဟု ကျွန်တော် ထင်မိပါသည် ။

[♥] နှစ်တစ်နှစ် ကုန်ဆုံးသွားတဲ့ အပေါ် လွမ်းမောတသတာမျိုး၊ အချိန် မကုန်စေချင်တာမျိုး ရှိတတ်ပါသလား။်

အလွမ်းဆိုသည်မှာ ပူဆွေးတတ်ခြင်းသဘောမပါလျှင်တော့ ကျွန်တော်လွမ်းချင်ပါသည် ။ နှစ်တစ်နှစ်ကုန် ဆုံးသွား သည့် အပေါ်တော့ ထူးထူးခြားခြားလွမ်းမိမည်မဟုတ်ပါ ။ အချိန်မကုန်စေချင်တာမျိုးလည်းမရှိပါချေ ။ အရာရာ ဟာ သူ့ဘာသာသူ လှလှ ပပ သို့မဟုတ်ရုပ်ဆိုးစွာ ပြီးဆုံးသွားမည်သာဖြစ်သည် ။

[♥] နှစ်သစ်ရောက်ရင် ဆွေမျိုး၊ မိတ်ဆွေတွေကို ပို့စ်စကဒ်များ၊ e-card များနှင့် နှုတ်ခွန်းဆက်တာမျိုး ရှိပါသလား။

ကျွန်တော့်သည် ဆွေကြီးမျိုးကြီးမှ ဆင်းသက်လာသည့်သူ မဟုတ်သူပီပီ ဆွေမျိုးဆိုသည်မှာလည်း ရွာတွင်အဖေဖက်က အမျိုးအနည်းငယ်နဲ့မြို့တွင်လည်း ဆယ်ယောက် ပင်မပြည့်သော ဆွေမျိုးအနည်းငယ် သာရှိသည် ။ ရွာမှဆွေမျိုး များ မှာ ခေတ်ပေါ်သိပ္ပံ ပစ္စည်းများနှင့်အလှမ်းဝေးသူများပီပီသူတို့သည် အင်တာနက်မ သိသလို အီးကတ်ဆိုသည်မှာလည်း အလွန်အလှမ်းဝေးသည် ။ ကျွန်တော်ပို့စ်ကဒ်ရေးပို့လိုက်လျှင် အူကြောင်ကြောင် နိုင်သောကောင် ဟု ထင်မည်စိုး၍ ကျွန်တော် မလုပ်တော့ဟု ဆုံးဖြတ်လိုက်ပါသည်။ သို့သော် ကျွန်တော့် ထံမှ အွန်လိုင်းပေါ်လုပ်၍ရသော ပို့စ်ကဒ် အီးကဒ်များ လိုချင်လျှင်တော့ကျွန်တော်ပို့ပေးနိုင်ပါသည် ။

ဤသို့သာပင် ခရစ်စမှတ် .. ဒီဇင်ဘာ... ကျွန်တော့်မွေးနေ့ အရာရာသည် နှစ်သစ်ကူးမတိုင်ပင် ရက်အနည်းငယ် တွင် အစီအစဉ်တကျ ကုန်ဆုံးသွားတတ်သော ပြက္ခဒိန်ထဲမှ သင်္ကေတများပင်ဖြစ်ပေတော့သည် ။

သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

7 comments:

  1. ပျော်ရွင်ဖွယ် ခရစ်စမတ်လေး ဖြစ်ပါစေအကို...

    ReplyDelete
  2. ရို့စ်ပို့စ်လေးကို ဆက်လက်တက်ဂ်ပေးတဲ့ အစ်မအဖြူရောင်နတ်သမီးနဲ့ မေးခွန်းလေးတွေကို စိတ်ဝင်စားအောင် အရေးအသားကောင်းကောင်းနဲ့ ရေးဖြေထားတဲ့ ကိုသက်တန့်ချိုတို့ကို ကျေးဇူးတင်ပါတယ်ရှင်။ အေးချမ်းသော နှစ်သစ်တိုင်းကို ပိုင်ဆိုင်ရရှိနိုင်ပါစေ။

    ReplyDelete
  3. ကျေးဇူးအထူး..
    Merry Christmas and Happy New Year...

    ReplyDelete
  4. ခရစ်စမတ်ပိတ်ရက်မှာလဲ ကိုယ်တို့ အလုပ်ကမပိတ်ပါဘူး။ ဒီတော့အလုပ်ပဲဖိလုပ်ရတော့မှာပေါ့။ သက်တန့် တစ်ယောက်ထဲတော့မဟုတ်ပါဘူးနော်။

    ReplyDelete
  5. သက်တန့်ရဲ့ ဒီဇင်ဘာရက်လေးတွေက ပျော်ရွှင်စရာတွေနဲ့
    ပြည့်ဝနေပါစေနော်။
    ခင်တဲ့
    သဒ္ဓါ

    ReplyDelete
  6. ကျနော်တို.လည်း christmas မှာ
    အလုပ်ဆင်းနေတယ်
    ဗုဒ္ဓဘာသာပေမယ်. ဒီနေ.ကိုလည်း ပျော်တယ်။
    အစ်ကို ဖြေထားတာတွေကိုကြိုက်တယ်
    ကျနော်လဲ အဲလိုပဲ တွေးတယ်

    ReplyDelete
  7. ပျော်ရွင်ဖွယ် ခရစ်စမတ်နေ့နဲ့
    ဒီဇင်ဘာပါဗျား
    နှစ်သစ်မှာ ပျော်ရွှင်ချမ်းမြေ့ခြင်း အတိပြီးစေဗျား

    ReplyDelete